Բրերա գրադարան
 | |
| Երկիր |  Իտալիա[1] |
|---|---|
| Տեսակ | պետական հանրային գրադարան, ազգային գրադարան և conservation library? |
| Հիմնվել է | 1770[2] |
| Տեղադրություն | Միլան[1] |
| Հասցե | via Brera, 28 - 20121 Milano[1] և Via Brera 28, 20121 Milano[3][4][5][…] |
| Հավաքածուներ | |
| Չափ | 1 221 310 արխիվային միավոր[3], 2123 արխիվային միավոր[3][6], 1 853 981 արխիվային միավոր[4], 1 913 981 արխիվային միավոր[5] և 1 500 000 արխիվային միավոր[6] |
| Այլ տվյալներ | |
| Կայք | bibliotecabraidense.org(իտալ.), braidense.it/index/(իտալ.), braidense.it(իտալ.) և bibliotecabraidense.org(իտալ.) |
Բրերա գրադարան (իտալ.՝ Biblioteca di Brera կամ իտալ.՝ Biblioteca Nazionale Braidense), հանրային գրադարան Իտալիայի հյուսիսում՝ Միլան քաղաքում։ Համարվում է Իտալիայի ամենամեծ գրադարաններից մեկը։ Ի սկզբանե գրադարանն ունեցել է պատմական և գիտական մեծ հավաքածու, նախքան Միլանի բոլոր հրատարակչությունները պարտադիր օրինակ կտրամադրեին գրադարանին։ 1880 թվականին հաստատությանը շնորհվել է ազգային գրադարան կարգավիճակը և համարվում է իտալական պետական 47 գրադարաններից մեկը[7]։
Պատմություն[խմբագրել | խմբագրել կոդը]
Գրադարանը 1770 թվականին հիմնադրել է ավստրիացի թագուհի Մարիա Թերեզան, երբ նա որոշել է հանրությանը հանձնել Կառլո Պերտուսատիից ձեռք բերված հավաքածուն։ Գրադարանը բացվել է 1786 թվականին Բրերա պալատում, որը 1773 թվականին Հիսուսի միաբանության լուծարման հետևանքով գտնվում էր պետական ենթակայության ներքո։ Ի լրումն Պերտուսատիի հավաքածուի՝ գրադարանն ուներ նաև Braidense քոլեջի և San Fedele և San Girolamo ճիզվիտների հավաքածուներից[8]։
Այնուհետև գրադարանն իր հավաքածուն համալրել է տարբեր մասնավոր հավաքածուներից, լուծարված տարբեր կրոնական գրադարաններից, ինչպես նաև Ավստրիայի ազգային գրադարանի հավաքածուից։ 1788 թվականից ի վեր հավաքածուն ընդլայնվել է Միլանի կոմսությունում տպագրված պարտադիր օրինակների շնորհիվ, որի արդյունքում Braidense-ը դարձել է Լոմբարդիայի տարածքային օրինական դեպոզիտային արխիվ[9]։
1880 թվականին Braidense-ը ստացել է ազգային գրադարանի կարգավիճակ։
Տարածք[խմբագրել | խմբագրել կոդը]
Գրադարանը գտնվում է 17-րդ դարում ճիզվիտերի կողմից կառուցված Բրերա պալատում։ Բացի գրադարանից այս շենքում են տեղակայված նաև Բրերա պատկերասրահը, Բրերա աստղադիտարանը, Բրերա բուսաբանական այգին, Լոմբարդիայի գիտության և արվեստի ակադեմիան, Բրերա գեղարվեստի ակադեմիան։ 2003 թվականից այս հաստատությունում է գտնվում նաև Archivio Storico Ricordi-ին՝ Կազա Ռիկորդիի պատմական ձայնագրությունների դասական երաժշտության հրատարակչական ընկերությունը։
Գրադարանն ունի՝
- Մարիա Թերեզա սրահ, որի գրադարակները նախագծել է ճարտարապետ Ջուզեպպե Պիեռմարինին
