Ֆրանկ Սոզե

Ֆրանկ Սոզե; ֆր.՝ Franck Sauzée
Քաղաքացիությունը	Ֆրանսիա
Մականուն	Le God
Ծննդյան ամսաթիվ	հոկտեմբերի 28, 1965 (58 տարեկան)
Ծննդավայր	Օբենա
Հասակ	185 սանտիմետր
Դիրք	կիսապաշտպան

Ֆրանկ Սոզե (ֆր.՝ Franck Sauzée, հոկտեմբերի 28, 1965(1965-10-28)^[1], Օբենա), ֆրանսիացի ֆուտբոլիստ, կիսապաշտպան։ Հայտնի է Մարսելի «Օլիմպիկ»-ի և Ֆրանսիայի հավաքականի կազմում իր ելույթներով, 1992 թվականի Եվրոպայի առաջնության մասնակից, 1993 թվականի Չեմպիոնների լիգայի հաղթող։

Ակումբային կարիերա[խմբագրել | խմբագրել կոդը]

Սաուզեն իր կարիերան սկսել է Լիգա 2-ում հանդես եկող «Սոշո» ակումբում։ 1983 թվականի օգոստոսին նա իր պրոֆեսիոնալ նորամուտն է նշել է «Ռուան» ակումբի դեմ խաղում։ 1987 թվականին Ֆրանկը օգնել է թիմին հասնել Լիգա 1, սակայն մրցաշրջանի վերջում ակումբը վերադարձել է Լիգա 2։ 1988 թվականին Սոզեն «Սոշոյի» հետ հասել է Ֆրանսիայի գավաթի եզրափակիչ, որտեղ 11 մետրանոցներով պարտվել է «Մեցին»։

Նույն թվականի ամռանը Ֆրենկը տեղափոխվել է Մարսելի «Օլիմպիկ»։ Իր առաջին մրցաշրջանում դարձել է Ֆրանսիայի չեմպիոն և նվաճել երկրի գավաթը։ Երկրորդ մրցաշրջանում Սաուզեն կրկին հաղթել է Լիգա 1-ում։ 1990 թվականին տեղափոխվել է «Մոնակո», որտեղ երկրորդ անգամ նվաճել է Ֆրանսիայի գավաթը։ Հաջորդ մրցաշրջանում Ֆրանկը նորից վերադարձել է Մարսելի «Օլիմպիկ»։ 1992 թվականին Սոզեն երրորդ անգամ դարձել է Ֆրանսիայի չեմպիոն։ 1993 թվականին նա օգնել է ակումբին հաղթել 1993 թվականի Չեմպիոնների լիգան․ նա իր թիմակից Ալեն Բոկշիչի հետ խփել է 6 գոլ և հեթ-տրիկ կատարել Մոսկվայի ԲԿՄԱ-ի դեմ խաղում։

Նույն թվականի ամռանը Սոզեն տեղափոխվել է իտալական «Ատլանտա»։ Ա Սերիայի 16 հանդիպումներում նա դարձել է մեկ գոլի հեղինակ։ Մրցաշրջանի վերջում «Ատալանտան» իջել է Սերիա B, իսկ Ֆրանկը հեռացել է ակումբից։ Նա վերադարձել է Ֆրանսիա, որտեղ հինգ մրցաշրջան խաղացել է «Ստրասբուր» և «Մոնպելե» ակումբներում։ 1999 թվականին Սոզեն տեղափոխվել է շոտլանդական «Հիբերնիան»։ Նույն թվականին նա օգնել է ակումբին հասնել Պրեմիեր լիգա։ Ֆրենկը ընտրվել է թիմի ավագ և 2001 թվականին ակումբի հետ հասել Շոտլանդիայի գավաթի եզրափակիչ, ինչպես նաև զբաղեցրել է առաջնությունում երրորդ տեղը։ Ակումբի երկրպագուները շատ են սիրում Ֆրենկին և նույնիսկ նրան տվել են «Աստվածային» մականուն։

2001 թվականին Սոզեն ավարտել է իր կարիերան, իսկ հետո մնալ է որպես մարզիչ, սակայն նրա նոր կարիերան այնքան հաջող չէր, որքան խաղացողինը, և նա շուտով լքել է «Հիբերնիան»։

Հետագայում նա ֆրանսիական հեռուստատեսությունում աշխատել է որպես մեկնաբան և փորձագետ։ 2008 թվականից կարճ ընդմիջումով Սոզեն մեկնաբանել է Լիգա 1-ի հանդիպումները Canal+ ֆրանսիական մասնավոր հեռուստաընկերությունում։

Միջազգային կարիերա[խմբագրել | խմբագրել կոդը]

1988 թվականին Սոզեն երիտասարդական հավաքականի կազմում հաղթել է Իռլանդիայում կայացած Եվրոպայի երիտասարդական առաջնությունում։ Նույն թվականին նա իր նորամուտն է նշել Ֆրանսիայի ֆուտբոլի ազգային հավաքականում։ 1988 թվականի նոյեմբերի 19-ին 1990 թվականի աշխարհի առաջնության ընտրական խաղում Հարավսլավիայի դեմ խաղում Ֆրանկը խփել է իր առաջին գոլը ազգային հավաքականի կազմում։ 1992 թվականին Սոզեն ընդգրկվել է Շվեդիայում տեղի ունեցած Եվրոպայի առաջնությանը։ Մրցաշարում նա մասնակցել է Անգլիայի և Շվեդիայի դեմ հանդիպումներին^[2]^[3]։

