«Կնքահայրը 2»–ի խմբագրումների տարբերություն
չ r2.6.6) (Ռոբոտ․ sh:Kum II փոփոխվել է sh:The Godfather Part IIով |
|||
Տող 240. | Տող 240. | ||
[[ro:Nașul: Partea a II-a]] |
[[ro:Nașul: Partea a II-a]] |
||
[[ru:Крёстный отец 2]] |
[[ru:Крёстный отец 2]] |
||
[[sh: |
[[sh:The Godfather Part II]] |
||
[[sl:Boter 2]] |
[[sl:Boter 2]] |
||
[[sq:The Godfather: Part 2]] |
[[sq:The Godfather: Part 2]] |
12:04, 5 Մարտի 2013-ի տարբերակ
Կնքահայրը 2 անգլ.՝ The Godfather Part II | |
---|---|
Պատկեր:The godfather 2.jpg Քրեական ընտանիք՝ Կոռլեոնեյի Դոնի, և նրա հոր ճակատագրերը | |
Երկիր | ԱՄՆ |
Ժանր | դրամա, քրեական |
Թեմա | կազմակերպված հանցագործություն |
Հիմք | Կնքահայրը[1] |
Թվական | 1974 |
Պրեմիերա | 1974, դեկտեմբերի 12, ԱՄՆ |
Լեզու | անգլերեն, սիցիլերեն |
Ռեժիսոր | Ֆրենսիս Ֆորդ Կոպպոլա |
Պրոդյուսեր | Ֆրենսիս Ֆորդ Կոպպոլա, Գրեյ Ֆրեդերիքսոն, Ֆրեդ Ռոոս, Մոնա Սքաջեր, Ռոբերտ Էվանս |
Սցենարի հեղինակ | Ֆրենսիս Ֆորդ Կոպպոլա, Մարիո Պյուզո (վեպ) |
Դերակատարներ | Ալ Պաչինո, Ռոբերտ Դե Նիրո, Ռոբերտ Դյուվալ, Դայան Քիթոն |
Օպերատոր | Հորդոն Ուիլլիս |
Երաժշտություն | Նինո Ռոտա |
Մոնտաժ | Բերրի Մալքին, Ռիչարդ Մարքս, Փիթեր Զիններ |
Պատմվածքի վայր | Նյու Յորք և Հավանա |
Նկարահանման վայր | Նյու Յորք, Ֆլորիդա, Մայամի, Լաս Վեգաս Վելլի և Սիցիլիա |
Կինոընկերություն | Paramount Pictures |
Տևողություն | 200 րոպե |
Բյուջե | 13.000.000 մլն. $ |
Շահույթ | 57.300.000 $ ( ԱՄՆ) |
Նախորդ | Կնքահայրը |
Հաջորդ | Կնքահայրը 3 |
MPAA վարկանիշ | |
IMDb | ID 0071562 |
Պաշտոնական կայքէջ | |
The Godfather Part II Վիքիպահեստում |
«Կնքահայրը 2» (անգլ.՝ The Godfather, Part 2), Ամերիկյան գեղարվեստական ֆիլմ, նկարահանված հայտնի ռեժիսոր՝ Ֆրենսիս Ֆորդ Կոպպոլայի կողմից, 1974 թվականին: Ֆիլմի կարգախոսն է՝ «Եռերգությունը շարունակվում է»: Հռչակավոր «Կնքահայրը» եռերգության, երկրորդ շարունակական մասն է: Ֆիլմի առաջին պրեմիերան տեղի է ունեցել 1974 թվականի դեկտեմբերի 12-ին, ԱՄՆ-ում: Նկարահանված է գրող Մարիո Պյուզոյի համանուն վեպի հիման վրա: Ֆիլմի սյուժեն ներկայացնում է իտալական մաֆիան, և նրա դոն՝ Մայքլ Կոռլեոնեյի գործոնեությունը: «Կնքահայրը 2»-ը ոչ մի բանով չի զիջում իր հայտնությամբ, առաջին ֆիլմին: Այն ներկայացվել և արժանացել է բազում կինոմրցանակների, որոնց թվում արժանացել է 5, ներկայացվել՝ 5 Օսկար մրցանակի անվանակարգերում:
Սյուժե
