Արթյուր Ադամով

Վիքիպեդիայից՝ ազատ հանրագիտարանից
Արթյուր Ադամով
Arthur Adamov
A.adamov.jpg
(դրամատուրգ, արձակագիր)
Անունը Արթյուր Ադամով
Բնօրինակ
անունը
Arthur Adamov
Ծնվել է օգոստոսի 23, 1908
Ծննդավայր Կիսլովոդսկ (Ռուսաստան)
Մահացել է մարտի 15, 1970
Մահվան վայր Փարիզ (Ֆրանսիա)

Արթյուր Ադամով (իսկական անունը՝ Հարություն Ադամյան, 1908, օգոստոսի 23 - 1970, մարտի 15), ազգությամբ հայ ֆրանսիացի արձակագիր և դրամատուրգ։

Ծնվել է Կիսլովոդսկում, շուշեցի նավթարդյունաբերող Սուրեն Ադամովի ընտանիքում։ Առաջին աշխարհամարտի նախօրերին Ադամովների ընտանիքը մեկնում է արտասահման շրջագայության։ Պատերազմը խանգարում է նրանց վերադարձին։ Երկար դեգերումներից հետո ընտանիքը հաստատվում է Ֆրանսիայում, նախ՝ գավառում, իսկ 1924-ից՝ Փարիզում։ [1]

Մանկություն[խմբագրել]

Ֆրանսիացի դրամատուրգ Արթուր Ադամովը ծնվել է 1908 թվականի օգոստոսի 23-ին Կիսլովոդսկում, շուշեցի նավթարդյունաբերող Սուրեն Ադամովի ընտանիքում։ Առաջին համաշխարհային պատերազմի նախօրեին Ադամովների ընտանիքը մեկնում է արտասահման շրջագայության։ Պատերազմը, իսկ ապա նաև հետագա իրադարձությունները խանգարում են նրանց վերադարձին։ Երկար դեգերումներից հետո ընտանիքը, ի վերջո, հաստատվում է Ֆրանսիայում, նախ գավառում, իսկ 1924-ից՝ Փարիզում։

Հետագա կյանքը[խմբագրել]

Ադամովը ընդհատումներով սովորում է Շվեյցարիայում, Գերմանիայում ու Ֆրանսիայում։ Ապագա դրամատուրգին վիճակված էր ապրելու տարագրության բոլոր դառնություններն ու զրկանքները, որոնք էլ որոշիչ նշանակություն ունեցան նրա աշխարհայացքի ձևավորման գործում։ Եվ այուռեալիզմի ոգով գրված առաջին բանաստեղծությունները երիտասարդ մտավորականի հոռետեսական ու անկումային տրամադրությունների արտահայտությունն էին։ 20-ականների ավարտին հարելով սյուռեալիստական ուղղությանը՝ Ադամովը բարեկամանում է Պոլ Էլուարի հետ։

30-ական թվականներին Ադամովը մասնակցում է Ֆրանսիայում գլուխ բարձրացրած ֆաշիստական խմբավորումների դեմ մղվող պայքարին։ Գերմանական օկուպացիայի տարիներին շուրջ կես տարի անցկացնում է Արժելեի համակենտրոնացման ճամբարում։ Հետագայում հրապարակված "Սոսկալի օրագիրը" (1943) և "Խոստովանություն" (1946) ինքնակենսագրական վիպակը կյանքի էին կոչված այդ շրջանի տպավորություններով։ 40-ականների ավարտը Ֆարնսիայի թատերական կյանքում նշանավորվեց ավանգարդիստական մի նոր ուղղության՝ աբսուրդ թատրոնի ստեղծմամբ։ 1953 թվականին Փարիզում ներկայացվեց ծագումով իռլանդացի Սեմյուել Բեքեթի "Գոդոյի սպասումներում" պիեսը։ Դրամատիկական այդ ստեղծագործության կենտրոնական հերոսնները անհյուրընկալ ու թշնամի աշխարհում մոլորված Վլադիմիրն ու Էստրագոնն են, որոնք սպասում են Գոդոյին։

Աղբյուրներ[խմբագրել]

  1. (1983) XXդ. արտասահմանյան դրամատուրգիա, հատոր 1։ Երևան: Երևանի համալսարանի հրատարակչություն, էջ 529։ 

Արտաքին հղումներ[խմբագրել]