Ռադիոֆիզիկայի և էլեկտրոնիկայի ինստիտուտ

Վիքիպեդիայից՝ ազատ հանրագիտարանից
Jump to navigation Jump to search
Ռադիոֆիզիկայի և Էլեկտրոնիկայի ինստիտուտ
Տեսակ ակադեմիական ինստիտուտ
Տնօրեն Արսեն Հախումյան
Տեղագրություն Հայաստան Աշտարակ
Հասցե Աշտարակ-2, Ալիխանյան եղբայրների 1, 378410
Կայք Պաշտոնական կայք

Ռադիոֆիզիկայի և էլեկտրոնիկայի ինստիտուտ (ՌՖԷԻ), ՀՀ ԳԱԱ գիտահետազոտական ինստիտուտներից է, հիմնվել է 1960 թ. Աշտարակ գյուղում (դարձել է քաղաք 1963 թ.)։

Պատմություն[խմբագրել | խմբագրել կոդը]

Գործունեության հիմնական ոլորտները[խմբագրել | խմբագրել կոդը]

  • Ռադիո‎ֆիզիկական մեթոդների և ԳԲՀ սարքերի և համակարգերի ստեղծում, զարգացում և կիրառում
Երկրի և մթնոլորտի հեռազննման, բժշկական ախտորոշման և նյութերի հետազոտման,
տերահերցային տիրույթի նոր ‎ֆունկցիոնալ տարրերի և մետաղադիէլեկտրական ալիքատար կառուցվածքների մշակման համար։
  • Կիսահաղորդչային նանոհետերակառուցվածքների և բարակթաղանթային բարդ նյութերի սինթեզում
ին‎ֆ‎րակարմիր տիրույթի օպտոէլեկտրոնային սարքավորումների ստեղծման և մշակման,
նյութերի մեխանիկական և օպտիկական հատկությունների վրա բյուրեղային ցանցի դե‎ֆեկտների ազդեցության հետազոտման համար։
  • Պլազմայում
էլեկտրամագնիսական ալիքների գեներացիայի և տարածման,
մասնիկների շարժման տեսություն։
Միլիմետրական ալիքների հաղորդիչ-ընդունիչ համակարգ ArmLink-35-1։

Հիմնական արդյունքներ[խմբագրել | խմբագրել կոդը]

  • Հայտնաբերվել և ուսումնասիրվել է միլիմետրական ալիքների գեներացիան և հաճախության փոխակերպումը բարձր ջերմաստճանային գերհաղորդիչ Ջոզեֆսոնյան կառուցվածքներում։
  • Իրականացվել են մի շարք կարևոր նախագծեր տիեզերական հետազոտությունների տարբեր ծրագրերում, մասնավորապես՝ «Պրիռոդա», «Վեգա», «Մետեոռ»։
  • Մշակվել և ստեղծվել են ԲՀ ռադիոմետրեր, որոնք մեծ հաջողությամբ կիրառվել են «Միռ» տիեզերակայանի և «Օկեան-0» ծրագրով աշխատող արբանյակի վրա Երկրի և մթնոլորտի հեռադիտման համար։
  • Մշակվել է միլիմետրական ալիքների հաղորդիչ-ընդունիչ համակարգ փակ տարածքներում ներքին կապի, ինչպես նաև տեղային Ինտերնետ-կապի համար։
  • Ստեղծվել է «Արցախ» բժշկական սարքավորում ակուպունկտուրային մեթոդներով միլիմետրական ալիքների ազդեցությամբ որոշ հիվանդությունների բուժման համար։
  • Ուսումնասիրվել է լույսի ազդեցությունն ալմաստի բյուրեղների պլաստիկության վրա, հետազոտվել է ալմաստի փոշուց պատրաստված տակդիրներով բարձր հաճային տրանզիստորների մշակման հնարավորությունը։
  • Ստեղծվել է ժամանակից կախված Գինզբուրգ-Լանդաու հավասարումների տեսություն։
  • Լազերային էպիտաքսիայի եղանակով աճեցվել են nInSb-nGaAs կիսահաղորդչային հետերակառուցվածքներ, հայտնաբերվել և բացատրվել են ֆոտոզգայնության բնութագրի նշանի փոփոխության ֆիզիկական պատճառները։
  • Ուսումնասիրվել են ցածր տարածական չափողականություն ունեցող կիսահաղորդչային կառուցվածքների ոչ գծային օպտիկական և օպտիկական հիշողության հատկությունները։
  • Աճեցվել և ուսումնասիրվել են Pb1-xSnxTe բյուրեղները, որոնք կարող են օգտագործվել ինֆրակարմիր և միլիմետրական տիրույթի ալիքների գրանցման համար։
  • Զարգացվել են հաղորդիչներում, դիէլեկտրիկներում և պլազմայում արագ մասնիկների շարժման և էլեկտրամագնիսական երևույթների տեսությունները։
  • Ստացվել են նոր օքսիդային կերամիկաներ, որոնց բարձր ջերմաէլեկտրական արդյունավետությունը հնարավորություն է տալիս օգտագործել դրանք Պելտյեյի սառնարաններում։
  • Ստեղծվել են օպտիկական անկյունային և գծային տեղաշարժի ճշգրիտ չափիչներ, որոնք օգտագործվել են «Միռ» տիեզերակայանի և ինքնաթիռների տարածական կողմնորոշման սարքավորումներում, ռոբոտոտեխնիկայում։
  • Մշակվել են վերահսկման ԳԲՀ էլեկտրոնային համակարգեր փակ տարածքների պահպանման համար։