Ֆիլմը կազմված է երկու սյուժետային գծերից: Առաջինը ներկայացնում է Վիտո Կոռլեոնեյի կյանքը, որը ապագայում դառնալու էր ամենահզոր քրեական ընտանիքի՝ Կոռլեոնե ընտանիքի Դոնը: Երկրորդ գիծը, շարունակելով առաջին ֆիլմը, ցույց է տալիս Վիտո Կոռլեոնեյի որդու՝ Մայքլ Կոռլեոնեյի կյանքը, որը հոր մահից հետո, ղեկավարում է իրենց ընտանիքն ու բիզնեսը: Երկու գծերն էլ, զուգահեռ ուղղորդվում են մինչև ֆիլմի վերջը:
Ապագա Դոն Կոռլեոնեն, ի ծնե՝ Վիտո Անդոլինի, ծնվում է 1891 թվականին, Սիցիլիայի՝ Կոռլեոնե գյուղում: Նրա հայրը վիրավորում է տեղական մաֆիային, ինչի համար սպանվում է: Վիտոյի ավագ եղբայրը, որոշում է վրեժխնդիր լինել, սակայն նույնպես սպանվում է: Դրանից հետո Կոռլեոնեյի մաֆիայի պարագլուխ՝ Դոն Չիչոն, որոշում է սպանել և Վիտոյին, որպեսզի վերջինս, հետագայում նույնպես վրիժառու չդառնա: Սպանվում է նաև Վիտոյի մայրը, որը ցանկանում էր փրկել որդուն: Վիտոն փախչում, թաքնվում է, իսկ Դոն Չիչոն իսկական որս է սկսում տղայի վրա: Վիտոյի հարազատները, որոշ ժամանակ թաքցնում են նրան, իսկ հետագայում նա ուղևորվում է Ամերիկա, որտեղ նոր կյանք է սկսում:
Ցույց է տրվում Վիտոյի հետագա կյանքը, իտալական թաղամասերում, 1910-ական թվականներին: Նա ամուսնացած է, ունի փոքր երեխաներ, բայց կարիքի մեջ է ապրում: Աշխատում է իր ընկերոջ հոր խանութում: Շուտով նա ստիպված հեռանում է այդ աշխատանքից, քանի որ այդպես է ուզում տեղական քրեական պարագլուխ՝ Դոն Ֆանուչչին, որը ամբողջ թաղամասից հարկեր է հավաքում, ուժի միջոցով: Վիտոն, կարելի է ասել, քրեական աշխարհ է մտնում իր ընկերների հետ: Երբ Ֆանուչչին սկսում է հարկեր պահանջել նրանցից, Վիտոն որոշում է կտրուկ քայլերի դիմել: Զատկի տոնակատարության ժամանակ, նա հետապնդում է Ֆանուչչիին և սպանում նրան:
Դրանից հետո, Վիտոն և իր ընկերները, բացում են իրենց բիզնեսը: Հիմա ամբողջ թաղամասը գիտի, թե ով է սարսափելի Դոնի սպանողը և շնորհակալ է երիտասարդին: Այդպիսով նրանք սկսում են գումար աշխատել, հետո բացում են իրենց «Ջենքո» ընկերությունը: Վիտոն օգնության ձեռք է մեկնում անպաշտպաններին և ավելի հայտնի դառնում:
Տարիներ անց, Վիտո Կոռլեոնեն մեկնում է Սիցիլիա, հարազատ գյուղ: Այստեղ, նա իր ընկերների օգնությամբ, վրեժխնդիր է լինում ծերացած Դոն Չիչոյից, որը ժամանակին ոչնչացրել էր իր ընտանիքը: Վերջում նա դարձյալ Ամերիկա է մեկնում:
1950-ական թվականներ, Ամերիկա... Կոռլեոնե ընտանիքը տոնում է Դոն Մայքլ Կոռլեոնեյի որդու կնունքը: Մայքլը հանդիպում է տոնակատարության ժամանակ, տեղական սենատոր՝ Փեթ Հիրիի հետ, որը խնդիրներ է ուզում առաջացնել Դոնի համար: Նա հասկացնել է տալիս, որ ավելի հզոր ուժ ունի և ցանկանում է կառավարել Մայքլով: Սակայն հետագայում հակառակն է ստացվում, երբ կեղտոտ շանտաժի շնորիվ, Կոռլեոնե ընտանիքը կարողանում է լռեցնել սենատորին: Հետո Մայքլը հանդիպում է իր մաֆիայի անդմաներից մեկի՝ Ֆրենկ Փենթենջելիի հետ, որը Դոնի հոր ընկերն էր: Ֆրենկը ցանկանում է հաշվեհարդար տեսնել ոմն՝ Ռոզատտո եղբայրներից, որոնք խանգարում են Կոռլեոնեյի բիզնեսին, Նյու-Յորքում: Ֆրենկին Մայքլի համաձայնությունն է ուզում, բայց հրաժարական է ստանում:
Հետո Մայքլի և իր ընտանիքի հանդեպ մահափորձ է կատարվում, որի ժամանակ Դոնը հասկանում է, որ իր ընտանիքում դավաճան կա: Նա որոշում է որոշ ժամանակով հեռանալ ասպարեզից և մեկնում է Մայամի, որտեղ հանդիպում է ծեր հանգստեր՝ Հայմոն Ռոթի հետ:
Այդ ժամանակ, Ֆրենկ Փինթենջելին այցելում է Ռոզատտո եղբայրներին, որտեղ նրա վրա մահափորձ են իրականացնում, ասելով թե դրա հեղինակը Մայքլ Կոռլեոնեն է, բայց իրականում ամեն ինչի տակ կանգնածը ուրիշը, ով ուզում է վնասել Մայքլին: Ֆրենկին փրկում են դրսում անցնող ոստիկանները, որոնք վնասազերծելով հանցագործներին, ձերբակալում են նաև Ֆրենկին: Հիմա Ֆրենկը մտածում է, թե Մայքլը դավաճանել է իրեն և պատրաստ է ցուցմունքներ տալ դատի ժամանակ, Կոռլեոնե ընտանիքի դեմ:
Մայքլն ու Ռոթը, պատրաստվում են միասին, տուրիստական բիզնես բացել, Կուբայի մայրաքաղաք՝ Հավանայում, ուր և ուղևորվում են: Ռոթը, բոլոր մաֆիայի հեղինակությունների մոտ, կոչում է Մայքլին իր ժառանգը, սակայն իրականում, ուզում է շուտով հեռացնել խաղից, երիտասարդ Դոնին: Բայց Մայքլն էլ այդքան միամիտ չէ և կռահում է ամեն բան: Նա մահափորձ է կազմակերպում Ռոթի հանդեպ, որը ձախողվում է: Մայքլն իմանում է, որ իր ընտանիքի դավաճանը, իր հարազատ եղբայր Ֆրեդոն է, որի շնորիվ և ձախողվում է մահափորձը:
Կուբայի հեղափոխության ժամանակ, Մայքլը վերադառնում է Ամերիկա և վատ լուրեր իմանում: Նրա կինը՝ Քեյը, կորցրել է երեխային, որը պետք է շուտով ծնվեր: Քեյը խոստովանում է, որ նա է կանխել հղիությունը, չուզենալով երեխա ունենալ այդպիսի հանցագործից, ինչպիսին Մայքլն է: Վերջում նրանք բաժանվում են, Մայքլն էլ երեխաներին իր մոտ է թողնում:
Հանդիպելով Ֆրեդոյին, Մայքլն ուրանում է եղբորից և չի ուզում այլևս՝ ոչ ճանաչել, ոչ տեսնել նրան: Քանի ողջ է նրանց մայրը, Մայքլը չի համարձակվի ձեռք տալ հարազատ եղբորը, դավաճանության համար: Շուտով նրանց մայրը մահանում է: Թաղման ժամանակ, Մայքլի քույրը՝ Կոննին, ծնկաչոկ խնդրում է իրեն ներել ու ընդունել Ֆրեդոյին, ինչը Մայքլը անում է, սակայն իրականում չի ներում եղբոր դավաճանությունը:
