Անդի Լիլյա

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Անդի Լիլյա
ալբ․՝ Andi Lila
And Lila.jpeg
Անձնական տվյալներ
Ազգությունը ալբանացի
Քաղաքացիությունը Flag of Albania.svg Ալբանիա
Ծննդյան ամսաթիվ փետրվարի 12, 1986(1986-02-12)[1] (33 տարեկան)
Ծննդավայր Կավայա, Տիրանայի գավառ, Ալբանիա
Հասակ 186 սմ
Քաշ 79 կիլոգրամ
Դիրք կիսապաշտպան/պաշտպան
Ակումբային տեղեկություններ
Ներկա ակումբ ՊԱՍ (Յանինա)
Համար 3
Պատանեկան կարիերա
2000-2003 Ալբանիա Բեսա
Մասնագիտական կարիերա*
Տարի Ակումբ Խաղ (Գոլ)
2002-2006 Ալբանիա Բեսա 72 (1)
2007 Հունաստան Իրակլիս 3 (0)
2007-2008 Ալբանիա Բեսա 29 (0)
2008-2011 Ալբանիա Տիրանա 78 (11)
2011-մ.հ. Հունաստան ՊԱՍ (Յանինա) 109 (7)
2015  Իտալիա Պարմա 13 (2)
Ազգային հավաքական
2007-մ.հ. Ալբանիա Ալբանիա 59 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Անդի Լիլյա (ալբ․՝ Andi Lila, փետրվարի 12, 1986(1986-02-12)[1], Կավայա, Տիրանայի գավառ, Ալբանիա), ալբանացի ֆուտբոլիստ: Խաղում է կիսապաշտպանի կամ պաշտպանի դիրքերում: Հանդես է գալիս հունական «ՊԱՍ Յանինա» ակումբի կազմում:

Ակումբային կարիերա[խմբագրել | խմբագրել կոդը]

Անդի Լիլյան իր կարիերան սկսել է իր հայրենի Կավայա քաղաքի «Բեսա» ակումբում: 16 տարեկան հասակում Անդի Լիլյան կատարել է իր նորամուտը Բարձրագույն լիգայում՝ 2002 թվականի դեկտեմբերի 14-ին փոխարինման դուրս գալով «Տեուտա» ակումբի դեմ արտագնա խաղում[2]: 2007 թվականի հունվարին Անդի Լիլյան տեղափոխվել է հունական «Իրակլիս» ակումբ, բայց չի կարողացել պատշաճ կերպով ցույց տալ իրեն և կարճ ժամանակ անց վերադարձել է «Բեսա»: Շուտով նա դարձել է թիմի ավագ և մեծ ներդրում ունեցել 2007/08 մրցաշրջանի Ալբանիայի առաջնությունում բրոնզե մեդալի նվաճման գործում: Այդ հաջողությունից հետո Անդի Լիլյան տեղափոխվել է «Տիրանա», որի կազմում անցկացրել է հաջորդ երեք մրցաշրջանները: Այդ ժամանակաշրջանը եղել է լավագույնը խաղացողի կարիերայում: «Տիրանայի» կազմում նա 2009 թվականին հաղթել է Ալբանիայի սուպերգավաթի խաղարկությունում, իսկ 2011 թվականին նվաճել Ալբանիայի գավաթը: Ալբանական սուպերլիգայում իր առաջին գոլը Անդի Լիլյան խփել է 2008 թվականի սեպտեմբերի 14-ին՝ «Պարտիզանի» ակումբի դեմ դերբիի վերջին րոպեին գրավելով հակառակորդի դարպասը և հաղթանակ բերելով իր թիմին[3].

2011 թվականի հունիսի 24-ին Անդի Լիլյան պայմանագիր է կնքել հունական «ՊԱՍ Յանինա» ակումբի հետ. տրանսֆերի արժեքը կազմել է 700 հազար եվրո՝ գումարած պարգևատրման գումարները[4]: 2014 թվականի հուլիսի 12-ին Անդի Լիլյան հայտարարել է, որ «ՊԱՍ Յանինա» ակումբի հետ իր պայմանագրի ժամկետն ավարտվում է, և ինքը պատրաստ է տեղափոխվելու Խորվաթիայի «Ռիեկա»[5]: Սակայն հետո նա հրաժարվել է տեղափոխվելուց և եռամյա նոր պայմանագիր է կնքել հունական ակումբի հետ[6]:

