Լինա Մերի Քելհուն Հորն

Լինա Մերի Քելհուն Հորն; անգլ.՝ Lena Horne
Ծնվել է	հունիսի 30, 1917[…]
Ծննդավայր	Նյու Յորք, Նյու Յորք, ԱՄՆ
Մահացել է	մայիսի 9, 2010 (92 տարեկան)
Մահվան վայր	Նյու Յորք, Նյու Յորք, ԱՄՆ
Կրթություն	Boys and Girls High School?, Girls' High School? և Վաշինգտոնի ավագ դպրոց
Քաղաքացիություն	ԱՄՆ
Ազգություն	աֆրոամերիկացի
Մասնագիտություն	դերասանուհի, պարուհի, երգչուհի, pin-up model, ակտիվիստ, թատրոնի դերասանուհի, հեռուստատեսային դերասանուհի, կինոդերասանուհի և մոդել
Ժանրեր	ավանդական փոփ երաժշտություն, փոփ, ջազ և ջազ վոկալ
Ամուսին(ներ)	Լեննի Հեյթոն
Երեխա(ներ)	Գեյլ Լումետ Բաքլի
Պարգևներ և մրցանակներ	«Գրեմմի» մրցանակ կնոջ լավագույն փոփ վոկալ կատարման համար Դրամատիկական գրասեղանիի մրցանակ Երաժշտական անվանի դերասանուհու համար «Թոնի» հատուկ մրցանակ NAACP Image Award փառքի սրահ Grammy Award for Best Jazz Vocal Album? NAACP Image Award for Outstanding Jazz Artist? Գրեմմի մրցանակի փառքի սրահ Սպիմգարնի մեդալ Պոլ Ռոբսոնի մրցանակ Հոլիվուդյան փառքի ծառուղու աստղ Radcliffe Medal? International Civil Rights Walk of Fame? և honorary degree from Spelman College?

Լինա Մերի Քելհուն Հորն(անգլ.՝ Lena Mary Calhoun Horne, հունիսի 30, 1917(1917-06-30)^[1]^[2]^[3]^[…], Նյու Յորք, Նյու Յորք, ԱՄՆ^[4] - մայիսի 9, 2010(2010-05-09)^[1]^[5], Նյու Յորք, Նյու Յորք, ԱՄՆ^[6]), ամերիկացի երգչուհի, պարուհի, դերասանուհի։

Կենսագրություն

Լինա Հորնը ծնվել է 1917 թվականի հունիսի 30-ին Բրուկլինի մերձակայքում։ Նա սերվել է Ջոն Սի Քելհունի ընտանիքից, որտեղ և՛ հայրը, և՛ մայրը եվրոպացի ամերիկացիների,ամերիկացի հնդկացիների և աֆրոամերիկացիների խառնուրդ էին։ Նրա հայրը՝ Էդվին Ֆլեդչեր Թեդի Հորն կրտսերը (1893-1970թվականներ), լքել է ընտանիքը, երբ Լինան երեք տարեկան է եղել։ Մայրը՝ Լուիզա Էդնա Սքոթրոնը (1894-1976 թվականներ), գյուտարար Սամուել Սքոթրոնի թոռնուհին էր, սև թատրոնի դերասանուհի, որի հետ էլ Լինան շատ է շրջագայել։ Լուիզա Էդնայի մայրը՝( Լինայի տատը) Ամելի Լուիզա Էշթոնը, ստրուկ էր Սենեգալից։ Լինա Հորնին հիմնականում դաստիարակել են հոր ծնողները՝ Կոռա Քելհունը և Էդվին Հորնը։

Հորնի ելույթը, 1944 թվական

Երբ Հորնը հինգ տարեկան էր, նրան ուղարկել են ապրելու Ջորջիա նահանգում։ Մի քանի տարի նա շրջագայել է մոր հետ։ 1927 թվականից մինչև 1929 թվականը նա ապրել է հորեղբոր՝ Ֆրենկ Ս. Հորնի հետ, որը արդյունաբերական ինստիտուտի դեկանն է եղել (հետագայում նա դարձել է Ֆրանկլին Դ. Ռուզվելտի խորհրդատուն)։