Ֆրենկ Փինթենջելին, գտնվելով ՖԲՌ-ի հսկողության տակ, պատրաստվում է ցուցմունքներ տալ, Կոռլեոնե ընտանիքի դեմ, դատավարությանը: Դրա ժամանակ, Մայքլը բերում է իր հետ Ֆրենկիի եղբորը, Իտալիայից, որը նախկինում մաֆիայի լուրջ անդամ է եղել: Դա խորամանկ քայլ էր Մայքլի կողմից, քանի որ հիմա Ֆրենկը ամաչում է իր եղբոր ներկայությամբ, դավաճանել Դոնին: Ուստի դատական նիստը խզվում է, քանի որ Ֆրենկը ոչինչ չի խոստովանում: Մայքլի ձախ ձեռքը՝ Թոմ Հագենը, այցելում է բանտում Ֆրենկին և ակնարկում, որ եթե Ֆրենկը ինքնասպան լինի, ապա Կոռլեոնեն կխնամի իր ընտանիքը: Ֆրենկը նաև հասկանում է, որ Մայքլն իրականում չի դավաճանել իրեն:
Հետո ի հայտ է գալիս ֆիլմի ամենաչար տեսարանը: Մայքլի հրամանով, սպանվում է Հայմոն Ռոթը, որն արդեն թողնում է բոլոր գործերն ու չի վայելում ոչ մի հզորություն: Բանտում ինքնասպան է լինում Ֆրենկը և սպանվում է Ֆրեդոն, դարձյալ Մայքլի հրամանով:
Մայքլը հիշում է անցյալը, երբ իր հոր ծննդի ժամանակ, նա հայտարարում է բոլորին, որ զինվորական ծառայության է գրվել: Բոլորը զայրանում են նրա վրա, ասելով, որ նա լրիվ ուրիշ ուղղով պետք է գնար: Մայքլը լրիվ ուրիշ մարդ պետք է դառնար, բայց հետագայում անցնում է բոլորին:
Վերջին տեսարանում, Մայքլ Կոռլեոնեն նստած է լուռ այգում: Նույնիսկ ծանր հոգեկան ապրուստի ժամանակ, նրա դեմքին դատարկ ու սառած հայացք է տիրում:
Նկարահանող անձնակազմ
- ռեժիսոր — Ֆրենսիս Ֆորդ Կոպպոլա
- պրոդյուսերներ — Ֆրենսիս Ֆորդ Կոպպոլա, Գրեյ Ֆրեդերիքսոն, Ֆրեդ Ռոոս, Մոնա Սքաջեր, Ռոբերտ Էվանս
- սցենարիստներ — Ֆրենսիս Ֆորդ Կոպպոլա, Մարիո Պյուզո (վեպ)
- օպերատոր — Հորդոն Ուիլլիս
- երաժշտություն — Նինո Ռոտա
- մոնտաժ — Բերրի Մալքին, Ռիչարդ Մարքս, Փիթեր Զիններ
Դերակատարներ
|
|
Բյուջե և շահույթ
«Կնքահայրը 2» ֆիլմի ընդհանուր բյուջեն, ըստ պաշտոնական տվյալների կազմել էր՝ 13.000.000 $:
Ընդհանուր շահույթն ԱՄՆ-ում, ըստ պաշտոնական տվյալների կազմել էր՝ 57.300.000 $ (ընդհանուր շահույթի 55.8%-ը), իսկ այլ երկրներում՝ 45.300.000 $ (ընդհանուր շահույթի 44.2%): Ուիքենդը՝ 244,000 $: Կինոընկերության մաքուր վարձույթը՝ 30.673.000 $: Արդյունքում, ընդհանուր շահույթը կազմել էր՝ 102.600.000 $:
Մրցանակներ և վարկանիշային ցանկեր
Մրցանակներ
«Կնքահայրը 2» ֆիլմը արժանացել և ներկայացվել է բազում մրցանակների: Դրանցից ամենանշանավորները հետևյալներն են.
- երկրորդ պլանի լավագույն դերասան (Ռոբերտ Դե Նիրո)
- բեմադրող ռեժիսորի լավագույն աշխատանք, դեկորացիաների նկարչի (Ձին Թավուլարիս, Անջելո Փ. Գրեհեմ և Ջորջ Ռ. Նելսոն)
- լավագույն երաժշտություն, օրիգինալ դրամատիկ գնահատական (Նինո Ռոտա և Կարմինե Կոպպոլա)
- լավագույն ֆիլմ (Ֆրենսիս Ֆորդ Կոպպոլա, Գրեյ Ֆրեդերիկսոն և Ֆրեդ Ռուս)
- լավագույն ադապտացված սցենար (Ֆրենսիս Ֆորդ Կոպպոլա և Մարիո Պյուզո)
Օսկարի անվանակարգեր.
