Անգլոման

Վիքիպեդիայից՝ ազատ հանրագիտարանից
Ավանդական բրիտանական դիզայնով հեռախոսային կրպակ Բիլեֆելդում, Գերմանիա

Անգլոմանն (լատին․՝ Angli , «անգլիացի» և հուն․՝ φίλος , philos, «ընկեր») այն մարդն է, որը հիանում է Անգլիայով, նրա մարդկանցով և մշակույթով։ Անգլոմանիան արտահայտվում է նաև անգլերենի նկատմամբ խանդավառությամբ, և քանի որ անգլերենը լայն տարածում ունի Անգլիայից դուրս, այն դուրս է եկել անգլիական մշակույթի շրջանակներից։ Հականիշն է անգլոֆոբիան։

«Անգլոման» բառն առաջին անգամ 1864 թվականին հրատարակել է Չարլզ Դիքենսն իր «Ամբողջ տարին» գրական ամսագրում՝ երբ նկարագրում էր Revue des deux Mondes (Երկու աշխարհների վերանայում) ֆրանսիական ամսագիրը որպես «զարգացած և փոքր-ինչ «անգլոման» հրատարակություն»[1]։

Հազվադեպ օգտագործվում է նաև «բրիտոֆիլ» տերմինը։

The James, անգլիական ոճով փաբ Մյունստերում, Գերմանիա

Նկարագրություն[խմբագրել | խմբագրել կոդը]

Որոշ դեպքերում «անգլոմանիա» տերմինը ներկայացնում է անհատի գնահատանքը Անգլիայի պատմության և ավանդական անգլիական մշակույթի հանդեպ(օր.՝ Ուիլյամ Շեքսպիր, Ջեյն Օսթին, Սեմյուել Ջոնսոն)։ Անգլոմանիան կարող է բնութագրվել նաև որպես սեր բրիտանական միապետության, կառավարման համակարգի և հաստատությունների նկատմամբ։ Անգլոմանները բավականություն են ստանում անգլիական ֆիլմերից, հեռուստահաղորդումներից, կատակերգություններից, գրքերից, ամսագրերից, ավանդույթներից (օր.՝ բրիտանական Սուրբ ծննդյան ճաշ)[2], ավտոմեքենաներից։ Սիրում են անգլիացի դերասաններին, մոդելավորողներին, երաժիշտներին։

Անգլոմաններն օգտագործում են բրիտանական անգլերենի ուղղագրություն՝ ամերիկյանի փոխարեն (օր.՝ colour color-ի, centre center-ի, traveller traveler-ի փոխարեն)։ Վերջին շրջանում Միացյալ Նահանգներում աճել է բրիտանական անգլերենի արտահայտությունների կիրառումը առօրյա խոսակցություններում և լուրերի թողարկումներում[3][4]։ Այդ միտումը, թյուրիմացությունը և ամերիկացիների կողմից այդ արտահայտությունների չարաշահումը դարձել է թե՛ ամերիկյան, թե՛ անգլիական լրատվամիջոցների հետաքրքրության առարկա։ Միտումը հատկապես վառ է արտահայտված Միացյալ Նահանգների հյուսիսարևելյան շրջանում։

Տարածում[խմբագրել | խմբագրել կոդը]

18-րդ դարում Եվրոպայում ու Ռուսաստանում և 19-րդ դարի սկզբին Ֆրանսիայում անգլոմանիան համարվում էր նշանավոր էլիտար երևույթ։ Անգլոմանների թվին էին դասվում որոշ ազդեցիկ քաղաքական գործիչներ, դիվանագիտական կորպուսի ներկայացուցիչներ։ Անգլոմանիայի գաղափարները բավականին տարածված էին նաև ռուսական նավատորմում։

Հայտնի անգլոմաններ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. All the Year Round (in անգլերեն). Charles Dickens. 1865 թ․ հունվարի 1.
  2. "Holiday Traditions - England". www.worldholidaytraditions.com (in ամերիկյան անգլերեն). Retrieved 2017 թ․ ապրիլի 23.
  3. Hebblethwaite, Cordelia (2012 թ․ սեպտեմբերի 27). "Britishisms and the Britishisation of American English". BBC News (in բրիտանական անգլերեն). Retrieved 2017 թ․ ապրիլի 23.
  4. Williams, Alex (2012 թ․ հոկտեմբերի 10). "America's Slippery Slope Into Britishisms". The New York Times. ISSN 0362-4331. Retrieved 2017 թ․ ապրիլի 23.
  5. "Johnny Depp". Zimbio (in անգլերեն). Retrieved 2017 թ․ ապրիլի 23.
  6. 6,0 6,1 6,2 "Famous Anglophiles - Anglotopia.net". www.anglotopia.net (in ամերիկյան անգլերեն). Retrieved 2017 թ․ ապրիլի 23.
  7. "Famous Anglophiles: Part 2 - Anglotopia.net". www.anglotopia.net (in ամերիկյան անգլերեն). Retrieved 2017 թ․ ապրիլի 23.
  8. "Lady Gaga". Zimbio (in անգլերեն). Retrieved 2017 թ․ ապրիլի 23.
  9. "Quentin Tarantino". Zimbio (in անգլերեն). Retrieved 2017 թ․ ապրիլի 23.
  10. "Gwen Stefani". Zimbio (in անգլերեն). Retrieved 2017 թ․ ապրիլի 23.