Ֆորտ Վալլիից Լինան մոր հետ տեղափոխվել է Ատլանտա քաղաք։ Նրանք վերադարձել են Նյու Յորք, երբ աղջիկը 12 տարեկան էր։ Նա սովորել է Բրուկլինի աղջիկների միջնակարգ դպրոցում, բայց վկայական չի ստացել։ 18 տարեկանում տեղափոխվել է հոր մոտ՝ Փիթսբուրգ քաղաք՝ մնալով Լիթլ Հարլեմում գրեթե 5 տարի և սովորելով Pittsburghers-ում Բիլլի Սթրեյհորնի և Բիլլի Էքսթայնի հետ։

Հորնը 16 տարեկանում իր երաժշտական դեբյուտն է կատարել նյույորքյան «Cotton Club» ակումբում, որտեղ նա ՝ որպես երգչուհի, որոշ ժամանակ ելույթներ է ունեցել երեկոյան շոուներում։ Հոլիվուդ տեղափոխվելուց հետո նա շատ կինոնկարներում էպիզոդիկ դերերում է հանդես եկել, որոնցից առավել հայտնի են դարձել «Երկնային տնակը»(1943 թվական) և «Անձրևային եղանակը»(1943 թվական)։ 1940-ական թվականների վերջերին՝ «Կարմիր սպառնալիք» շրջանի սկզբում, իր ձախ քաղաքական հայացքների պատճառով Լինա Հորնը հայտնվել է «Հոլիվուդի սև ցուցակում» և հետագա տարիներին դժվարությամբ է աշխատանք գտել։

1950-ական թվականներին Լինա Հորնը կրկին ելույթներ է ունեցել գիշերային ակումբներում, սկսել է պարբերաբար հանդես գալ հեռուստատեսությամբ, ինչպես նաև ձայնագրել է մի քանի երաժշտական ալբոմներ։ 1963 թվականի օգոստոսին նա մասնակցել է Երթ դեպի Վաշինգտոն բողոքի ցույցին։ 1980 թվականի մարտին Հորնը հայտարարել է բեմից հեռանալու մասին, թեև դրանից հետո նա հաջողությամբ հանդես է եկել «Լինա Հորն-Լեդին և իր երաժշտությունը» երաժշտական ռևյուում, որը Բրոդվեյում բեմադրվել է ավելի քան 300 անգամ և երգչուհուն բերել Գրեմմիի երկու մրցանակ։

Հասարակական գործունեություն

Լինա Հորնը ամուր կապված է եղել քաղաքացիական իրավունքների շարժման հետ։ 1941 թվականին նա երգել է Cafe Society-ում և աշխատել Պոլ Ռոբսոնի հետ։ Երկրորդ համաշխարհային պատերազմի տարիներին, երբ Լինան զվարճացրել է զորքին, հրաժարվել է ելույթ ունենալուց տարբեր մաշկի գույն ունեցող լսարանի կամ այն խմբի առջև, որտեղ գերմանացի ռազմագերիները նստում էին աֆրոամերիկացի զինծառայողներից առաջ։ ԱՄՆ-ի բանակը հրաժարվել է նրա ելույթներից, որոնք տեղի էին ունենում խառը լսարանի առջև, բայց Լինան հետաքրքիր քայլ է կատարել՝ ելույթ ունենալով սևամորթ զինվորականների և սպիտակամորթ գերմանացի ռազմագերիների առջև։ Տեսնելով, որ սևամորթ զինվորները ստիպված են նստել հետևի նստարաններին, նա բեմից անցել է նրանց կողմը և ելույթ ունեցել գերմանացիների թիկունքում։ Նա Մեդգար էվերսոնի հետ Միսիսիպի նահանգի Ջեքսոն քաղաքում եղել է NAACP-ի հանրահավաքին, երբ Էվերսը սպանվեց։ Հորնը Սպիտակ տանը հանդիպել է նախագահ Ջոն Քենեդու հետ նրա սպանությունից երկու օր առաջ։ Նա ելույթ է ունեցել Վաշինգտոնում և հանդես եկել NAACP-ի, SNCCО-ի և սևամորթ կանանց Ազգային խորհրդի անունից։ Նա նաև Էլեոնոր Ռուզվելտի հետ աշխատել է Լինչի օրենքների դեմ։ Բացի այդ, Լինան Դելտա Սմիթ Թետի կանանց ակումբի անդամ է եղել։

