Բրերա ակադեմիա

Վիքիպեդիայից՝ ազատ հանրագիտարանից
Jump to navigation Jump to search
Բրերա ակադեմիա
Milano brera cortile.jpg
Տեսակգեղարվեստի ակադեմիա
Հիմնադրված է1776
Անվանված էԲրերա պալատ
ԵրկիրFlag of Italy.svg Իտալիա
ՏեղագրությունՄիլան
ՊարգևներFrancesco Filippini?
Կայքaccademiadibrera.milano.it
Կոորդինատներ: 45°28′19.999992099996″ հս․ լ. 9°11′20.000004099998″ ավ. ե. / 45.47222222002777414° հս․. լ. 9.18888889002777809° ավ. ե. / 45.47222222002777414; 9.18888889002777809
Brera Academy Վիքիպահեստում

Գեղարվեստի Բրերա ակադեմիա (իտալ.՝ Accademia di Belle Arti di Brera) կամ Բրերա ակադեմիա (իտալ.՝ Accademia di Brera), պետական երրորդային հանրային գեղարվեստի ակադեմիա Իտալիայի Միլան քաղաքում։

Պատմություն[խմբագրել | խմբագրել կոդը]

Ակադեմիան հիմնադրել է Ավստրիայի Մարիա Թերեզա թագուհին 1776 թվականին։ Տեղակայված է Լուսավորության դարաշրջանին բնորոշ 1615 թվականին կառուցված Բրերա պալատում, տարածքը կիսում է մշակութային և գիտական այլ կառույցների հետ՝ Բրերա աստղադիտարան, Օրտո բուսաբանական այգի, փիլիսոփայության և իրավագիտության Պալատինե (Palatine) դպրոց, վարժարան, քիմիայի և ֆիզիկայի լաբորատորիաներ, Բրերա գրադարան, գյուղատնտեսական ընկերություն, Պինակոտեկա Բրերա (Բրերա պատկերասրահ)[1]:

Անտոնիո Կանովայի կերտած «Napoleon as Mars the Peacemaker» («Նապոլեոնն իբրև խաղարարար Մարս») արձանի բրոնզե կրկնօրինակը Բրերա պալատի բակում

Ակադեմիա[խմբագրել | խմբագրել կոդը]

Ինչպես Իտալիայի մյուս պետական ակադեմիաները, Բրերա ակադեմիան գտնվում է Իտալիայի կրթության և հետազոտության նախարարության ենթակայության ներքո[2]: Համաձայն 2005 թվականի հուլիսի 8-ի թիվ 212 նախագահական հրամանագրի՝ ակադեմիան շնորհում է առաջին և երկրորդ աստիճաններ, մասնագիտացված աստիճան, մագիստրոսի աստիճան և դոկտորանտուրա[3]:

Ակադեմիան ունի երեք բաժիններ`

  • Վիզուալ արվեստի բաժին
    • Դեկորատիվ արվեստի դասընթացներ
    • Գրաֆիկական արվեստի դասընթացներ
    • Նկարչության և քանդակի դասընթացներ
  • Դիզայնի և կիրառական արվեստի բաժին
    • Արվեստի վերականգնման դասընթացներ
    • Բիզնես դիզայնի դասընթացներ
    • Արվեստի նոր տեխնոլոգիաներ և բեմական դիզայնի դասընթացներ
  • Արվեստի հաղորդակցության և կրթության բաժին
    • Մշակութային ժառանգության և արվեստի կրթության դասընթացներ[4]

Ակադեմիան ունի շուրջ 3800 ուսանող, այդ թվում շուրջ 1000 օտարերկրյա ուսանողներ (հիմնականում ասպիրանտներ)։ Ակտիվորեն իրականացնում է ուսանողների և ուսուցիչների փոխանակում այլ եվրոպական երկրների հետ Էրազմուս ծրագրի շրջանակներում, 2006 թվականից՝ նաև ԵՄ տարածքից դուրս գտնվող երկրների հետ, ինչպիսիք են Ճապոնիան, Չինաստանը, Հոնկոնգը, Մեքսիկան, Թայվանը, Ավստրալիան:

2010 թվականին ստորագրվել է հրաման Ակադեմիան Mascheroni փողոցի վրա գտնվող նախկին զինվորական Caserma Magenta զորամաս տեղափոխելու մասին։

Ակադեմիկոսներ, շրջանավարտներ[խմբագրել | խմբագրել կոդը]

Brera Academy Main Court.png

Ակադեմիայի շրջանավարտներից է դրամատուրգ, 1997 թվականին գրականության բնագավառում Նոբելյան մրցանակի դափնեկիր Դարիո Ֆոն[5] և ֆուտուրիստ նկարիչ Կառլո Կառան, ով 1939-1952 թվականներին նաև դասավանդել է ակադեմիայում[6]:

Բրերայի ակադեմիայում են դասավանդել իտալացի գեղանկարիչ Ֆրանչեսկո Հայեցը (նկարչության պրոֆեսոր 1822-1880 թվականներ[7]), ճարտարապետ, գրող Կամիլո Բոիտոն (ճարտարապետության պրոֆեսոր 1860-1909 թվականներ), ով միաժամանակ եղել է նաև ակադեմիայի նախագահը[8]:

Ծանոթագրություններ[խմբագրել | խմբագրել կոդը]