Jump to content

Նատաշա Ռամբովա

Վիքիպեդիայից՝ ազատ հանրագիտարանից
Նատաշա Ռամբովա
անգլ.՝ Natacha Rambova
Դիմանկար
Ծնվել էհունվարի 19, 1897(1897-01-19)[1][2]
ԾննդավայրՍոլթ Լեյք Սիթի, ԱՄՆ
Մահացել էհունիսի 5, 1966(1966-06-05)[1][2] (69 տարեկան)
Մահվան վայրՓասադենա, Լոս Անջելես շրջան, Կալիֆոռնիա, ԱՄՆ
Քաղաքացիություն ԱՄՆ
Մայրենի լեզուանգլերեն
Մասնագիտությունդերասանուհի, հնագետ, սցենարիստ, կինոպրոդյուսեր, գրող, նորաձևության դիզայներ, գեղարվեստական ​​ղեկավար, պարուհի, հագուստ ձևագծող, թատրոնի դերասանուհի, գյուտարար և աստղագուշակ
ԱմուսինՌուդոլֆ Վալենտինո
Ծնողներհայր՝ Մայքլ Շոնեսսի[3], մայր՝ Winifred Kimball?[3]
 Natacha Rambova Վիքիպահեստում

Նատաշա Ռամբովա (անգլ.՝ Natacha Rambova, ի ծնե՝ Ուինիֆրեդ Կիմբոլ Շոնեսսի (Winifred Kimball Shaughnessy), հունվարի 19, 1897(1897-01-19)[1][2], Սոլթ Լեյք Սիթի, ԱՄՆ - հունիսի 5, 1966(1966-06-05)[1][2], Փասադենա, Լոս Անջելես շրջան, Կալիֆոռնիա, ԱՄՆ), ամերիկացի նկարչուհի՝ կոստյումների գծով, դեկորատոր, համր կինոյի դերասանուհի, եգիպտագետ։

Կենսագրություն

[խմբագրել | խմբագրել կոդը]

Ծնվել է Սոլթ Լեյք Սիթիում՝ մորմոնների ընտանիքում[4][5]։ Մանկությունն անցել է Սան Ֆրանցիսկոյում[6], իսկ կրթություն ստացել է Միացյալ Թագավորությունում[7][8][9]։ ԱՄՆ վերադառնալուց հետո Ռամբովան պարուհու կարիերա է սկսել Նյու Յորքում՝ Ֆյոդոր Կոզլովի ղեկավարության ներքո[10]։ 19 տարեկանում տեղափոխվել է Լոս Անջելես[9], որտեղ հաջորդող տարիների ընթացքում աշխատել է որպես հոլիվուդյան ֆիլմերի կոստյումների դիզայներ։

Շուտով ծանոթացել է Ռուդոլֆ Վալենտինոյի հետ, որի հետ էլ 1923 թվականին ամուսնացել է[11]։ Շուտով պարզվում է, որ այդ պահին Վալենտինոյի նախորդ ամուսնության խզումը պաշտոնապես չի ավարտվել, ինչի պատճառով նա դատարան է ընկնում որպես երկկին։ Հայտնի դերասանի հետ ամուսնությունը նրան լայն ճանաչում է բերում շոու բիզնեսում։ Սակայն Վալենտինոյի ընկերներն ու գործընկերները խիստ բացասաբար են արտահայտվել Ռամբովայի մասին՝ նրան մեղադրելով կինոյում Վալենտինոյի մի շարք ձախողումների մեջ։ Ընդ որում, դերասանն էլ շատ արագ սառում է Ռամբովայի նկատմամբ և նույնիսկ ստուդիայի հետ պայմանագիր է կնքում, որպեսզի նրան թույլ չտան հրապարակ մտնել իր նկարահանումների ժամանակ։ 1925 թվականին բաժանվելուց հետո[12] նա վերադարձել է Նյու Յորք, որտեղ Մանհեթենում բացել է հագուստի սեփական խանութը[13]։

1931 թվականի վերջին Ռամբովան, մտահոգված Մեծ ճգնաժամից հետո ԱՄՆում տիրող տնտեսական վիճակով, փակել է իր հագուստի խանութը և բնակություն հաստատել Ֆրանսիայում՝ Անթիբ քաղաքում[14]։ Բալեարյան կղզիների կրուիզներից մեկում ծանոթացել է իսպանացի ազնվական Ալվարո դե Ուրսայսի հետ, որի հետ ամուսնացել է 1932 թվականին[14]։ Զույգը բնակություն է հաստատել Մալյորկայում, որտեղ նա զբաղվել է լքված իսպանական վիլլաների վերանորոգմամբ և վաճառքով[15]։

1936 թվականի հունվարին Ռամբովան ամուսնու հետ առաջին անգամ եղել է Եգիպտոսում, որտեղ այցելել է Մեմփիսի, Լուքսորի, Թեբեի հին հուշարձանները, որոնք նրա վրա մեծ տպավորություն են թողել և որոշել են նրա հետագա հետաքրքրությունները[16]։ Շուտով նրանց՝ Իսպանիա վերադառնալուց հետո այնտեղ սկսվել է քաղաքացիական պատերազմ, նրա ամուսինը մտել է պրոֆաշիստական ազգայնական բանակի շարքերը։ Ինքը՝ Ռամբովան, լքել է Իսպանիան՝ բնակություն հաստատելով Նիսի ընտանեկան ամրոցում։ Այդ պահին ամուսինների միջև հարաբերությունները սրվել են, և շուտով զույգը բաժանվել է[15]։ 1940 թվականի հունիսին նացիստների՝ Ֆրանսիա ներխուժումից հետո Ռամբովան վերադարձել է Նյու Յորք[17]։

