Ալեքսանդր Ֆադեև (գրող)

Վիքիպեդիայից՝ ազատ հանրագիտարանից
1rightarrow blue.svgԱյս հոդվածը ռուս գրողի մասին է։ Այլ գործածությունների համար այցելեք Ալեքսանդր Ֆադեև (այլ կիրառումներ)։
Picto infobox auteur.png
Ալեքսանդր Ֆադեև
Fotothek df roe-neg 0006329 003 Mitglied.jpg
Ծնվել է դեկտեմբերի 11 (24), 1901[1]
Ծննդավայր Կիմրի, Q4234476?, Տվերի նահանգ, Ռուսական կայսրություն[2][3][4]
Վախճանվել է մայիսի 13, 1956({{padleft:1956|4|0}}-{{padleft:5|2|0}}-{{padleft:13|2|0}})[2][1][5][6][7][8] (54 տարեկանում)
Վախճանի վայր Պերեդելկինո, Q4247327?, Մոսկվայի մարզ, ՌԽՖՍՀ, ԽՍՀՄ[9][10][4]
Մասնագիտություն գրող
Լեզու ռուսերեն[11]
Քաղաքացիություն Ռուսական կայսրություն
Flag of the Soviet Union (1936-1955).svg ԽՍՀՄ[12]
Ժանրեր արձակ, վեպ, վիպակ, պատմվածք, ակնարկ և հրապարակախոսություն
Գրական ուղղություններ սոցիալիստական ռեալիզմ
Անդամակցություն ԽՍՀՄ Գրողների միություն և ԽՄԿԿ Կենտրոնական կոմիտե
Կուսակցություն ԽՄԿԿ
Պարգևներ
Ամուսին Վալերիա Գերասիմովա և Անգելինա Ստեպանովա
Alexander Fadeev (writer) Վիքիպահեստում
Ա. Ֆադեևին նվիրված ԽՍՀՄ փոստային նամականիշ

Ալեքսանդր Ալեքսանդրի Ֆադեև (դեկտեմբերի 24, 1901, Կիմրի, Ռուսական կայսրություն - մայիսի 13, 1956, Պերեդելկինո, ՌՍՖՍՀ), ռուս խորհրդային գրող, հասարակական գործիչ։

Կենսագրություն և ստեղծագործություններ[խմբագրել | խմբագրել կոդը]

1908 թվականից ապրել է Հեռավոր Արևելքում։ Սովորել է Վլադիվոստոկի առևտրային ուսումնարանում (1912 - 18), որտեղ մտերմանալով բոլշևիկների հետ, մասնակցել է քաղաքացիական պատերազմին (1918-20) և Կրոնշտադտի ապստամբության ճնշմանը։ Սովորել է Մոսկվայի լեռնային ակադեմիայում (1921-24)։ 1924-26-ին կուսակցական աշխատանք է կատարել Կրասնոդարում և Դոնի Ռոստովում, վերադառնալով Մոսկվա՝ նվիրվել է գրական գործունեության։

1923-ին հրապարակվել է նրա «Հոսանքին հակառակ» պատմվածքը, 1924-ին՝ «Հեղեղ» վիպակը։ Հեղինակին լայն ճանաչում է բերել «Ջախջախում» (1927, հայ. հրտ. 1933, համանուն կինոնկար, 1931) վեպը, որը պատկերում է քաղաքացիական պատերազմի դրվագներից մեկը Հեռավոր Արևելքում։ Քաղաքացիական պատերազմին է նվիրված նաև «Վերջին ուդեհեն» (մաս 1-4, 1929 - 40, անավարտ, հայ. հրտ. 1936) վեպը։

Հայրենական մեծ պատերազմի տարիներին գրել է ժողովրդի պայքարի մասին պատմող ակնարկներ, հոդվածներ, ստեղծել «Լենինգրադը պաշարման օրերին» (1944) գիրքը։ Նրա ստեղծագործության մեջ ավելի ու ավելի ուժեղացող հերոսական ռոմանտիկ երանգներն առանձին ուժով են հնչում «Երիտասարդ գվարդիա» (1945, 2 խմբ. 1951, ԽՍՀՄ պետական մրցանակ, 1946, հայ. հրտ. 1947, համանուն կինոնկար, 1948) վեպում, որի հիմքում ընկած են Կրասնոդոնի «Երիտասարդ գվարդիա» ընդհատակյա կոմերիտական կազմակերպության գործերը։ Վեպը ներբողում է խորհրդային ժողովրդի պայքարը Նացիստական Գերմանիայի դեմ։ Զարգացնելով ռուս գրականության լավագույն ավանդույթները՝ Ֆադեևը ստեղծել է երկեր, որոնք դարձել են սոցիալիստական ռեալիզմի գրականության դասական նմուշներ։ «Երեսուն տարում» (1957) գիրքն ամփոփում է նրա գրական-քննադատական ելույթները։ Նրա գործերը բեմականացվել ու էկրանացվել են, թարգմանվել ԽՍՀՄ և այլ երկրների լեզուներով։

Հոգեկան դեպրեսիայի վիճակում Ալեքսանդր Ֆադեևը ինքնասպան է եղել ատրճանակով։ Որպես ինքնասպանության պատճառ նշվել է ալկոհոլիզմը[13]։

1926 - 32-ին Ֆադեևը եղել է Պրոլետարների, գրողների ռուսաստանյան ասոցիացիայի ղեկավարներից, 1939-44 և 1954 - 56-ին՝ ՍՍՀՄ ԳՄ քարտուղար, 1946 - 54-ին՝ գլխավոր քարտուղար և վարչության նախագահ։ 1950-ից՝ Խաղաղության համաշխարհային խորհրդի փոխնախագահ։ 1939 - 56-ին՝ ՍՄԿԿ Կենտկոմի անդամ, ՍՄԿԿ XX համագումարում (1956) ընտրվել է ՍՄԿԿ Կենտկոմի անդամության թեկնածու։

ԽՍՀՄ II - IV գումարումների Գերագույն սովետի դեպուտատ։ Պարգևատրվել է Լենինի 2 շքանշանով։

Գրականություն[խմբագրել | խմբագրել կոդը]

  • Зелинский К., «А. А. Фадеев. Критико-биографический очерк, М., 1956;
  • Озеров В., Александр Фадеев. Творческий путь, 3 изд., доп. и перераб., М., 1970;
  • Беляев Б. Л., Страницы жизни։ А. Фадеев в 20-е и 30-е гг., М., 1980

Ծանոթագրություններ[խմբագրել | խմբագրել կոդը]

  1. 1,0 1,1 data.bnf.fr: տվյալների բաց շտեմարան — 2011.
  2. 2,0 2,1 Фадеев Александр Александрович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  3. http://www.jonathanselby.com/Ffam.html
  4. 4,0 4,1 http://www.vanderkrogt.net/statues/object.php?webpage=ST&record=ru008
  5. http://www.sovlit.net/fadeevsuicide/
  6. http://www.lrb.co.uk/v32/n20/slavoj-zizek/can-you-give-my-son-a-job
  7. Encyclopædia Britannica
  8. SNAC
  9. German National Library, Berlin State Library, Bavarian State Library et al. Record #118638971 // Gemeinsame Normdatei — 2012—2016.
  10. http://www.vanderkrogt.net/statues/object.php?webpage=ST&record=ru165
  11. http://data.bnf.fr/ark:/12148/cb11902140v
  12. http://www.goodreads.com/book/show/634376.The_Young_Guard
  13. А. А. Фадеев покончил жизнь самоубийством»