Ռոն-Ալպեր

Ռոն-Ալպեր; ֆր.՝ Rhône-Alpes
Դրոշ	Զինանշան
;	;
Երկիր	Ֆրանսիա
Կարգավիճակ	Ֆրանսիայի երկրամասեր
Մտնում է	Ֆրանսիայի մետրոպոլիս
Վարչկենտրոն	Լիոն
Խորհրդի նախագահ	Ջան Ջակ Քեյրան
Բնակչություն (2007)	6 058 000
Խտություն	138,6
Տարածք	43 698
Հիմնադրված է	հունիսի 4, 1960 թ.
Սահմանակցում է	Ֆրանշ-Կոնտե, Պրովանս-Ալպեր-Լազուր ափ, Լանգեդոկ-Ռուսիլիոն, Օվերն, Բուրգունդիա, Վալե, Պիեմոնտ, Վալլե Դ'Աոստա, Ժնև, Վո և Auvergne?
Ժամային գոտի	UTC+1 և UTC+2
Փոխարինեց	Rhône? և Alpes?
ISO 3166-2 կոդ	FR-V
Անվանված է	Rhône? և Alpes?
	rhonealpes.fr
	Ռոն-Ալպեր Վիքիպահեստում

Ռոն-Ալպեր (ֆր.՝ Rhône-Alpes), մարզ Ֆրանսիայի հարավ-արևելքում։ Վարչական կենտրոնը՝ Լիոն։ Բնակչությունը՝ 6 341 160 մարդ (2-րդը՝ մարզերի մեջ)։

Տարածքային բարեփոխման արդյունքում^[2] 2016 թվականի հունվարի 1-ին Ռոն-Ալպեր երկրամասը միացել է Օվերն տարածաշրջանին^[3]։ Միացյալ երկրամասն ստացել է Օվերն-Ռոն-Ալպեր անվանումը։

Աշխարհագրություն[խմբագրել | խմբագրել կոդը]

Ռոն Ալպերի մարզը տեղակայված է Ֆրանսիայի արևելքում։ Հյուսիսում են գտնվում Բուրգունդիա և Ֆրանշ Կոնտե մարզերը, արևմուտքում՝ սահմանակցում է Օվերն, հարավում՝ Լանգեդոկ-Ռուսիլյոն և Պրովանս Ալպեր Լազուր ափ գավառների հետ։ Մարզի արևելքում է գտնվում Ալպերի արևմտյան լանջերը և այստեղով է անցնում Շվեյցարիայի և Իտալիայի միջև սահմանը։ Ամենաբարձր կետը Մոնբլան լեռնագագաթն է՝ ֆրանկոիտալական սահմանին։ Երկրամասի կենտրոնական մասում են գտնվում Ռոն և Սոն գետերի հովիտները։ Նրանց միախառնման կետում է գտնվում Լիոն քաղաքը։ Երկրամասի արևմտյան և հարավարևմտյան մասից է սկսում Կենտրոնական լեռնազանգվածը և հոսում է Արդեշ գետը, որի վրա առաջացել են Եվրոպայում ամենամեծ կիրճերը։

Լճեր[խմբագրել | խմբագրել կոդը]

Մարզում են տեղակայված Ֆրանսիայի ամենամեծ քաղցրահամ լճերը՝ Նանտուա, Բարտրան, Լաֆրե, Պալադրյու, Մոնտենար, Բուա Ֆրանսե, Ագուբելետ, Լակ դյու Բուրժե, Սեն Անդրե, Անսի, Ժնևի լիճ։

Լեզու[խմբագրել | խմբագրել կոդը]

Ինչպես և Ֆրանսիայի մնացած մասերում ֆրանսերենը համարվում է երկրամասի միակ պաշտոնական լեզուն։ Մինչև 20-րդ դարի կեսերը մարզում լայնորեն տարածված էր ֆրանկոպրովանսերենը, մինչդեռ հարավում խոսում էին օքսիթերենի տարբեր բարբառներով։ Երկու լեզուներն էլ այժմ քիչ են կիրառվում։

Վարչական բաժանում[խմբագրել | խմբագրել կոդը]

Տարածքը՝ 43 698 կմ²
Բնակչությունը՝ 6 341 160 մարդ (2012)
Վարչական կենտրոնը՝ Լիոն
Բնակչության խտությունը՝ 144 մարդ/կմ²
Գործունյա բնակչություն՝ 2 619 918 մարդ
Երկրամասի ՀՆԱ՝ 192 882 մլն եվրո (2013) (9,7%-ը ամբողջ Ֆրանսիայի ՀՆԱ-ից)
Արդյունաբերությունը՝ մեքենաշինություն, մետալուրգիա, քիմիական արդյունաբերություն, մեքենաշինություն
Գյուղատնտեսությունը՝ գինեգործություն, բանջարաբուծություն, հացահատիկի մշակում

Ռոն Ալպեր երկրամասի դեպարտամենտներ
Դեպարտամենտ		Տարածք	Բնակչություն	Պրեֆեկտուրա	Բնակչության խտություն
01	Էն	5 762 կմ²	612 191	Բուրկ ան Բրես	106 մարդ/կմ²
07	Արդեշ	5 529 կմ²	318 407	Պրիվա	58 մարդ/կմ²
26	Դրոմ	6 530 կմ²	491 334	Վալանս	75 մարդ/կմ²
38	Իզեր	7 431 կմ²	1 224 993	Գրենոբլ	165 մարդ/կմ²
42	Լուար	4 781 կմ²	753 763	Սենտ Էտիեն	158 մարդ/կմ²
69	Ռոն	2 715 կմ²	471 026	Լիոն	158 մարդ/կմ²
69	Լիոնի մետրոպոլիա^[4]^[5]	534 կմ²	1 324 637	Լիոն	2 482 մարդ/կմ²
73	Սավոյ	6 028 կմ²	421 105	Շամբերի	70 մարդ/կմ²
74	Վերին Սավոյ	4 388 կմ²	756 501	Անսի	172 մարդ/կմ²