Պիես (թատրոն)
Պիես կամ թատերախաղ (ֆրանսերեն՝ Pièce — ստեղծագործություն, հատված, մաս բառից) — դասական ոճի դրամատիկական ստեղծագործություն` սովորաբար թատրոնում բեմադրվելու նպատակով ստեղծված:
Թատերախաղի կառուցվածքն իր մեջ ներառում է գործող անձանց տեքստերը (մենախոսությունների և երկխոսությունների տեսքով) և հեղինակի ֆունկցիոնալ նշագրումները (նշումներ գործողության տեղի, ինտերիերի, գործող անձանց արտաքին տեսքի, հագուստի, նրանց վարքի առանձնահատկությունների մասին և այլն): Որպես կանոն պիեսի սկզբում դրվում է գործող անձանց ցանկը, երբեմն նրանց տարիքի, մասնագիտության, տիտղոսների, այլ գործող անձանց հետ բարեկամական կապերի և նրանց այլ հատկանիշների նշումներով:
Թատերախաղի առանձին ավարտուն իմաստային մասը կոչվում է «գործողություն» կամ «արար», որն իր մեջ կարող է ներառել ավելի մանր բաղադրիչներ` տեսարաններ, քպիզոդներ, պատկերներ և այլն:
Թատերախաղի հիմնական տեսակներն են ողբերգությունը, դրաման և կատակերգությունը: Թատերախաղը կարող է ըստ հայեցողության յուրահատուկ հեղինակային բնորոշում ունենալ (օրինակ` «երկխոսություններ», «հաճելի պիես», «պիես-այլաբանություն» և այլն):
