Արպատ Ավանեսյան
 |
Ուշադրություն։ Այս հոդվածի ստեղծողը կամ նրանում մեծ ներդրում ունեցող անձը, ըստ երևույթին, հետաքրքրությունների կոնֆլիկտ ունի հոդվածի առարկայի հետ։ Հոդվածը կարող է պահանջել մաքրում Վիքիպեդիայի քաղաքականությանը, հատկապես չեզոք տեսակետի պահանջը բավարարելու համար։ Հետագա քննարկումը քննարկման էջում։ |
- Վիքիպեդիայում կան հոդվածներ Ավանեսյան ազգանունով այլ մարդկանց մասին։
| Արպատ Ավանեսյան | |
|---|---|
| Ծնվել է | հունիսի 2, 1944 (80 տարեկան) կամ հունվարի 2, 1944 (80 տարեկան) |
| Ծննդավայր | Ճարտար, Մարտունու շրջան, ԼՂԻՄ, Ադրբեջանական ԽՍՀ, ԽՍՀՄ |
| Քաղաքացիություն |  Արցախ |
| Կրթություն | Երևանի պետական համալսարան (1966) |
| Գիտական աստիճան | տեխնիկական գիտությունների թեկնածու (1981) և դոցենտ (1983) |
| Մասնագիտություն | ֆիզիկոս և քաղաքական գործիչ |
| Աշխատավայր | Ռադիոֆիզիկայի և էլեկտրոնիկայի ինստիտուտ, ՀԱՊՀ և Արցախի պետական համալսարան |
| Կուսակցություն | Ազատ Հայրենիք |
| Պարգևներ և մրցանակներ |  |
Արպատ Սանջանի Ավանեսյան (հունիսի 2, 1944 կամ հունվարի 2, 1944, Ճարտար, Մարտունու շրջան, ԼՂԻՄ, Ադրբեջանական ԽՍՀ, ԽՍՀՄ), ԼՂՀ քաղաքական գործիչ։
Կենսագրություն և գործունեություն
[խմբագրել | խմբագրել կոդը]Ծնվել է 1944 թվականի հունվարի 2-ին, Լեռնային Ղարաբաղի Մարտունու շրջանի Ճարտար գյուղում։ 1960 թվականին ավարտել է Ճարտարի միջնակարգ դպրոցը։ 1966 թվականին ավարտել է Երևանի պետական համալսարանի ֆիզիկայի ֆակուլտետի ռադիոֆիզիկա և էլեկտրոնիկա բաժինը՝ ստանալով ռադիոֆիզիկոսի մասնագիտություն։
1965-1968 թվականներին աշխատել է ՀՀ ԳԱԱ ռադիոֆիզիկայի և էլեկտրոնիկայի ինստիտուտում՝ կրտսեր գիտական աշխատող, ավագ ինժեներ։ 1968 թվականին աշխատանքի է ընդունվել Երևանի պոլիտեխնիկական ինստիտուտի ատոմային ֆիզիկայի ամբիոնում՝ որպես ասիստենտ։ 1981 թվականին ավարտել է ասպիրանտուրան, պաշտպանել թեկնածուական թեզ՝ ստանալով տեխնիկական գիտությունների թեկնածուի գիտական աստիճան, 1983 թվականին՝ դոցենտի գիտական կոչում։ 1990 թվականի հունվարին նշանակվել է Երևանի պոլիտեխնիկական ինստիտուտի հեռակա ֆակուլտետի Ստեփանակերտի նորաստեղծ ընդհանուր տեխնիկական բաժանմունքի տնօրեն։ 1991 թվականին նշանակվել է ԵրՊԻ Ստեփանակերտի մասնաճյուղի տնօրեն։ 1992 թվականին նշանակվել է Լեռնային Ղարաբաղի պետական համալսարանի (հետագայում՝ Արցախի պետական համալսարան) առաջին ռեկտոր։ 1994 թվականի հուլիսից աշխատել է ԱրՊՀ ֆիզիկայի ամբիոնի դոցենտ, 2004 թվականի հոկտեմբերից՝ ամբիոնի վարիչ։ ՀՀ մանկավարժահոգեբանական գիտությունների ակադեմիայի իսկական անդամ-ակադեմիկոս է, ԼՂՀ և ՀՀ մի շարք համալսարանների պատվավոր դոկտոր ու պրոֆեսոր։
Հեղինակ է շուրջ 23 գրքերի և գրքույկների, գիտական և գիտամեթոդական բնույթի տասնյակ հոդվածների։ Ունի մեկ հեղինակային իրավունք[1]։
Քաղաքական գործունեություն
[խմբագրել | խմբագրել կոդը]2005 թվականի հունիսի 19-ի խորհրդարանական ընտրություններում ընտրվել է ԼՂՀ 4-րդ գումարման Ազգային Ժողովի պատգամավոր՝ համամասնական ընտրակարգով, «Ազատ Հայրենիք» կուսակցության ընտրացուցակով։ Նա եղել է ԱԺ սոցիալական ոլորտի հարցերի մշտական հանձնաժողովի նախագահ։ 2010 թվականի մայիսի 23-ի խորհրդարանական ընտրություններում ընտրվել է ԼՂՀ հինգերորդ գումարման Ազգային Ժողովի պատգամավոր՝ մեծամասնական ընտրակարգով, թիվ 13 ընտրատարածքից։ Ազգային Ժողովի առաջին նստաշրջանի 2010 թվականի հունիսի 10-ի նիստում ընտրվել է ֆինանսաբյուջետային և տնտեսական կառավարման հարցերի մշտական հանձնաժողովի նախագահ։ «Ազատ Հայրենիք» կուսակցության հիմնադիր անդամ է, 2005 թվականի հունվարի 29-ից՝ կուսակցության համանախագահ, 2006 թվականի ապրիլի 19-ից՝ նախագահության անդամ։ Ազգային ժողովի «Հայրենիք» խմբակցության անդամ է։ ԼՂՀ շախմատի ազգային ֆեդերացիայի նախագահն է։
Պարգևներ
[խմբագրել | խմբագրել կոդը]- ԼՂՀ Մեսրոպ Մաշտոց շքանշան
- Մովսես Խորենացու մեդալ (2009)[2]
Ընտանիք
[խմբագրել | խմբագրել կոդը]Ամուսնացած է, ունի երեք զավակ։
Ծանոթագրություններ
[խմբագրել | խմբագրել կոդը]
| ||||||||||||||||||||||||||||||||||||||||||
- Հետաքրքրությունների կոնֆլիկտով հոդվածներ
- Հունիսի 2 ծնունդներ
- 1944 ծնունդներ
- Ապրող անձինք
- Հունվարի 2 ծնունդներ
- Գյունե Ճարտար գյուղում ծնվածներ
- ԵՊՀ շրջանավարտներ
- Մովսես Խորենացու մեդալակիրներ
- Անձինք այբբենական կարգով
- Արցախի քաղաքական գործիչներ
- Արցախի Հանրապետության Ազգային ժողովի 6-րդ գումարման պատգամավորներ
- Տեխնիկական գիտությունների թեկնածուներ