Թոմ Լեռերը իր «National Brotherhood Week»(Եղբայրության ազգային շաբաթ) երգում հիշատակել է Լինա Հորնին։

Սկավառակագրություն

This Is Lena Horne (1952 թվական)
Stormy Weather (1956 թվական)
Lena Horne At The Waldorf Astoria (1957 թվական)
Porgy And Bess (1959 թվական)
Lena Horne At The Sands (1961 թվական)
Lena Goes Latin (1963 թվական)
Lena And Gabor (1970 թվական, Գաբոր Սաբոյի հետ)
Lena & Michel (1975 թվական, Միշել Լեգրանի հետ)
Twenty Golden Pieces Of Lena Horne (1979 թվական)
Lena Horne And Frank Sinatra (1984 թվական)
A Song For You (1992 թվական)
An Evening With Lena Horne: Live At The Supper Club (1995 թվական)
Being Myself (1998 թվական)

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Internet Broadway Database — 2000.
↑ ^3,0 ^3,1 FemBio տվյալների շտեմարան (գերմ.)
↑ ^4,0 ^4,1 ^4,2 Southern E. Biographical Dictionary of Afro-American and African Musicians — Greenwood Publishing Group, 1982.
↑ ^5,0 ^5,1 ^5,2 GeneaStar
↑ ^6,0 ^6,1 ^6,2 Deutsche Nationalbibliothek Record #124137148 // Gemeinsame Normdatei (գերմ.) — 2012—2016.
↑ https://bowiestate.edu/academics/colleges/college-of-arts-and-sciences/departments/communications/the-spectrum/2015/black-history-month-tribute-to-lena-horne.php
↑ Encyclopædia Britannica
↑ https://www.radcliffe.harvard.edu/about-the-institute/radcliffe-medalists
↑ https://www.nps.gov/features/malu/feat0002/wof/Lena_Horne.htm
↑ https://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2

Արտաքին հղումներ

Վ.Բ.Ֆեյերթագ. Հանրագիտարանային տեղեկատու «Ջազ, XX դար»
Звёзды джаза. Хорн Лена(ռուս.)

Վիքիպահեստն ունի նյութեր, որոնք վերաբերում են «Լինա Մերի Քելհուն Հորն» հոդվածին։

[_147778d0df150631-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ffccc3f2c5f95ff3-2] 2,0 ^2,1 Internet Broadway Database — 2000.

[_95185856f8fcd1e5-3] 3,0 ^3,1 FemBio տվյալների շտեմարան (գերմ.)

[_d50d650721afd660-4] 4,0 ^4,1 ^4,2 Southern E. Biographical Dictionary of Afro-American and African Musicians — Greenwood Publishing Group, 1982.

[_c156962409138b50-5] 5,0 ^5,1 ^5,2 GeneaStar

[_b34e5e5449e567f3-6] 6,0 ^6,1 ^6,2 Deutsche Nationalbibliothek Record #124137148 // Gemeinsame Normdatei (գերմ.) — 2012—2016.

[_0daea16d42e5e71b-7] ttps://bowiestate.edu/academics/colleges/college-of-arts-and-sciences/departments/communications/the-spectrum/2015/black-history-month-tribute-to-lena-horne.php

[_a9fae4e5ce60cb0c-8] Encyclopædia Britannica

[_56e250a5b222d26b-9] ttps://www.radcliffe.harvard.edu/about-the-institute/radcliffe-medalists

[_2b1a324ea09196c3-10] ttps://www.nps.gov/features/malu/feat0002/wof/Lena_Horne.htm

[_a157fe3233c73d75-11] ttps://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2

[1]

[2]

[3]

[4]

[5]

[6]

[7]

[8]

[9]

[10]

[11]