Միացյալ Թագավորության մշակույթ

Միացյալ թագավորության մշակույթը հարուստ է և բազմազան։ Բազմաթիվ գործոններ են ազդել մշակույթի վրա՝ կղզիական բնույթի պետություն լինելը, պետության պատմությունը որպես արևմտյան դեմոկրատիայի առաջատար և ռազմաքաղաքական նշանակալից երկիր, ինչպես նաև այն հանգամանքը, որ պետությունը ձևավորվել է չորս առանձին պետությունների հաշվին, որոնցից յուրաքանչյուրը պահպանել է իր ավանդույթները, սովորությունները և սիմվոլները։ Բրիտանական կայսրության ազդեցության շնորհիվ իր հերթին տարածում է գտել նաև լեզուն և մշակույթը նրա նախկին գաղութներում՝ ներառելով Ավստրալիան, Կանադան, Հնդկաստանը, Իռլանդիան, Նոր Զելանդիան, Հարավաֆրիկյան Հանրապետությունը և Ամերիկայի Միացյալ Նահանգները։

Ճարտարապետություն

Անգլիական ճարտարապետությունը սկսվել է Անգլոսաքսերի ճարտարապետությունից։ Անգլիայում գոնե հիսուն կանգուն եկեղեցի Անգլոսաքսական ծագում ունի։ Այնտեղի բոլոր եկեղեցիները բացի մեկից կառուցվել են քարից։

Խոհանոց

Անգլիացիները ունեն իրենց ավանդական նախաճաշը, որի մեջ մտնում է՝ բեկոն, ձվեր, խորոված լոլիկներ, խորոված սնկեր, որոնք հիմնականում մատուցվում են սուրճի կամ թեյի հետ։ Մեկ ուրիշ ավանդական ճանաչված կերակուր է «Անգլիական Սուրբ Ծննդյան ընթրիք»-ը, որը պարունակում է՝ Հնդկահավի միս, որն առաջին անգամ մատուցվել է 1573 թվականին, և բանջարեղեն։

Գրականություն

Անգլիական գրականությունը սկսվել է Անգլոսաքսական գրականությունից։ Էլիզաբեթյան դարաշրջանը Անգլիական գրականության համար համարվում է «Ոսկե շրջան», որովհետև այդ ժամանակաշրջանում են ապրել մի շարք հիանալի գրողներ ինչպիսիք են՝ Ուիլյամ Շեքսպիրը և այն։ Անգլիացի հայտնի գրողներից են նաև՝ Չարլս Դիկենսը, Ռուդյարդ Կիպլինգը, Շարլոտտե Բրոնտեն և այլն։

Երաժշտություն

1962 թվականին «The Beatles» խումբը դարձավ իրենց ժամանակաշրջանի ամենահայտնի խումբը։ Հիմա Անգլիայի ամենահայտնի արտիստներից են՝ Էլթոն Ջոնը, Սթինգը, Էրիկ Կլեպտոնը, Սփայս գրլսը, Քոլդփլեյը, Ադելը, Էդ Շիրենը, Սեմ Սմիթը և One Direction-ը։

Կատարողական Արվեստ

Մեծ բացօթյա երաժշտական փառատոնները շատ հայտնի են հիմնականում ամռանը և աշնանը։ «The Notting Hill» կառնավալը անցկացվում է ամեն տարի սկսած 1966 թվականից։ Այն անցկացվում է Լոնդոնի «Notting Hill» շրջանի փողոցներում։ Այն առաջնորդում են Բրիտանացի Աֆրիկացի-Կարիբիանները։ Կառնավալին այցելում է մոտավորապես մեկ միլիոն մարդ, որը այն դարձրել է Բրիտանիայի ամենամեծ բացօթյա փառատոնը և աշխարհի ամենամեծ փառատոններից մեկը։ 2006 թվականին հասարակությունը քվեարկեց, որ փառատոնը դառնա Անգլիայի ցուցանիշներից մեկը։

Աղբյուրներ

• Cultural icons of England
• Select bibliography of books about Englishness Archived 2013-02-01 at Archive.is