- լավագույն դերասան (Ալ Պաչինո)
- երկրորդ պլանի լավագույն դերասան (Մայքլ Վ. Գացցո)
- երկրորդ պլանի լավագույն դերասան (Լի Սթրասբերգ)
- երկրորդ պլանի լավագույն դերասանուհի (Թալիյա Շայր)
- կոստյումների լավագույն դիզայն (Թեոդորա Վան Ռանքլ)
- 1975 — Ոսկե Գլոբուսի անվանակարգեր.
- լավագույն ռեժիսոր (Ֆրենսիս Ֆորդ Կոպպոլա)
- լավագույն ֆիլմ-դրամա
- ֆիլմի լավագույն դերասան-դրամա (Ալ Պաչինո)
- լավագույն սունդթրեք (Նինո Ռոտա)
- ֆիլմի լավագույն սցենար (Ֆրենսիս Ֆորդ Կոպպոլա և Մարիո Պյուզո)
- ամենախոստումնալից նորեկ-տղամարդ (Լի Սթրասբերգ)
- լավագույն դերասան (Ալ Պաչինո)
BAFTA-ի անվանակարգեր.
- լավագույն մոնտաժ (Փիթեր Զիններ, Բարրի Մալքին և Ռիչարդ Մարքս)
- ամենախոստումնալից նորեկ ֆիլմի գլխավոր դերում (Ռոբերտ Դե Նիրո)
Վարկանիշային ցանկեր
- 250 լավագույն ֆիլմեր (ըստ IMDb վարկածի) ցուցակում, գրավում է 3-րդ տեղը
- Ամերիկյան բոլոր ժամանակների 100 լավագույն ֆիլմեր ցուցակում, գրավում է 32-րդ տեղը
- Ամերիկյան բոլոր ժամանակների ֆիլմերի 100 լավագույն դրական և բացասական հերոսներ ցուցակում, Մայքլ Կոռլեոնեյի հերոսը, գրավում է 11-րդ տեղը, բացասական հերոսներ շարքում
- Ամերիկյան բոլոր ժամանակների ֆիլմերի 100 լավագույն խոսքեր ցուցակում, «Պահիր ընկերներիդ քո կողքին, իսկ թշնամիներին ավելի մոտիկ» խոսքը գրավում է 58-րդ տեղը
- Ամերիկյան բոլոր ժամանակների 10 լավագույն ֆիլմեր ըստ 10 ժանրերի ցուցակի՝ 10 լավագույն գանգստերական ֆիլմեր շարքում, գրավում է 3-րդ տեղը
Ֆիլմի պրեմիերան տարբեր երկրներում
- ԱՄՆ, 1974 թվական, դեկտեմբերի 12
- Արգենտինա, 1974 թ. դեկտեմբերի 26
- Չեխոսլովակիա, 1975 թ. հունվարի 1
- Ավստրալիա, 1975 թ. հունվարի 2
- Ճապոնիա, 1975 թ. ապրիլի 26
- Իտալիա, 1975 թ. հունիսի 20
- Նիդերլանդներ, 1975 թ. հուլիսի 17
- Շվեդիա, 1975 թ. հուլիսի 28
- Ֆինլանդիա, 1975 թ. օգոստոսի 15
- Ուրուգվայ, 1975 թ. օգոստոսի 18
- Ֆրանսիա, 1975 թ. օգոստոսի 27
- Գերմանիա, 1975 թ. սեպտեմբերի 25
- Նորվեգիա, 1975 թ. հոկտեմբերի 6
- Իսպանիա, 1975 թ. հոկտեմբերի 13
- Հոնկոնգ, 1975 թ. նոյեմբերի 6
- Հարավային Կորեա, 1978 թ. ապրիլի 20
Սաունդթրեք
«Կնքահայրը 2» ֆիլմում հնչող ամբողջ երաժշտության հեղինակը, կոմպոզիտոր՝ Նինո Ռոտան է: Բոլոր մեղեդիները գրվել են 1974 թվականին: Դրանք հետևյալներն են.
