Արևադարձային թանգարան

Վիքիպեդիայից՝ ազատ հանրագիտարանից
Jump to navigation Jump to search
Արևադարձային թանգարան
Tropenmuseum - Logo.svg
Ingang Tropenmuseum.jpg
Տեսակթանգարան[1]
ԵրկիրFlag of the Netherlands.svg Նիդերլանդներ[1]
ՏեղագրությունԱմստերդամ
ՎայրQ39530035? և Villa Welgelegen?
Ղեկավարության նստավայրԱմստերդամ, Նիդերլանդներ
ՀասցեLinnaeusstraat, 21092CK
Հիմնադրված է1864
ՀիմնադիրFrederik Willem van Eeden?
Այցելուներ197 000
Կոորդինատներ: 52°21′45″ հս․ լ. 4°55′16″ ավ. ե. / 52.36250° հս․. լ. 4.92111° ավ. ե. / 52.36250; 4.92111
Կայքtropenmuseum.nl

Արևադարձային թանգարան (հոլ.՝ Tropenmuseum), ազգագրական թանգարան Ամստերդամում, Նիդերլանդներ: Հիմնադրվել է 1864 թվականին[2]:

Համարվում է Ամստերդամի ամենամեծ թանգարաններից մեկը: Հարմարեցված է ութ մշտական ցուցադրությունների և ընթացիկ ժամանակավոր ցուցահանդեսների համար, այդ թվում ժամանակակից և ավանդական վիզուալ արվեստ և լուսանկարչական աշխատանքներ: Թանգարանը կազմում է Համաշխարհային մշակույթի հոլանդական թանգարանի (Nationaal Museum van Wereldculturen) մաս՝ Նիդերլանդների երեք ազգագրական թանգարանների համակցությամբ[3]: Մինչև 2014 թվականը եղել և գործել է աշխարհում արևադարձային մշակույթների ուսումնասիրությունը հովանավորող Արքայական արևադարձային ինստիտուտ-հիմնադրամի կազմում: 2009 թվականին թանգարանն ունեցել է 176000 այցելու[4]:

Պատմություն[խմբագրել | խմբագրել կոդը]

Թագուհի Վիլհելմինան կատարում է թանգարանի բացումը, 1926
Թանգարանի ներքին հարդարանքներ

Արդյունաբերության խթանման ընկերության (հոլ.՝ Maatschappij ter bevordering van Nijverheid) քարտուղար Ֆրեդերիկ վան Էդենը 1864 թվականին Հաարլեմում հիմնադրել է «Գաղութային թանգարան» (հոլ.՝ Koloniaal Museum)[2], որը հանրության համար բացվել է 1871 թվականին[5]: Թանգարանն ստեղծվել է՝ ցույց տալու հոլանդական անդրծովյան սեփականությունները:

1871 թվականին ինստիտուտը հետազոտություն սկսեց՝ մեծացնելու գաղութներից դուրս ստեղծվող եկամուտը, այդ թվում փորձեց զարգացնել սուրճի հատիկների, ռոտանգի, պարաֆինի արտադրման բարելավված միջոցները: Գտնվելով ազգագրագետների ազդեցության տակ՝ թանգարանում ավելացավ բնակիչների տնտեսության, վարվելակերպի, սովորույթների մասին տեղեկատվությունը: 1926 թվականին նրանք գործարկեցին Արևելյան Ամստերդամում գտնվող ներկայիս շենքը: Այդ ժամանակ թանգարանն ուներ 30,000 նմուշ և լուսանկարների զգալի հավաքածու[5]:

1945 թվականին Ինդոնեզիայի անկախության հռչակումից հետո թանգարանի նիդերլանդական ունեցվածքի գաղութային շրջանակը փոխվեց՝ ներառելով բազմաթիվ ոչ զարգացած երկրներ Հարավային Ամերիկայից, Աֆրիկայից և Ասիայից: 1960 և 1970-ական թվականներին Հոլանդիայի արտաքին գործերի նախարարությունը թանգարանին խրախուսեց ընդլայնելու իր շրջանակները դեպի ավելի սոցիալական հարցեր, ինչպիսիք են աղքատությունը և քաղցը: 1970-ական թվականներին երեխաների համար շենքին հավելյալ մաս ավելացվեց, որը կոչվում է Կրտսեր արևադարձային թանգարան[5]:

Հարմարություններ[խմբագրել | խմբագրել կոդը]

Թանգարանի նախնական շենքը, նախագծված Յոհանես Յակոբուս վան և Մարի Ադրիանուս վան Նյուկերկենների կողմից, կառուցվել է 1926 թվականին: Առաջին համաշխարհային պատերազմի և աշխատանքային գործադուլների պատճառով կառույցի շինարարությունը տևել է 11 տարի[6]: Շենքում գտնվող արվեստի գործերը ստեղծվել են 20-րդ դարի առաջին կեսում: 2003 թվականին թանգարանի շենքն ընդգրկվել է Ամստերդամի պատմական կառույցների ցանկում[5][7]:

Կառապանով երկանիվ ձիաքարշի մոդել մեխակներից

Հավաքածուներ[խմբագրել | խմբագրել կոդը]

Թանգարանն ունի 175000 նմուշներ, 155000 լուսանկարներ, 10000 տարբեր գծագրեր, նկարներ, փաստաթղթեր, որոնցից 15000-ը ժառանգել է Ամստերդամի էթնոգրաֆիկական թանգարանից: Այս նմուշները բաժանված են տարբեր հավաքածուներում: Թանգարանի հավաքածուն ներառում է նմուշներ տարբեր աշխարհագրական վայրերից՝ Հարավարևելյան Ասիա, Հարավային Ասիա, Արևմտյան Ասիա և Հյուսիսային Աֆրիկա, Ենթասահարա, Լատինական Ամերիկա, Կարիբյան ավազան: Ֆոնդերում են գտնվում Չինաստանի, Ճապոնիայի, Կորեայի և Եվրոպայի հավաքածուները:

Լուսանկարչական հավաքածուն բաղկացած է հիմնականում 1855-1940 թվականների Հոլանդիայի նախկին գաղութների պատմական լուսանկարներից: 2009-2015 թվականներին Արևադարձային թանգարանի 50000 լուսանկարներ Creative Commons արտոնագրի ներքո գտնվում են Վիքիպահեստում[8][9]:

Թանգարանն ունի նաև թատերական հավաքածու, որի կազմում ներառված են 5500 երաժշտական գործիքներ և այլ թատերական առարկաներ, ինչպիսիք են դիմակներ, տիկնիկներ: Այստեղ ցուցադրված են 21000 տեքստիլ առարկաներ, որոնց մեծ մասը բերվել է Ինդոնեզիայից: Կրտսեր արևադարձային թանգարանը նախատեսված է երեխաների համար և ունի ինտերակտիվ ցուցադրություններ: Տարեկան շուրջ 30000 երեխա է այցելում թանգարան[5]:

Ծանոթագրություններ[խմբագրել | խմբագրել կոդը]

  1. 1,0 1,1 archINFORM — 1994.
  2. 2,0 2,1 «Tropenmuseum– Tropical Museum Amsterdam»։ Amsterdam.info (Dutch)։ Վերցված է January 27, 2010 
  3. Fusie volkenkundige musea (2014) - in Dutch
  4. «176.000 bezoekers voor het Tropenmuseum in 2009 – Tropenmuseum»։ Tropenmuseum։ 2010-04-07։ Վերցված է 2010-04-11 
  5. 5,0 5,1 5,2 5,3 5,4 Tropenmuseum։ «Tropenmuseum vroeger en vandaag» [Tropenmuseum Past & Present] (Dutch)։ Amsterdam: Tropenmuseum։ Վերցված է 2010-04-11  (չաշխատող հղում)
  6. «History»։ Royal Tropical Institute։ Վերցված է 12 April 2010 
  7. «Rijksdienst voor het Cultureel Erfgoed | Monumentenregister»։ monumentenregister.cultureelerfgoed.nl։ Վերցված է 2016-08-23 
  8. «Tropenmuseum in collaboration with Wikipedia»։ Netherlands։ 2009-10-21։ Վերցված է 11 April 2010 
  9. Wikimedia Commons (11 Sept. 2015): Images from the Tropenmuseum: 49,235 items

Արտաքին հղումներ[խմբագրել | խմբագրել կոդը]