Աշոտ Ղուլյան (քաղաքական գործիչ)

Վիքիպեդիայից՝ ազատ հանրագիտարանից
Jump to navigation Jump to search
Աշոտ Վլադիմիրի Ղուլյան
Ashot Ghoulyan.jpg
Դրոշ
Արցախի Հանրապետության Ազգային ժողովի նախագահ
 21.05.2015
Նախորդող Օլեգ Եսայան
 
Կուսակցություն՝ Արցախի ժողովրդավարական կուսակցություն
Կրթություն՝ Ստեփանակերտի մանկավարժական ինստիտուտ
Մասնագիտություն՝ քաղաքական գործիչ և պետական գործիչ
Ազգություն հայ
Ծննդյան օր օգոստոսի 19, 1965 (54 տարեկան)
Ծննդավայր Խնձրիստան, Լեռնային Ղարաբաղ
Քաղաքացիություն Արցախի Հանրապետություն

Աշոտ Վլադիմիրի Ղուլյան (օգոստոսի 19, 1965(1965-08-19), Խնձրիստան, Ասկերանի շրջան, ԼՂԻՄ, ԱԽՍՀ, ԽՍՀՄ), Լեռնային Ղարաբաղի Հանրապետության Ազգային ժողովի նախագահ[1], Արցախի ժողովրդավարական կուսակցության (ԱԺԿ) նախագահ։ 2015 թվականի մայիսի 3-ի խորհրդարանական ընտրությունների արդյունքում երրորդ անգամ վերընտրվել է Ազգային ժողովի նախագահ (առաջին անգամ ընտրվել է 2005 թ., երկրորդ անգամ՝ 2010 թ.)։

Կենսագրություն[խմբագրել | խմբագրել կոդը]

Ծնվել է 1965 թվականի օգոստոսի 19-ին, Լեռնային Ղարաբաղի (նախկինում՝ ԼՂԻՄ) Ասկերանի շրջանի Խնձրիստան գյուղում ։

  • 1983-1990 թթ. - սովորել է Ստեփանակերտի մանկավարժական ինստիտուտում՝ ստանալով պատմաբանի որակավորում:
  • 1984-1986 թթ - ծառայել է խորհրդային բանակում։
  • 1991-1992 թթ - դասավանդել է Խնձրիստանի միջնակարգ դպրոցում, մասնակցելով նաև գյուղում ինքնապաշտպանության ուժերի կազմավորմանը։

Ունի արտակարգ և լիազոր դեսպանի դիվանագիտական աստիճան։

Ամուսնացած է, ունի երեք զավակ։

Քաղաքական գործունեություն[խմբագրել | խմբագրել կոդը]

  • 1992 թ. դեկտեմբերից - ԼՂՀ 1-ին գումարման Գերագույն խորհրդի արտաքին հարաբերությունների հանձնաժողովի ավագ ռեֆերենտ էր,
  • 1993 թվականի սեպտեմբերից - Գերագույն խորհրդի նախագահի օգնական։
  • 1995 թ. հունվարից - ղեկավարել է ԼՂՀ արտաքին գործերի նախարարության Սփյուռքի և երկկողմ հարաբերությունների բաժինը:
  • 1998 թվականին հունվարից - քաղաքական վարչությունը։
  • 1998 թ. դեկտեմբերի 15-ին - նշանակվել է ԼՂՀ արտաքին գործերի նախարարի տեղակալ։
  • 2001 թ. հունիսին - թողել է արտաքին գործերի նախարարության համակարգը՝ «Ժողովրդավարական Արցախ միություն» հասարակական-քաղաքական կազմակերպության համանախագահ ընտրվելու կապակցությամբ։
  • 2002 թ. հոկտեմբերին - նշանակվել է ԼՂՀ արտաքին գործերի նախարար։
  • 2004 թ. դեկտեմբերին - նշանակվել է ԼՂՀ կրթության, մշակույթի և սպորտի նախարար։
  • 2005 թ. հունվարին - ընտրվել է Արցախի ժողովրդավարական կուսակցության Կենտրոնական խորհրդի նախագահ։
  • 2005 թ. հունիսի 19-ին - խորհրդարանական ընտրություններում ընտրվել է ԼՂՀ 4-րդ գումարման Ազգային ժողովի պատգամավոր՝ համամասնական ընտրակարգով, Արցախի ժողովրդավարական կուսակցության ընտրացուցակով։ ԼՂՀ 4-րդ գումարման Ազգային ժողովի 2005 թ. հունիսի 30-ի առաջին լիագումար նիստում ընտրվել է ԼՂՀ Ազգային ժողովի նախագահ։
  • 2010 թ. մայիսի 23-ին - խորհրդարանական ընտրություններում ընտրվել է ԼՂՀ հինգերորդ գումարման Ազգային ժողովի պատգամավոր՝ մեծամասնական ընտրակարգով, թիվ 7 ընտրատարածքից։ 5-րդ գումարման Ազգային ժողովի առաջին նստաշրջանի 2010 թ. հունիսի 10-ի նիստում վերընտրվել է ԼՂՀ Ազգային ժողովի նախագահ։
  • 2015 թ. մայիսի 3-ին - խորհրդարանական ընտրություններում ընտրվել է ԼՂՀ վեցերորդ գումարման Ազգային ժողովի պատգամավոր՝ համամասնական ընտրակարգով: 6-րդ գումարման Ազգային ժողովի առաջին նստաշրջանի 2015 թ. մայիսի 21-ի նիստում վերընտրվել է ԼՂՀ Ազգային ժողովի նախագահ։

Ազգային ժողովի  «Ժողովրդավարություն»  խմբակցության անդամ է։

Պարգևներ[խմբագրել | խմբագրել կոդը]

Պարգևատրվել է ԼՂՀ  «Գրիգոր Լուսավորիչ» շքանշանով (ԼՂՀ նախագահի թիվ 106-Ա հրամանագիր, 01.09.2008 թ.)։

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]