2014 թվականի դեկտեմբերի 28-ին Անդի Լիլյան հաստատել է, որ տեղափոխվում է իտակալան ճգնաժամ ապրող «Պարմա» ակումբ՝ դառնալով նրա առաջին ձեռքբերումը 2015 թվականի ձմեռային տրանսֆերային պատուհանի ընթացքում[7]: «Պարմայի» կազմում իր դեբյուտը Անդի Լիլյան կատարել է հունվարի 14-ին Իտալիայի գավաթի խաղարկության շրջանակներում անցկացվող «Կալյարիի» դեմ տնային խաղում[8]: Սակայն հանդիպման 13-րդ րոպեին նա ստացել է վնասվածք և չի կարողացել շարունակել խաղը: Խաղադաշտ է վերադարձել երկու ամիս անց և առաջին իսկ խաղում խփել իր առաջին գոլը իտալական Սերիա А-ում՝ բացելով «Սասուոլո» ակումբի դեմ արտագնա խաղի հաշիվը[9]: 2015 թվականի մարտի 4-ին Միլանի «Ինտերի» դեմ արտագնա խաղի առաջին խաղակեսի վերջում Անդի Լիլյան հավասարեցրել է հաշիվը: Ընդմիջման ժամանակ Անդի Լիլյային փոխարինել է այլ ֆուտբոլիստ, իսկ հանդիպման հաշիվը մնացել է 1:1[10]:

«Պարմայի» սնանկացումից հետո Անդի Լիլյան 2015 թվականի օգոստոսի առաջին օրերին մարզվել է ալբանական «Սկանդերբեու» ակումբի հետ[11], սակայն հետո վերադարձել է «ՊԱՍ Յանինա»[12]:

Կարիերան հավաքականում[խմբագրել | խմբագրել կոդը]

Անդի Լիլյան խաղացել է Ալբանիայի պատանեկան ու երիտասարդական հավաքականների կազմում: 2007 թվականի նոյեմբերի 21-ին նա կատարել է իր դեբյուտը գլխավոր հավաքականում՝ մասնակցելով Ռումինիայի հավաքականի դեմ խաղին, որ անցկացվել է 2008 թվականի Եվրոպայի առաջնության որակավորման փուլի վերջին տուրի շրջանակներում: Լիլյան դաշտ է դուրս եկել թիմի մեկնարկային կազմում և մասնակցել ողջ խաղին, իսկ նրա ակումբը պարտվել է 1:6 հաշվով[13]:

Ելույթների վիճակագրություն[խմբագրել | խմբագրել կոդը]

Հավաքականում[խմբագրել | խմբագրել կոդը]

Ընդհանուր՝ 59 խաղ / 0 գոլ eu-football.info

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt — 2000.
  2. «Teuta Durres 5:0 Besa Kavaje» (անգլերեն)։ Վերցված է 14 ապրիլի, 2016 
  3. «KF Tirana 2:1 Partizan Tirana» (անգլերեն)։ Վերցված է 14 ապրիլի, 2016 
  4. Jorgis Memo (25 փետրվարի, 2011)։ «Lila firmos te Janina për 200 mijë euro» (албанский)։ Panorama Sport։ Վերցված է 14 ապրիլի, 2016 
  5. Jorgis Memo (24 июня 2014)։ «Andi Lila e konfirmon: Do të shkoj te Rijeka» (ալբաներեն)։ Panorama Sport։ Վերցված է 14 апреля 2016 
  6. «Έμεινε ο Λίλα 12 July 2014» (հունարեն)։ Sport24.gr։ 12 июля 2014։ Վերցված է 14 апреля 2016 
  7. «Парма подпишет защитника сборной Албании»։ Վերցված է 14 ապրիլի, 2016 
  8. «Parma 2:1 Cagliari» (անգլերեն)։ Վերցված է 14 ապրիլի, 2016 
  9. «Сассуоло громит Парму, Кьево побеждает в Генуе»։ Վերցված է 14 апреля 2016 
  10. «Internazionale 1:1 Parma» (անգլերեն)։ Վերցված է 14 ապրիլի, 2016 
  11. «Lila te Skënderbeu: Qëndroj te korçarët derisa të gjej ekip, më këshilloi De Biazi» (ալբաներեն)։ Panorama Sport։ 10 августа 2015։ Վերցված է 14 апреля 2016 
  12. Olsi Karagjozi (26 августа 2015)։ «Andi Lila rikthehet te PAS Janina» (ալբաներեն)։ Super Sport Albania։ Վերցված է 14 апреля 2016 
  13. «Romania 6:1 Albania» (անգլերեն)։ Վերցված է 14 апреля 2016 

Արտաքին հղումներ[խմբագրել | խմբագրել կոդը]