Էյմի Մալինզ

Վիքիպեդիայից՝ ազատ հանրագիտարանից
Jump to navigation Jump to search
Էյմի Մալինզ
Aimee Mullins portrait 2009.jpg
Ծնվել էհուլիսի 20, 1975(1975-07-20)[1] (44 տարեկան)
ԾննդավայրԱլլենթաուն, Փենսիլվանիա, ԱՄՆ
ՔաղաքացիությունFlag of the United States.svg ԱՄՆ
ԿրթությունԷդմունդ Ա. Վալշի անվան դիվանագիտական ծառայության դպրոց
Մասնագիտությունդերասանուհի, մոդել, թեթևատլետ, կինոդերասանուհի և հեռուստատեսային դերասանուհի
ԱմուսինՌուպերտ Ֆրենդ
Կայքaimeemullins.com
Aimee Mullins Վիքիպահեստում

Էյմի Մալինզ (անգլ.՝ Aimee Mullins, հուլիսի 20, 1975(1975-07-20)[1], Ալլենթաուն, Փենսիլվանիա, ԱՄՆ), ամերիկացի մարզիկ, դերասանուհի, մոդել, առաջին անգամ հայտնի է դարձել իր մարմնամարզական ձեռքբերումների համար։ 1996 թվականի Ատլանտայի Պարալիմպիկ խաղերի մասնակից։

Կենսագրություն[խմբագրել | խմբագրել կոդը]

Մալինզը ծնվել է փոքր ոլորքային ոսկրի արատով (նրբոլոքային ոսկրի բացակայություն), որի պատճառով երկու ոտքերն էլ ծնկներից ներքև անդամահատվել են, երբ նա մեկ տարեկան է եղել։ Միջնակարգ դպրոցն ավարտել է Փենսիլվանիա նահանգի Ալենթաուն քաղաքում։ Սովորել և ավարտել է Վաշինգտոնի Ջորջթաուն համալսարանը։ Սպորտով և դերասանական արվեստով զբաղվել է վաղ տարիքից։

Ուսումնառության տարիներին հավասար պայմաններում մրցակցել է Ուսանողական սպորտի ազգային ընկերակցության առողջ մարզիկների հետ (թեթև ատլետիկայում անձնական ռեկորդը՝ 100 մետր վազք՝ 15,77 վայրկյանում, 200 մետր՝ 34,60 վայրկյանում և 3,5 մետր երկարացատկի արդյունք)։

Ջորջթաունում ուսանելու տարիներին Մալինզն արժանացել է Պենտագոնի կողմից առաջադրված արտաքին գործերի կրթաթոշակի ծրագրին։ Հանդես է եկել որպես մոտիվացիոն խոսնակ բնածին, ձեռքբերովի հաշմանդամություն ունեցող անձնանց հետ հանդիպումների, գիտաժողովների ժամանակ։ Նրա TED համաժողովի ելույթներն ամենաշատ դիտված ելույթներն են և թարգմանվել են 42 լեզուներով։ Մալինզն այն բանախոսն է, ով ոգեշնչել է ձեռնարկատեր Քրիս Անդերսոնին գնելու TED համաժողովը Ռիչարդ Սոլ Վուրմենից[2]: 2014 թվականին նա համարվել է TED-ի «All-Star»[3]:

Իր ընտանիքում իռլանդա-ամերիկյան առաջին սերունդն է, ով ունի և ԱՄՆ և Իռլանդիայի քաղաքացիություն:

Մոդել[խմբագրել | խմբագրել կոդը]

1999 թվականին Մալինզը կարիերան սկսել է որպես հաջողակ մոդել։ Հանդես է եկել Ալեքսանդր Մքքուինի լոնդոնյան շոուում՝ ներկայանալով հացենու փայտից ձեռքով պատրաստված պրոթեզային ոտքերով և ամբողջական երկարաճիտք կոշիկներով։ Փոխելով պրոթեզային ոտքերը՝ նա կարողանում է փոխել հասակը[4]: «People» ամսագրի կողմից ճանաչվել է աշխարհի 50 ամենագեղեցիկ մարդկանցից մեկը[5][6]:

Մալինզին լուսանկարահանել են շատ հայտնի լուսանկարիչներ, այդ թվում՝ Նիք Նայթը, Սթիվեն Կլեյնը, Բրյուս Վեբերը, Վոլտեր Չինը, Ինես վան Լամսվերդը, Էլեն ֆոն Ունվերտը։ 1998 թվականին հայտնվել է Dazed & Confused ամսագրի շապիկին[7], որին հաջորդել են նորաձևության այնպիսի ամսագրեր, ինչպիսիք են Harper's Bazaar, Elle, Vogue, i-D, Another, Numero, Garage Magazine[8]: 2009 թվականին որպես «25 Years of Non-Uniform Thinking» Քենեթ Քոլ արշավի մասնակից հայտնվել է գովազդային վահանակներում[9]: Խոշոր պայմանագիր է կնքել L’Oréal ֆրանսիական ընկերության հետ և 2011 թվականին նշանակվել է գլոբալ L’Oréal-ի դեսպան[10]:

Դերասանուհի[խմբագրել | խմբագրել կոդը]

2002 թվականին Մալինզը նկարահանվել է Մեթյու Բարնիի «Կրեմաստեր 3» ֆիլմի 6 տարբեր կերպարներում, որոնցից առավել հիշարժան է վագրակատու կնոջ կերպարը։ Նկարահանվել է նաև Օլիվեր Սթոունի «Երկնաքեր աշտարակները», Դեյվիդ Սաշեի և Էյդան Գիլանի հետ «Հինգ խոզուկները», «Մերկ ձկնամանում», «Ծառայություն ծառայության դեմ», «Հիասքանչ» ֆիլմերում։

2010 թվականի ապրիլի 15-ին հանդես է եկել ամերիկյան երգիծական «Կոլբերի հաշվետվությունը» շոուում և հայտարարել է, որ ունի 12 զույգ պրոթեզային ոտքեր, որոնց մի մասը «թանգարաններում է»[11]:

Անձնական կյանքը[խմբագրել | խմբագրել կոդը]

2013 թվականից Մալինզը կապված է եղել դերասան Ռուպերտ Ֆրենդի հետ[12], 2014 թվականի մայիսին նրանք նշանադրվել են[13] և մինչև 2014 թվականի դեկտեմբեր այդ լուրը գաղտնի պահել[14], 2016 թվականի մայիսի 1-ին՝ ամուսնացել։

Ֆիլմեր, հեռուստատեսություն[խմբագրել | խմբագրել կոդը]

Էյմի Մալինզն արհեստական ոտքերի վրա կանգնած հետևում է, ինչպես է երկու ոտքերն անդամահատված Հյու Հերը մագլցում պատը, Մասաչուսեթսի տեխնոլոգիական ինստիտուտ, Media Lab-ի սիմպոզիում, մայիսի 9, 2007
  • Cremaster 3, 2002
  • Five Little Pigs, 2003
  • Marvelous, 2006
  • World Trade Center, 2006
  • Quid Pro Quo, 2008
  • The Being Experience, 2013
  • Rob the Mob, 2014
  • Young Ones, 2014
  • Appropriate Behavior, 2014
  • STRYKA, 2014
  • Crossbones,2014
  • River of Fundament, 2014
  • In Stereo, 2015
  • Stranger Things, 2016
  • Drunk Parents, 2016

Գրքեր[խմբագրել | խմբագրել կոդը]

Մուլինզը հիշատակվել է հետևյալ գրքերում՝

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. Patrick Pittman (2011)։ «Chris Anderson is the Curator of TED - Conversations with Extraordinary People»։ New York: Dumbo Feather։ Վերցված է October 4, 2013 
  3. Juliet Blake։ «TED2014 All-Stars Line Up»։ Վերցված է March 17, 2014 
  4. TED2009։ «Aimee Mullins: It's not fair having 12 pairs of legs | Video on»։ Ted.com։ Վերցված է August 5, 2012 
  5. «People Issue»։ Վերցված է April 10, 2013 
  6. «People Article»։ Վերցված է April 10, 2013 
  7. «Dazed and Confused 1998 photo»։ Վերցված է April 10, 2013 
  8. «Aimee Mullins - Detail by Year»։ New York, NY: models.com։ Վերցված է November 18, 2014 
  9. «Kenneth Cole 2009 Campaign»։ Վերցված է April 10, 2013 
  10. «L'Oreal publicity Feb 2011»։ Վերցված է April 10, 2013 
  11. «Aimee Mullins - The Colbert Report - 2010-15-04 - Video Clip - Comedy Central»։ April 15, 2010 
  12. Radnor Abigail (February 15, 2014)։ «What I've Learnt»։ London: The Times։ Վերցված է February 15, 2014 
  13. Dowd Maureen (2015-11-26)։ «Maureen Dowd gives thanks for befriending Rupert Friend’s stunning girlfriend»։ irishcentral.com։ Irish Central 
  14. Billups Andrea (2014-12-03)։ «Aimee Mullins and Rupert Friend Are Engaged»։ People]] 

Արտաքին հղումներ[խմբագրել | խմբագրել կոդը]