Գոլեր Ֆրանսիայի հավաքականի կազմում[խմբագրել | խմբագրել կոդը]

#	Թվական	Վայր	Մրցակից	Հաշիվ	Մրցաշար
01.	19 նոյեմբերի, 1988	Ստադիոն «Պարտիզան», Բելգրադ, Հարավսլավիա	Հարավսլավիա Հարավսլավիայի ֆուտբոլի ազգային հավաքական	2:3	Աշխարհի գավաթի 1990 թվականի ընտրական մրցաշար
02.	28 մարտի, 1990	Ստադիոն Ֆերենց Պուշկաշ, Բուդապեշտ, Հունգարիա	Հունգարիա Հունգարիայի ֆուտբոլի ազգային հավաքական	3:1	Ընկերական հանդիպում
03.	20 փետրվարի, 1991	Պարկ դե Պրենս, Փարիզ, Ֆրանսիա	Իսպանիա Իսպանիայի ֆուտբոլի ազգային հավաքական	3:1	Եվրոպայի առաջնության 1992 թվականի ընտրական մրցաշար
04.	30 մարտի 1991	Պարկ դե Պրենս, Փարիզ, Ֆրանսիա	Ալբանիա Ալբանիայի ֆուտբոլի ազգային հավաքական	5:0	Եվրոպայի առաջնության 1992 թվականի ընտրական մրցաշար
05.	30 մարտի, 1991	Պարկ դե Պրենս, Փարիզ, Ֆրանսիա	Ալբանիա Ալբանիայի ֆուտբոլի ազգային հավաքական	5:0	Եվրոպայի առաջնության 1992 թվականի ընտրական մրցաշար
06.	14 օգոստոսի, 1991	Պոզնանի քացաքային մարզադաշտ, Պոզնան, Լեհաստան	Լեհաստան Լեհաստանի ֆուտբոլի ազգային հավաքական	5:1	Ընկերական հանդիպում
07.	28 հուլիսի, 1993	Միշել դ'Օռնանո մարզադաշտ, Կան (Ֆրանսիա), Ֆրանսիա	Ռուսաստան Ռուսաստաի ֆուտբոլի ազգային հավաքական	3:1	Ֆրանսիա Ռուսաստան Ռուսաստան 3:1 ընկերական հանդիպում
08.	22 օգոստոսի, 1993	Ռոսունդա, Ստոկհոլմ, Շվեդիա	Շվեդիա Շվեդիայի ֆուտբոլի ազգային հավաքական	1:1	Աշխարհի առաջնություն 1994 թվականի ընտրական մրցաշար
09.	13 հոկտեմբերի, 1993	Պարկ դե Պրենս, Փարիզ, Ֆրանսիա	Իսրայել Իսրայելի ֆուտբոլի ազգային հավաքական	2:3	Աշխարհի գավաթի 1994 թվականի ընտրական մրցաշար

Նվաճումներ[խմբագրել | խմբագրել կոդը]

Թիմային

Մարսելի «Օլիմպիկ»[խմբագրել | խմբագրել կոդը]

Ֆրանսիայի ֆուտբոլի առաջնության չեմպիոն - 1988/1989 թթ
Ֆրանսիայի ֆուտբոլի առաջնության չեմպիոն - 1989/1990 թթ
Ֆրանսիայի ֆուտբոլի առաջնության չեմպիոն - 1991/1992 թթ
Չեմպիոնների գավաթի հաղթող - 1993 թ
Ֆրանսիայի գավաթի հաղթող - 1989 թ

«Մոնակո»[խմբագրել | խմբագրել կոդը]

Ֆրանսիայի գավաթի հաղթող - 1991 թ

Միջազգային Ֆուտբոլի Եվրոպայի երիտասարդական առաջնություն չեմպիոն 1988

Ծանոթագրություններ[խմբագրել | խմբագրել կոդը]

↑ ^1,0 ^1,1 Transfermarkt.com(բազմ․) — 2000.
↑ «Франция VS. Англия 0:0» (ռուսերեն). allsoccer.ru. 1992 թ․ հունիսի 14. Արխիվացված է օրիգինալից 2013 թ․ դեկտեմբերի 25-ին. Վերցված է 2013 թ․ դեկտեմբերի 24-ին.
↑ «Швеция VS. Франция 1:1» (ռուսերեն). allsoccer.ru. 1992 թ․ հունիսի 10. Արխիվացված է օրիգինալից 2013 թ․ դեկտեմբերի 25-ին. Վերցված է 2013 թ․ դեկտեմբերի 24-ին.

Արտաքին հղումներ[խմբագրել | խմբագրել կոդը]

[_08452bc7940ee3c7-1] 1,0 ^1,1 Transfermarkt.com(բազմ․) — 2000.

[2] «Франция VS. Англия 0:0» (ռուսերեն). allsoccer.ru. 1992 թ․ հունիսի 14. Արխիվացված է օրիգինալից 2013 թ․ դեկտեմբերի 25-ին. Վերցված է 2013 թ․ դեկտեմբերի 24-ին.

[3] «Швеция VS. Франция 1:1» (ռուսերեն). allsoccer.ru. 1992 թ․ հունիսի 10. Արխիվացված է օրիգինալից 2013 թ․ դեկտեմբերի 25-ին. Վերցված է 2013 թ․ դեկտեմբերի 24-ին.

[1]

[2]

[3]