Ալեքս Լա Գումա

Ալեքս Լա Գումա
Ծնվել է	փետրվարի 20, 1925[…]
Ծննդավայր	Քեյփթաուն, Արևմտյան Կապ, ՀԱՀ
Վախճանվել է	հոկտեմբերի 11, 1985 (60 տարեկան)
Վախճանի վայր	Հավանա, Կուբա
Մասնագիտություն	լրագրող, գրող և քաղաքական գործիչ
Քաղաքացիություն	ՀԱՀ
Կրթություն	Trafalgar High School?
Պարգևներ	Լոտոս մրցանակ գրականության համար

Ալեքս Լա Գումա (անգլ.՝ Alex La Guma,փետրվարի 20, 1925(1925-02-20)^[1]^[2]^[3]^[…], Քեյփթաուն, Արևմտյան Կապ, ՀԱՀ^[1] - հոկտեմբերի 11, 1985(1985-10-11)^[2]^[3]^[4], Հավանա, Կուբա^[5]), հարավաֆրիկացի գրող և հասարակական գործիչ, կոմունիստ և երկրի գունավոր բնակչության իրավունքների համար պայքարող Ջեյմս Լա Գումայի որդին։

Կենսագրություն

Մայրն աշխատել է ծխախոտի գործարանում։ Եղել է Կապի գաղութի (յավանկայի) խորհրդարանի շենքի գունավոր ծառայի և Շոտլանդիայից ներգաղթած ատաղձագործի դուստրը։ Հայրը քաղաքական և հասարակական գործունեության պատճառով հազվադեպ էր տանը լինում, և Ալեքսին դաստիարակում էր մայրը, որը, թոռան խոսքերով, նման էր՝ «գունավոր թագուհի Վիկտորիային»։ Սակայն հոր գաղափարներն ազդել են որդու վրա. տանը կախված էր Վ. Ի. Լենինի դիմանկարը, որը նկարագրված է «Հյուրասենյակի դիմանկարը» պատմվածքում։ Այն բազմիցս հրատարակվել է ռուսերեն։

Յոթ տարեկանում գնացել է Տրաֆալգարյան դպրոց (նկարագրված է «Մշուշների սեզոնի ավարտին» վիպակում)։ Հետաքրքրվել է Ալեքսանդր Դյումայի, Վալտեր Սքոթի, Ֆենիմոր Կուպերի, Ռոբերտ Լուիս Սթիվենսոնի, Ջեկ Լոնդոնի, Մարկ Տվենի, Արթուր Կոնան Դոյլի գրքերով։ Հարավաֆրիկացի գրողն իր հերոսներից մեկին հետաքրքրել է «Սպիտակ ջոկատ» վեպով։ Նրա վրա մեծ ազդեցություն է ունեցել Մաքսիմ Գորկին։

Ինձ՝ Հարավային Աֆրիկայի նման երկրում ապրող մարդու համար, որտեղ մենք բախվում ենք ռասիզմի, տնտեսական շահագործման, սոցիալական անհավասարության, ամենախորը հուսահատության և դաժանության բոլոր վատագույն դրսևորումներին, Գորկու գաղափարները լույսի շող էին, որը ցրում էր շահագործող հասարակության թանձր խավարը։

- Ալեքս Լա Գումայի «Ինչ եմ սովորել Գորկուց» հոդվածից։

1945 թվականին ավարտել է մասնագիտական-տեխնիկական ուսումնարանը և սկսել աշխատել մետաղական արկղերի արտադրության գործարանում, սակայն աշխատանքից ազատվել է գործադուլին մասնակցելու համար։ 1947 թվականին միացել է Երիտասարդ կոմունիստների լիգային, 1948 թվականին՝ Հարավաֆրիկյան Միության կոմունիստական կուսակցությանը։ Իր առաջին պատմվածքը հրատարակել է 1957 թվականին։ 1960 թվականին դարձել է «New Age» հակառասիստական ամսագրի խմբագիրներից մեկը։

