Աջափնյակ և Դավթաշեն վարչական շրջանների ընդհանուր իրավասության դատարան
| Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարան | |
|---|---|
 Դատարանի շքամուտքը | |
| Երկիր |  Հայաստան |
| Տեղագրություն |  Երևան, Սիլիկյան նոր խճուղի, 4 |
| Կոորդինատներ | 40°12′35″ հս․. լ. 44°27′35″ ավ. ե.HGЯO |
| Իրավազորության աղբյուր | ՀՀ Սահմանադրություն |
| Կայք | Պաշտոնական էջ |
| Դատարանի նախագահ | |
| Ընթացիկ | Վարդան Աբրահամյան[1] |
| Սկսած | 2009 թվականի փետրվարի 27-ից[1] |
Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Դատարանի իրավասության ներքո են Երևան քաղաքաի Աջափնյակ և Դավթաշեն վարչական շրջանները[1]։
Իրավասություն
[խմբագրել | խմբագրել կոդը]Դատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Աջափնյակ և Դավթաշեն վարչական շրջանների ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր[1]։
Դատավորներ
[խմբագրել | խմբագրել կոդը]Աջափնյակ և Դավթաշեն վարչական շրջանների ընդհանուր իրավասության դատարանը կազմված է դատարանի նախագահից և հինգ դատավորից[2].
- Վարդան Ալբերտի Աբրահամյան, դատարանի նախագահ,
- Անի Ռաֆիկի Մխիթարյան, դատավոր,
- Գոռ Գագիկի Թորոսյան, դատավոր,
- Տաթևիկ Հրաչի Գրիգորյան, դատավոր,
- Արմեն Տարիելի Խաչատրյան, դատավոր,
- Նաիրա Վազգենի Ավետիսյան, դատավոր,
- Սարգիս Սերգոյի Երիցյան, դատավոր։
Պատմություն
[խմբագրել | խմբագրել կոդը]Ռեզոնանսային գործեր
[խմբագրել | խմբագրել կոդը]Դպրոցների տնօրեններն ընդդեմ Դանիել Իոաննիսյանի
[խմբագրել | խմբագրել կոդը]2017 թվականի ապրիլի 2-ին կայացած Հայաստանի խորհրդարանական ընտրություններից առաջ՝ մարտի 24-ին Դանիել Իոաննիսյանի հիմնած «Իրազեկ քաղաքացիների միավորումը» sut.am[3] կայքում ձայնագրություններ էր հրապարակել, որոնք փաստում էին, որ դպրոցների ու մանկապարտեզների 114 տնօրեններ զբաղված են եղել իշխող Հայաստանի Հանրապետական կուսակցության օգտին ձայներ հավաքագրելով։ Ընտրություններից հետո՝ ապրիլի 10-ին 30 տնօրեններ «զրպարտանք և բարի համբավի արատավորում» մեղադրանքով հայց են ներկայացրել Աջափնյակ և Դավթաշեն վարչական շրջանների ընդհանուր իրավասության դատարան[4], պահանջելով պարտավորեցնել Դանիել Իոաննիսյանին հերքում հրապարակել և փոխհատուցել իրենց պատճառած վնասը, յուրաքանչյուրին վճարել 2 միլիոն ՀՀ դրամ, իսկ ընդհանուր առմամբ՝ 60 միլիոն ՀՀ դրամ[5][6][7]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 «Աջափնյակ և Դավթաշեն վարչական շրջանների ընդհանուր իրավասության դատարան». Արխիվացված է օրիգինալից 2017 թ․ ապրիլի 22-ին. Վերցված է 2017 թ․ ապրիլի 22-ին.
- ↑ «Աջափնյակ և Դավթաշեն վարչական շրջանների ընդհանուր իրավասության դատարանի դատավորները». Արխիվացված է օրիգինալից 2017 թ․ ապրիլի 22-ին. Վերցված է 2017 թ․ ապրիլի 22-ին.
- ↑ «Ցուցակ Հանրապետական կուսակցության համար ընտրողներին ցուցակագրող դպրոցների տնօրենների» անվանումով ցուցակը sut.am կայքում
- ↑ Իոաննիսյան․ Տպավորությունս այնպիսին է, որ հայցադիմումները ի սկզբանե գրված էին ՀՀԿ-ի անունից ներկայացնելու համար
- ↑ «Իրավապաշտպաններ. տնօրենների հայցն՝ ընդդեմ Դանիել Իոաննիսյանի, ահաբեկելու նպատակ ունի». Արխիվացված է օրիգինալից 2017 թ․ ապրիլի 15-ին. Վերցված է 2017 թ․ ապրիլի 22-ին.
- ↑ Դանիելը՝ տնօրենների գուբի մեջ
- ↑ «Տնօրենների մասով որևիցե սուտ բան չենք ասել». Իոաննիսյան
| ||||||||||||||||||||||||||||||||||||||||||||||||||||||