Միջազգային գործունեություն[խմբագրել | խմբագրել կոդը]

ՌՖԷԻ-ն կատարում է մի շարք աշխատանքներ միջազգային դրամաշնորհների ֆինանսավորմամբ.

ՄՏԿ-ի նախագիծ՝ Բարձր զգայնության ԲՀ գրանցող համակարգերի ստեղծումը ռադիոաստղագիտության, օդերևութաբանության և սեյսմոլոգիայի խնդիրների լուծման համար,
ԻՆՏԱՍ նախագիծ՝ Հոսանքի շեղումը և ԲՀ փոխազդեցությունները բարձր ջերմաստճանային գերհաղորդիչ կառուցվածքներում,
ԻՆՏԱՍ նախագիծ՝ Տերահերցային սպեկտրասկոպիա,
ՆԱՏՈ-ի նախագիծ՝ Գերզգայուն բարձր ջերմաստճանային Ջոզեֆսոնյան գրանցող սարքեր էկոլոգիական և բիոմագնիսական կիրառումների համար։

Երկամյա միջազգային կոնֆերանսներ[խմբագրել | խմբագրել կոդը]

  • IRPhE’2010 - September 23-25, Ashtarak-Aghveran, Armenia
    The Technique of Microwave and THz Waves and its Application in Biomedical and Radar Technologies and in Remote Sensing
Topics. THz waves technologies and applications, Microwave systems, Microwave antennas and device.
Preface. The IRPhE’2010 was dedicated to the 50th anniversary of the Institute of Radiophysics and Electronics of Armenian National Academy of Sciences and was directed to the revival of the traditional conferences organized by Institute of Radiophysics and Electronics since 1968. In the framework of the Conference two workshops were organized: “Terahertz Technology in Biomedical Applications” and “Microwave applications in Radar and Remote Sensing”.
UDC 53:06, ISBN 978-5-8080-0894-6, Proceedings of the International Conference IRPhE’2010(անգլ.)
  • IRPhE’2012 - October 16-17, 2012 Ashtarak-Yerevan, Armenia.
    Microwave and THz Technologies and Wireless Communications
Topics. THz sources, detectors, waveguiding and localozation, Microwave antennas, active and passive devices, Microwave and THz applications in biomedical and radar technologies and in remote sensing, Wireless communications and related information technologies
Preface. The IRPhE’2012 was directed to the revival of the traditional conferences organized by the Institute of Radiophysics and Electronics, National Academy of Sciences of Armenia, since 1968. In the framework of the Conference two sections were organized: “Terahertz and Microwave Technologies” and “Wireless Communications”.
UDC 53:06, ISBN 978-5-8080-1013-0, Proceedings of the International Conference IRPhE’2012(անգլ.)

Տնօրեններ[խմբագրել | խմբագրել կոդը]

  1. ՀԽՍՀ ԳԱԱ փոխնախագահ (1976-1980), ակադեմիկոս Էմիլ Հայկի Միրզաբեկյան (1960-1980),
  2. ՀՀ ԳԱԱ նախագահ, ակադեմիկոս Ռադիկ Մարտիրոսի Մարտիրոսյան (1980-2008),
  3. Ֆիզ. մաթ. գիտությունների դոկտոր, ՀՀ ԳԱԱ թղթակից անդամ[1] Արսեն Ալեքսանդրի Հախումյան (2008-2017)[2]։
  4. ֆիզ.մաթ.գիտությունների թեկնածու Տիգրան Վանիկի Զաքարյան (2017)

Իր կյանքի վեջին տարիներին այս ինստիտուտում է աշխատել ԽՍՀՄ ԳԱ տիեզերական էլեկտրառադիոտեխնիկայի և էլեկտրոնիկայի գիտական խորհրդի նախագահ (1950-1955), ՀԽՍՀ ԳԱԱ փոխնախագահ (1971-1975) Անդրոնիկ Ղևոնդի Իոսիֆյանը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]