Արաբ Շամիլով

Արաբ Շամիլով; քրդ.՝ Ә'рәб Шамилов
Ծնվել է	1897
Ծննդավայր	Սուսուզ, Կարսի մարզ, Ռուսական կայսրություն
Վախճանվել է	1978
Վախճանի վայր	Երևան, Հայկական ԽՍՀ, ԽՍՀՄ
Մասնագիտություն	բանաստեղծ, լրագրող, թարգմանիչ, վիպասան և գրող
Լեզու	քրդերեն
Քաղաքացիություն	ԽՍՀՄ
Կուսակցություն	ԽՄԿԿ
Պարգևներ	և
	Arap Shamoevich Shamilov Վիքիպահեստում

Անվան այլ կիրառումների համար տե՛ս՝ Շամիլով

Արաբ Շամիլով (1897^[1]^[2]^[3], Սուսուզ, Կարսի մարզ, Ռուսական կայսրություն - 1978^[4]^[2]^[3], Երևան, Հայկական ԽՍՀ, ԽՍՀՄ), հայաստանցի քուրդ արձակագիր, ՀԽՍՀ մշակույթի վաստակավոր գործիչ, ԽՍՀՄ գրողների միության անդամ 1934 թվականից։ ԽՄԿԿ անդամ 1918 թվականից։ Ստեղծագործել է քրդերեն և հայերեն։ Կրել է նաև Արաբե Շամո գրական անունը։

Կենսագրություն

Ծնվել է Կարսի մարզի Սուսուզ գյուղում։ 1912 թվականին տեղափոխվել է Թիֆլիս, աշխատել պեմզայի գործարանում, ապա որպես թարգմանիչ՝ կազակական երրորդ գնդում։ 1916 թվականին տեղափոխվել է Կարս և աշխատել Սարիղամիշ-Էրզրում երկաթուղագծի շինարարությունում։ 1920 թվականին 11-րդ կարմիր բանակի հետ մտել է Բաքու։ Նույն թվականին մեկնել է Մոսկվա՝ Լազարյան ինստիտուտում սովորելու։ 1924 թվականին վերադարձել է Երևան։ Աշխատել է «Ռյա թազա» քրդերեն թերթի խմբագրությունում։ Հետագայում սովորել է ԽՍՀՄ ԳԱ ասպիրանտուրայում (Լենինգրադ, նրա ղեկավարն էր ակադեմիկոս Հովսեփ Օրբելին)։

Քրդերեն լույս են տեսել նրա «Լենինի կյանքը» (Երևան, 1930), «Քուրդ հովիվը» (Երևան, 1930), «Բախտի ճանապարհ» (Երևան, 1959), «Դըմ-դըմ բերդը» (վեպ, Երևան, 1966) և այլ գրքեր։ Նրա «Քուրդ հովիվը» երկը թարգմանվել և առանձին գրքով լույս է տեսել ռուսերեն, վրացերեն, ադրբեջաներեն, ֆրանսերեն, գերմաներեն, անգլերեն։

Նրա սցենարով նկարահանվել է «Հայաստանի քրդերը» կինոնկարը («Հայֆիլմ», 1959)։

Մահացել է Երևանում^[5]։

Երկեր

Փոքրիկ հովիվը (պատմվածք քրդերի կյանքից), Երևան, Պետհրատ, 1931, 104 էջ։
Ալագյազի քրդերը, Երևան, Պետհրատ, 1932, 56 էջ։
Բախտի ճանապարհ (վեպ), գիրք 1, Երևան, Հայպետհրատ, 1961, 360 էջ։
Բախտի ճանապարհ (վեպ), գիրք 2, Երևան, Հայպետհրատ, 1964, 336 էջ։
Քուրդ հովիվը, Երևան, «Հայաստան», 1971, 204 էջ։
Դըմ-դըմ բերդը (վեպ), Երևան, «Սովետական գրող», 1978, 220 էջ։

Ծանոթագրություններ

↑ ^1,0 ^1,1 NUKAT — 2002.
↑ ^2,0 ^2,1 ^2,2 ^2,3 ^2,4 Հայաստանի գրադարանների համահավաք գրացուցակ
↑ ^3,0 ^3,1 ^3,2 ^3,3 ^3,4 Люди и судьбы. Биобиблиографический словарь востоковедов - жертв политического террора в советский период (1917-1991) (ռուս.) — СПб.: Петербургское Востоковедение, 2013. — 496 с. — (Социальная история отечественной науки о Востоке) — ISBN 978-5-85803-225-0
↑ ^4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ 423-424.

Վիքիպահեստն ունի նյութեր, որոնք վերաբերում են «Արաբ Շամիլով» հոդվածին։

[_d65520540db61a4c-1] 1,0 ^1,1 NUKAT — 2002.

[_c331858f9ac41cc3-2] 2,0 ^2,1 ^2,2 ^2,3 ^2,4 Հայաստանի գրադարանների համահավաք գրացուցակ

[_81dd7755c993e96a-3] 3,0 ^3,1 ^3,2 ^3,3 ^3,4 Люди и судьбы. Биобиблиографический словарь востоковедов - жертв политического террора в советский период (1917-1991) (ռուս.) — СПб.: Петербургское Востоковедение, 2013. — 496 с. — (Социальная история отечественной науки о Востоке) — ISBN 978-5-85803-225-0

[_67136a93cb3a293f-4] 4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[5] Հայկ Խաչատրյան (1986). Գրական տեղեկատու. Երևան: «Սովետական գրող». էջ 423-424.

[1]

[2]

[3]

[4]

[5]