- «Main Title/The Immigrant» – 3:27
- «New Carpet» – 2:00
- «Kay» – 3:00
- «Every Time I Look in Your Eyes/After the Party» – 2:35
- «Vito and Abbandando» – 2:38
- «Senza Mamma/Diuri-Ciuri/Napule Ve Salute» – 2:36
- «Godfathers at Home» – 2:35
- «Remember Vito Andolini» – 2:52
- «Michael Comes Home» – 2:19
- «Marcia Stilo Italiano» – 2:02
- «Ninna Nanna a Michele» – 2:22
- «Brothers Mourn» – 3:21
- «Murder of Don Fanucci» – 2:50
- «End Title» – 3:51
Վերլուծություն
Առաջին մասում, երբ Մայքլը ոչնչացնում է բոլոր թշնամիներին, նա անում է դա ստիպված, քանի որ վերջիններս որոշել էին ոչնչացնել Կոռլեոնե ընտանիքը և մի քանի տարի, հետապնդում էին այդ ընտանիքի անդամներին, սպանելով որոշներին: Իսկ երկրորդ մասում, Մայքլի բոլոր վերջնական զոհերը, անիմաստ են սպանվում: Այսինքն սա խորհրդանշում է գլխավոր հերոսի, տարիների ընթացքում աճած՝ դաժանությունն ու սառնասրտությունը: Նա չի խնայում նույնիսկ հարազատ եղբորը, որը բազմիցս զղջացել ու մեղանչել էր, իր անպատասխանատու դավաճանության համար: Ցույց է տրված, թե ինչ է դարձնում մաֆիան մարդուն: Մայքլի համար, սպանությունն ու դաժանությունը սովորություն են դառնում, որի տակ նա գնալով կորցնում է մարդկային տեսակը: Այդպիսով ռեժիսորն ուզում է ասել, որ իրար հաջորդող սերունդները, գնալով բացասական են լինում, քանի որ Մայքլի հայրը, երբեք այդպես չէր վարվի:
Հետաքրքիր փաստեր
- Ինչպես և եռերգության առաջին մասում, այստեղ էլ վերջնական արյունահեղ ավարտն, իրականանում է մեկ օրվա ընթացքում: Առաջին ֆիլմի պես, միաժամանակ ցույց են տրվում մի քանի դաժան դեպքեր, առանձնանալով որոշ դրվագներով: Մեկ հրամանով, Մայքլը սպանել է տալիս հին թշնամուն՝ Հայման Ռոթին, որին իմաստ էլ չկար սպանել, հարազատ եղբորը՝ Ֆրեդոյին, հին դավաճանության համար, և բանտում ինքնասպան է լինում Ֆրենկը:
- Դեռ նախքան առաջին ֆիլմը նկարահանելը, Կոպպոլան ուզում էր մի ֆիլմ նկարահաներ, որտեղ ցույց կտար հորը և որդուն, նույն տարիքում: Հոր մեջ, նա ուզում էր տեսնել, նրա ապագա որդու հատկանիշներն, իսկ որդու մեջ՝ հոր:
- Առաջին մասում էլ, այստեղ էլ, նարինջները հանդիսանում են, որպես մահվան խորհրդանիշ: Տեսարանում նրանց հայտնվելուց հետո, ինչ որ մեկը մահանում է:
- Կոպպոլայի մտահաղացումով, Մայքլը պետք է սպաներ Ֆրեդոյին: Վեպի և ֆիլմի սցենարի, երկրորդ հեղինակը՝ Մարիո Պյուզոն, սկզբում կտրականապես դեմ էր այդ բանին, սակայն հետագայում համաձայնվեց, մի պայմանով. սպանությունը պետք է տեղի ունենար, միայն հերոսների մոր մահից հետո:
Մեջբերումներ
Սա բիզնես է, որը մենք ինքներս մեզ ենք ընտրել: |
Պահիր ընկերներիդ մոտիկ, իսկ թշնամիներիդ ավելի մոտիկ: |
Մենք նրանց առաջարկություն կանենք, որից նրանք չեն կարողանա հրաժարվել: |
Ես գիտեմ, դա դու էիր Ֆրեդո: Դու կոտրեցիր իմ սիրտը: Դու կոտրեցի՛ր իմ սիրտը: |
Այն ամենը, ինչ մեզ սովորեցրել է պատմությունը, դա այն է, որ սպանել կարելի է յուրաքանչյուրին: |
Արտաքին հղումներ
- «Կնքահայրը 2» ֆիլմի պաշտոնական կայքը
- «Կնքահայրը 2»(անգլ.) ֆիլմը Internet Movie Database կայքում
- «Կնքահայրը 2»(անգլ.) ֆիլմը «AllRovi» կայքում:
- «Կնքահայրը 2»(ռուս.) ֆիլմը ԿինոՊոիսկ կայքում։
- ↑ Ֆիլմերի շվեդական շտեմարան (շվեդերեն) — Svenska Filminstitutet.