Մարգագետնի մեծ կտոր (նկար)
 | |
|---|---|
 | |
| տեսակ | ջրաներկ և գծանկար |
| նկարիչ | Ալբրեխտ Դյուրեր[1] |
| տարի | 1503[1] |
| բարձրություն | 40,8 սանտիմետր[1] |
| լայնություն | 31,5 սանտիմետր[1] |
| ուղղություն | գերմանական Վերածնունդ |
| ժանր | նատյուրմորտ |
| նյութ | թուղթ, ջրաներկ[1], Q1182043?[1] և top color?[1] |
| գտնվում է | Ալբերտինա պատկերասրահ[1] |
| հավաքածու | Ալբերտինա պատկերասրահ[1] |
պատկերված են
| |
| https://www.wga.hu/html/d/durer/2/16/2/02turf.html կայք | |
Ծանոթագրություններ | |
 Great Piece of Turf by Albrecht Dürer Վիքիպահեստում | |
«Մարգագետնի մեծ կտոր» (գերմ.՝ Das große Rasenstück), Ալբրեխտ Դյուրերի նկարը, նկարել է 1503 թվականին։ «Նապաստակ» նկարի հետ մեկտեղ Դյուրերի՝ բնությունը պատկերող ամենահայտնի նկարներից է[2][3]։ Պահպանվում է Ալբերտինա պատկերասրահում։
Նկարագրություն
[խմբագրել | խմբագրել կոդը]Նկարի ստորին աջ կողմում հազիվ նկատելի ձևով նշված է ստեղծման տարեթիվը՝ 1503։ Առաջին հայացքից նկարը բնական մարգագետնի տպավորություն չի թողնում։ Դիտակետը տեղակայված է շատ ներքև, այդ պատճառով հնարավոր չէ, որ նկարը ստեղծվեր բնության գրկում (իրական մարգագետնում)։ Հավանաբար նկարը ստեղծվել է արվեստանոցում։ Հնարավոր է, որ նկարիչն առանձին է ուսումնասիրել և նկարել խոտերը։
Ստեղծագործության կենտրոնը չի համապատասխանում նկարի աշխարհագրական կենտրոնի հետ։ Դիտողի հայացքը սահում է բույսի լուսավոր, պլաստիկ տերևներից՝ աջից ձախ։ Ճահճային բնահողը ստացվել է մուգ ներկերով լայն վրձնահարվածների արդյունքում։ Նկարի ստորին հատվածը հավասարակշռում են բույսերի բարակ ցողունները, որոնք ուղղված են դեպի վեր։ Առանձին բույսեր ցուցադրված են ամբողջությամբ՝ երևացող արմատներով։ Երևացող արմատներ կարելի է տեսնել նաև Դյուրերի այլ ստեղծագործություններում, օրինակ՝ «Ասպետ, մահ և սատանա» (1513) նկարում։ Բույսերի քաոսային դասավորվածությունը, որը զուգակցվում է յուրաքանչյուր առանձին բույսի տարրերի մանրամասն ներկայացման հետ, նկարին տալիս է ակնհայտ ռեալիստականություն, իսկ սպիտակ ֆոնը կազմակերպում և դասակարգում է կոմպոզիցիան[4]։
Նկարում պատկերված է եզան լեզու, բերենիկե, հազարատերևուկ, երկարակյաց մարգարտածաղիկ և խատուտիկ[5]։
Գնահատական
[խմբագրել | խմբագրել կոդը]Մարդասեր Կոնրադ Ցելտեսը Դյուրերի աշխատանքները համեմատել է միջնադարյան փիլիսոփա և գիտնական Ալբերտ Մեծի գրական ստեղծագործությունների հետ։ Ինչպես Ալբերտը, Դյուրերը ևս իր ստեղծագործությունների հիմքում դրել է բնության ուսումնասիրությունը[6]։
Այս նկարը, որը ռեալիզմի տեսանկյունից հետագայում բարձր է գնահատվել արվեստի գործիչների կողմից, Դյուրերի համար ինքնանպատակ չի եղել․ նմանատիպ նկարների միջոցով նկարիչը հղկել է իր վարպետությունը և կիրառել հետագա աշխատանքներում[7]։ Այս նկարի որոշ տարրեր կարելի է տեսնել Դյուրերի հետագա նկարներում և փորագրություններում, ինչպես, օրինակ՝ «Ադամ և Եվա» ստեղծագործությունում (1504)[8]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 1,8 http://sammlungenonline.albertina.at/?query=Inventarnummer=(3075)&showtype=record
- ↑ Hutchinson, p. 69.
- ↑ Hutchinson, Jane Campbell (1990). Albrecht Dürer: A Biography. Princeton: Princeton University Press. p. 57. ISBN 0-691-00297-5.
- ↑ Lubbock, Tom (2008-01-18). "Dürer, Albrecht: The Large Turf (1503)". The Independent
- ↑ Lubbock, Tom (2008-01-18). "Dürer, Albrecht: The Large Turf (1503)". The Independent. Retrieved 2008-10-29.
- ↑ Hutchinson, pp. 67–9.
- ↑ Gombrich, pp. 346-7.
- ↑ Gombrich, pp. 346–9.
Գրականություն
[խմբագրել | խմբագրել կոդը]- Gombrich, E.H. (1995). The Story of Art (16th ed.). London & New York: Phaidon Press. pp. 345. ISBN 071483355X.
- Hutchinson, Jane Campbell (1990). Albrecht Dürer: A Biography. Princeton: Princeton University Press. pp. 57. ISBN 0691002975.
- Heinz Wiedauer: Das große Rasenstück. In: K.A. Schröder, M.L. Sternath: Albrecht Dürer. Hatje Cantz Verlag, Ostfildern-Ruit 2003, S. 270-272, ISBN 3-7757-1330-1
| ||||||||||||||