- Ընթերցասրահ՝ 35.000 կտոր գրականությամբ
- Մանձոնիի սրահ, որտեղ պահվում են ձեռագրեր, իտալացի ռոմանտիկ գրող Ալեսանդրո Մանձոնիի նամակներն ու հրատարակությունները
- Գրացուցակների սենյակ, որը նախկինում եղել է Բրերա պալատի դերձակի սենյակը[7]
Հավաքածու[խմբագրել | խմբագրել կոդը]
Սկզբից և ետ Braidense-ն նախատեսված է եղել որպես ընդհանուր գրադարան։ Հավաքածուն ներառել է երգչախմբային ստեղծագործություններ, պատմական, գրական, աստվածաբանական և իրավական հրապարակումներ, ինչպես նաև ծավալուն ընդհանուր երկեր։
19-րդ և 20-րդ դարերում գրադարանի հավաքածուն ընդլայնվել է։ 1778 թվականին գրադարանը ձեռք է բերել շվեյցարացի մատենասեր Ալբրեխտ ֆոն Գալլերի հավաքածուն, որն ընդգրկել է բուսաբանական և բժշկական աշխատություններ, 1795 թվականին կարդինալ Անխելո Մարիա Դուրինիի ժառանգությունը, որն ընդգրկում է 16-րդ դարի հունական և լատինական հրատարակության շուրջ 3,000 աշխատանքներ[10]։
Braidense-ը միշտ ունեցել է երկակի դեր՝ պահպանելու պատմական և գրական ստեղծագործությունները, ինչպես նաև Միլանում հրատարակված իր գրքերի հավաքածուները։ Հավաքածուն ներառում է 898,377 տպագիր հատոր, 2,119 ձեռագրեր և 2,368 ինկունաբուլաներ[11]։
Գրականություն[խմբագրել | խմբագրել կոդը]
- Aurelio Aghemo, La Biblioteca nazionale Braidense, "Biblioteche Oggi", Milan, Ed. Bibliografica, n. 8, October 2008, pp. 15–20.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 https://www.archivesportaleurope.net/directory/-/dir/ai/code/IT-MI0185
- ↑ https://www.librari.beniculturali.it/it/biblioteche-pubbliche-statali/visualizza-le-46-biblioteche/biblioteca/Biblioteca-Nazionale-Braidense/
- ↑ 3,0 3,1 3,2 3,3 3,4 ISTAT 2019 survey on Italian libraries — 2021.
- ↑ 4,0 4,1 4,2 ISTAT 2020 survey on Italian libraries — 2022.
- ↑ 5,0 5,1 5,2 ISTAT 2021 survey on Italian libraries — 2023.
- ↑ 6,0 6,1 6,2 6,3 ISTAT 2022 survey on Italian libraries — 2024.
- ↑ 7,0 7,1 "Biblioteca Nazionale Braidense", www.braidense.it. Retrieved 5 September 2012.
- ↑ Amedeo Benedetti and Bruno Benedetti, Gli archivi della Scienza. Musei e Biblioteche della Scienza e della Tecnologia in Italia, Genova, Erga, 2003, p. 85.
- ↑ "Beni librari - Circolare sul deposito legale", 31 December 2008, LombardiaCultura.
- ↑ La Biblioteca nazionale Braidense, "Biblioteche Oggi", Milano, Ed. Bibliografica, n. 8, October 2008, p. 16
- ↑ «Ministero dei Beni e delle Attività culturali - Ufficio Statistica» (PDF). Արխիվացված է օրիգինալից (PDF) 2011 թ․ հոկտեմբերի 4-ին. Վերցված է 2016 թ․ հուլիսի 10-ին.
 | Վիքիպահեստն ունի նյութեր, որոնք վերաբերում են «Բրերա գրադարան» հոդվածին։ |
