Բլագա Ալեքսովա

Բլագա Ալեքսովա
Ծնվել է	հունվարի 24, 1922; Տետովո, Tetovo Municipality, Հյուսիսային Մակեդոնիա
Մահացել է	հուլիսի 12, 2007 (85 տարեկան); Սկոպիե, Հյուսիսային Մակեդոնիա
Քաղաքացիություն	Հարավսլավիայի Թագավորություն, Հյուսիսային Մակեդոնիա և ՀՍՖՀ
Մասնագիտություն	հնագետ
Հաստատություն(ներ)	Սկոպյեի համալսարան
Ալմա մատեր	Սկոպյեի համալսարան
Տիրապետում է լեզուներին	մակեդոներեն

Բլագա Ալեքսովա (մակեդոներեն՝ Блага Алексова, հունվարի 24, 1922(1922-01-24), Տետովո, Tetovo Municipality, Հյուսիսային Մակեդոնիա - հուլիսի 12, 2007(2007-07-12), Սկոպիե, Հյուսիսային Մակեդոնիա), մակեդոնացի գիտնական, ակադեմիկոս։ Համարվում է Հյուսիսային Մակեդոնիայի առաջին կին-հնագետը^[2]։

Կենսագրություն[խմբագրել | խմբագրել կոդը]

Բլագա Ալեքսովան ծնվել է 1922 թվականի հունվարի 24-ին Տետովոյում (այն ժամանակ՝ Հարավսլավիայի Թագավորություն)։ Ավարտել է Սկոպյեի սուրբ Կյուրեղի և Մեթոդիոսի անվան համալսարանի գեղարվեստի ֆակուլտետը։ Դոկտորական աստիճանը պաշտպանել է Լյուբլյանայի համալսարանում։ Շնորհիվ հետևողական ուսումնասիրությունների՝ նա Վարդարյան Մակեդոնիայում հայտնաբերել է բազմաթիվ պատմական հուշարձաններ (հիմնականում սրբավայրեր)^[3]։

1975—1983 թվականներին նա աշխատել է Արվեստի պատմության ինստիտուտում՝ որպես միջնադարի և վաղբյուզանդական հնագիտության պրոֆեսոր։ Այդ ժամանակ Բլագան հիմնականում զբաղվել է միջնադարյան պատմական հուշարձանների, խեցեղենի, սովորույթների և ավանդույթների ուսումնասիրությամբ։ Բացահայտել և ուսումնասիրել է հնագույն Ստոբի քաղաքի եպիսկոպոսական հին բազիլիկան (շենքի տիպ, որի ներսը երկայնակի բաժանված է երկու սյունաշարով)։ Հնագիտական աշխատանքներ է կատարել է Բարգալա, Դեմիր Կապիա, Կրուպիշչե, Ստրումիցա, Պոլոգ, Օխրիդ, Պրեսպա, Դոյրան, Օրիզարի, Ստոբի, Ռոդոլիշչե և այլ քաղաքներում և գյուղերում։

Ղեկավարել է միջազգային հետազոտական նախագծեր Բարգալայում և Ստոբիում։ Մասնակցել է բազմաթիվ գիտական հանդիպումների Հյուսիսային Մակեդոնիայում, ԱՄՆ-ում, Ավստրիայում, Միացյալ Թագավորությունում, Ռուսաստանում, Ռումինիայում, Թուրքիայում, Բուլղարիայում, Իտալիայում, Խորվաթիայում, Սերբիայում, Հունաստանում, Ալբանիայում։

Եղել է Մակեդոնիայի գիտությունների և արվեստի ակադեմիայի անդամ (1997)։ Հետագայում դարձել է Սկոպյեի սուրբ Կյուրեղի և Մեթոդիոսի անվան համալսարանի պրոֆեսոր, հրատարակել է բազմաթիվ հետազոտություններ Մակեդոնիայում և արտերկրում^[3]։

Բլագա Ալեքսովան մահացել է 2007 թվականի հուլիսի 12-ին Սկոպյեում։

Մատենագրություն[խմբագրել | խմբագրել կոդը]

Prosek – Demir Kapija: Slovenska nekropola i slovenske nekropole u Makedoniji, Բելգրադ – Սկոպյե, 1966,
Епископијата на Брегалница, Պրիլեպ, 1989,
Loca Sanctorum Macedoniae: култот на мартирите во Македонија од IV до VI век, 384 էջ, ISBN 9989-48-009-5, Սկոպյե, 1995։

Ծանոթագրություններ[խմբագրել | խմբագրել կոդը]

↑ https://plus.si.cobiss.net/opac7/conor/11986275
↑ Македонская энциклопедия, т. I։ Скопье: МАНУ։ 2009։ ISBN 978-608-203-024-1
↑ ^3,0 ^3,1 «Македонско археолошко научно друштво»։ www.mand.org.mk։ Արխիվացված է օրիգինալից 2016-04-06-ին։ Վերցված է 2019-03-27

Արտաքին հղումներ[խմբագրել | խմբագրել կոդը]

[_9a51723938e1ab9b-1] ttps://plus.si.cobiss.net/opac7/conor/11986275

[2] Македонская энциклопедия, т. I։ Скопье: МАНУ։ 2009։ ISBN 978-608-203-024-1

[:0-3] 3,0 ^3,1 «Македонско археолошко научно друштво»։ www.mand.org.mk։ Արխիվացված է օրիգինալից 2016-04-06-ին։ Վերցված է 2019-03-27

[1]

[2]

[3]