Ալեքսը, ինչպես և հայրը, Հարավային Աֆրիկայի Գունավոր բնակչության կոնգրեսի առաջնորդներից մեկն էր, որն ապարտհեյդի դեմ պայքարելու համար իշխանությունների կողմից բազմիցս հետապնդումների և ձերբակալությունների է ենթարկվել․ նրա ստեղծագործությունները արգելվում էր տպագրել։ 1966 թվականին կյանքի սպառնալիքի պատճառով ստիպված է եղել լքել ՀԱՀ-ն և կյանքի մնացած մասն անցկացրել է աքսորում. մինչև 1979 թվականը ընտանիքի հետ ապրել է Լոնդոնում, վերջին տարիներն անցկացրել է Կուբայում, որտեղ հանդես է եկել որպես Աֆրիկյան ազգային կոնգրեսի ներկայացուցիչ։ Այցելել է Խորհրդային Միություն, ծանոթ է եղել Անատոլի Սոֆրոնովի, Մաքսիմ Տանկի և Անուար Ալիմժանովի հետ։ 1969 թվականին գրականության ոլորտում ստացել է «Լոտոս» մրցանակը։ 1973 թվականին ընտրվել է Ասիայի և Աֆրիկայի երկրների գրողների ասոցիացիայի գլխավոր քարտուղարի տեղակալ։

Մահացել է սրտամկանի ինֆարկտից։

Ալեքս Լա Գուման մարոկկացի ռեժիսոր Բեն Բարկիի «Ամոկ» ֆիլմի հերոսն է։

Ստեղծագործութուն

Նրա ստեղծագործական ժառանգությունը ներառում է պատմվածքներ և վիպակներ, որոնցից առավել հայտնի է «Թափառումներ գիշերով» (1962, ռուսերեն թարգմանութունը՝ 1964), որը նվիրված է սոցիալապես վատ վիճակում գտնվող մարդկանց կյանքին, որոնք փորձում են փախչել ճնշումների և ռասիզմի աշխարհից։ Թարգմանվել է նաև լեհերեն, հունգարերեն։ Լայն ժողովրդականություն է վայելում նաև «Քարե երկիր» վիպակը, որը հրատարակվել է ԳԴՀ-ում, Հունգարիայում, Լեհաստանում, Շվեդիայում, Բրազիլիայում։

Տես նաև

Ալան Պեյտոն

Ծանոթագրություններ

↑ ^1,0 ^1,1 ^1,2 ^1,3 ^1,4 Ла Гума Алекс // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)
↑ ^3,0 ^3,1 ^3,2 ^3,3 ^3,4 Babelio (ֆր.) — 2007.
↑ ^4,0 ^4,1 ^4,2 Munzinger Personen (գերմ.)
↑ ^5,0 ^5,1 ^5,2 Deutsche Nationalbibliothek Record #118568701 // Gemeinsame Normdatei (գերմ.) — 2012—2016.

Գրականություն

Ла Гума Алекс // Куна — Ломами. — М. : Советская энциклопедия, 1973. — (Большая советская энциклопедия : [в 30 т.] / гл. ред. А. М. Прохоров ; 1969—1978, т. 14).

Արտաքին հղումներ

[_f1adb74d67bbcf57-1] 1,0 ^1,1 ^1,2 ^1,3 ^1,4 Ла Гума Алекс // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_2df0ec2bb5c1ef85-2] 2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)

[_d6430318236fd495-3] 3,0 ^3,1 ^3,2 ^3,3 ^3,4 Babelio (ֆր.) — 2007.

[_4c59614bd20d495a-4] 4,0 ^4,1 ^4,2 Munzinger Personen (գերմ.)

[_7cac338bb8844063-5] 5,0 ^5,1 ^5,2 Deutsche Nationalbibliothek Record #118568701 // Gemeinsame Normdatei (գերմ.) — 2012—2016.

[1]

[2]

[3]

[4]

[5]