1940-ական թվականներին հետաքրքրվել է մետաֆիզիկայով, աստղագուշակությամբ՝ համատեղելով դրանք եգիպտագիտության նկատմամբ ունեցած սիրո հետ[18]։ Ռամբովան երկու անգամ խոշոր մասնավոր դրամաշնորհ է ստացել Հին Եգիպտոսի կրոնական համակարգի և սիմվոլների ուսուցման համար[19][20]։ 1954 թվականին նա Յուտայի համալսարանին է նվիրաբերել պեղումների ժամանակ հայտնաբերված եգիպտական բրածոների մեծ հավաքածուն[21]։

1950-ական թվականների սկզբին Ռամբովայի մոտ սկսել է զարգանալ կարծրամաշկություն, ինչն էլ հանգեցրել է հոգեկան խանգարման և թերսնման[22]։ 1965 թվականին նրան տրվել է պարանոիկ փսիխոզ ախտորոշումը[23], ինչից հետո խորթ քույրը նրան տարել է իր մոտ՝ Կալիֆոռնիա[24]։ Կյանքի վերջին տարին Ռամբովան անցկացրել է հիվանդանոցում և ծերանոցում, որտեղ էլ մահացել է սրտային անբավարարությունից 69 տարեկան հասակում[25][26]։ Նրա մարմինը դիակիզվել է, իսկ աճյունը ցրվել Է Արիզոնայի հյուսիսում գտնվող անտառում[17]։

1975 թվականին էկրան է բարձրացել «Վալենտինոյի լեգենդը» ֆիլմը, որտեղ Ռամբովայի դերը խաղացել է Իվետ Միմոն, իսկ 1977 թվականին «Վալենտինո» պատկերում այն խաղացել է Միշել Ֆիլիպսը։ Ռամբովայի կերպարը հայտնվել է նաև «Սարսափների ամերիկյան պատմություն։ Հյուրանոց» սերիալում՝ Ալեքսանդրա Դադարիոյի կատարմամբ։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 2,3 2,4 GeneaStar
  3. ↑ 3,0 3,1 3,2 3,3 3,4 Pas L. v. Genealogics — 2003.
  4. ↑ Jorgensen, Jay; Scoggins, Donald L. (2015 թ․ հոկտեմբերի 6). Creating the Illusion (Turner Classic Movies): A Fashionable History of Hollywood Costume Designers. Running Press. էջ 28. ISBN 9780762458073.
  5. ↑ Quinn, 2001
  6. ↑ Morris, 1991, էջ 29
  7. ↑ Rambova, Pickford, 2009, էջ 83
  8. ↑ Leider, 2003, էջ 130
  9. ↑ 9,0 9,1 Morris, 1991
  10. ↑ Leider, 2003, էջ 131
  11. ↑ Morris, 1991, էջ 133
  12. ↑ Rambova, Pickford, 2009, էջ 234
  13. ↑ Jorgensen, Scoggins, 2015, էջ 30
  14. ↑ 14,0 14,1 Vaughan, 2006, էջ 36
  15. ↑ 15,0 15,1 Rambova, Pickford, 2009, էջ 235
  16. ↑ Morris, 1991, էջ 207
  17. ↑ 17,0 17,1 Morris, 1991, էջ 228
  18. ↑ Rambova, Pickford, 2009, էջ 237
  19. ↑ «Natacha Rambova» (PDF). Breaking Ground: Women in Old World Archaeology. Brown University. Արխիվացված է օրիգինալից (PDF) 2006 թ․ մայիսի 4-ին. Վերցված է 2017 թ․ նոյեմբերի 8-ին.
  20. ↑ McGuire, 1989, էջ 94
  21. ↑ «Brief history of the Utah Museum of Fine Arts». The Deseret News. 2001 թ․ մայիսի 27. Արխիվացված է օրիգինալից 2015 թ․ սեպտեմբերի 6-ին. Վերցված է 2017 թ․ նոյեմբերի 10-ին.
  22. ↑ Morris, 1991, էջ 255
  23. ↑ Stutesman, Drake. «Natacha Rambova». Women Film Pioneers Project. Columbia University. Արխիվացված է օրիգինալից 2015 թ․ դեկտեմբերի 24-ին. Վերցված է 2017 թ․ նոյեմբերի 10-ին.
  24. ↑ Morris, 1991, էջ 256
  25. ↑ Willis, John (1983). Screen World 1967. Biblo & Tannen Publishers. էջ 239. ISBN 978-0-819-60308-1.
  26. ↑ Ellenberger, 2005, էջ 149
Վիքիպահեստն ունի նյութեր, որոնք վերաբերում են «Նատաշա Ռամբովա» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Նատաշա_Ռամբովա&oldid=9918915» էջից