Օսկար Հիլեմարկ

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Օսկար Հիլեմարկ
Oscar Carl Niclas Hiljemark
Oscar Hiljemark.jpg
Անձնական տվյալներ
Ամբողջական անուն Օսկար Կառլ Նիկլաս Հիլեմարկ
Քաղաքացիությունը Flag of Sweden.svg Շվեդիա
Ծննդյան ամսաթիվ հունիսի 28, 1992(1992-06-28)[1] (27 տարեկան)
Ծննդավայր Gislaved, Jönköping County, Շվեդիա
Հասակ 184 սմ
Քաշ 74 կգ
Դիրք կիսապաշտպան
Ակումբային տեղեկություններ
Ներկա ակումբ Ջենոա
Համար 88
Մասնագիտական կարիերա*
Տարի Ակումբ Խաղ (Գոլ)
2010—2013 Շվեդիա Էլֆսբուրգ 61 (5)
2013—2015 Նիդերլանդներ ՊՍՎ 49 (2)
2015   Նիդերլանդներ ՊՍՎ 3 (0)
2015—2017 Իտալիա Պալերմո 54 (4)
2017—այժմ Իտալիա Ջենոա 29 (2)
2017—2018   Հունաստան Պանաթինաիկոս 16 (1)
Ազգային հավաքական
2009 Շվեդիա Շվեդիա (մինչև 17) 3 (1)
2009—2011 Շվեդիա Շվեդիա (մինչև 19) 10 (2)
2011—2015 Շվեդիա Շվեդիա (մինչև 21) 37 (4)
2012—այժմ Շվեդիա Շվեդիա 23 (2)
* Մասնագիտական կարիերայում ընդգրկված են միայն առաջնության խաղերը և գոլերը:

Օսկար Կառլ Նիկլաս Հիլեմարկ (շվեդ.՝ Oscar Carl Niclas Hiljemark, հունիսի 28, 1992(1992-06-28)[1], Gislaved, Jönköping County, Շվեդիա), շվեդ ֆուտբոլիստ, «Ջենոա» ակումբի և Շվեդիայի ազգային հավաքականի կիսապաշտպան: 2016 թվականի Օլիմպիական խաղերի և 2018 թվականի աշխարհի առաջնության մասնակից:

Ակումբային կարիերա[խմբագրել | խմբագրել կոդը]

Հիլեմարկը «ՊՍՎ» ակումբի կազմում

Հիլեմարկը «Էլֆսբուրգ» ակումբի սան է: 2010 թվականի սեպտեմբերի 26-ին «Բրոմապոյկառնա» ակումբի դեմ խաղի ժամանակ նա կատարել է իր նորամուտը Ալսվենսկա լիգայում[2]: Հուլիսի 27-ին «Սյուրիանսկա» ակումբի դեմ խաղի ժամանակ Հիլեմարկը խփել է իր առաջին գոլը «Էլֆսբուրգ» ակումբի կազմում[3]: 2012 թվականին Հիլեմարկն օգնել է իր թիմին հաղթել Շվեդիայի առաջնությունում: Հաջորդ երկու մրցաշրջաններում Հիլեմարկը ճանաչվել է լիգայի լավագույն երիտասարդ ֆուտբոլիստներից մեկը:

2013 թվականի սկզբին Հիլեմարկը տեղափոխվել է նիդերլանդական ՊՍՎ ակումբի կազմ: Տրանսֆերի արժեքը կազմել է 2,2 մլն եվրո: Հունվարի 26-ին «Խերակլես» ակումբի դեմ խաղի ժամանակ նա կատարել է իր նորամուտը Էրեդիվիզիում՝ երկրորդ խաղակեսում փոխարինելով Թիմ Մատավժին[4]: Առաջին մրցաշրջանում Հիլեմարկը դարձել է առաջնության արծաթե մեդալակիր և օգնել իր թիմին հասնել Նիդերլանդների գավաթի խաղարկության եզրափակիչ: 2013 թվականի օգոստոսի 17-ին «Գոու Էհեդ Իգլզ» ակումբի դեմ խաղում Հիլեմարկը խփել է իր առաջին գոլը ՊՍՎ ակումբի կազմում[5]:

2015 թվականի հուլիսի 13-ին Հիլեմարկը չորս տարվա պայմանագիր է կնքել իտալական «Պալերմո» ակումբի հետ[6]: Օգոստոսի 23-ին «Ջենոա» ակումբի դեմ խաղի ժամանակ նա կատարել է իր նորամուտը իտալական Սերիա Ա-ում՝ հանդիպման երկրորդ խաղակեսում փոխարինելով Լուկա Ռիգոնիին[7]: Սեպտեմբերի 13-ին «Կարպի» ակումբի դեմ խաղի ժամանակ Հիլեմարկը խփել է իր առաջին գոլը նոր թիմի կազմում[8]: Մեկ շաբաթ անց նա դարձել է «դուբլի» հեղինակ «Մալագա» ակումբի դեմ խաղում[9]:

2017 թվականի սկզբին Հիլեմարկը տեղափոխվել է «Ջենոա» ակումբ: Հունվարի 29-ին «Ֆիորենտինա» ակումբի դեմ խաղի ժամանակ նա կատարել է իր նորամուտը նոր ակումբի կազմում[10]: Նույն խաղի ժամանակ Հիլեմարկը խփել է իր առաջին գոլը «Ջենոա» ակումբի կազմում: Ամռանը Հիլեմարկը վարձավճարային հիմունքներով տեղափոխվել է հունական «Պանաթինաիկոս» ակումբի կազմ: Սեպտեմբերի 10-ին «Կերկիրա» ակումբի դեմ խաղի ժամանակ Հիլեմարկը կատարել է իր նորամուտը հունական սուպերլիգայում[11]: Հոկտեմբերի 16-ին «Լարիսա» ակումբի դեմ խաղի ժամանակ Հիլեմարկը խփել է իր առաջին գոլը «Պանաթինաիկոս» ակումբի կազմում[12]: 2018 թվականի սկզբին նա վերադարձել է «Ջենոա» ակումբ:

Միջազգային կարիերա[խմբագրել | խմբագրել կոդը]

2011 թվականի փետրվարի 9-ին Պորտուգալիայի երիտասարդական հավաքականի դեմ խաղի ժամանակ կատարել է իր նորամուտը Շվեդիայի երիտասարդական հավաքականի կազմում:

2011 թվականի հունվարի 8-ին Բահրեյնի ազգային հավաքականի դեմ ընկերական խաղում Հիլեմարկը կատարել է իր նորամուտը Շվեդիայի ազգային հավաքականի կազմում[13]: Նույն խաղի ժամանակ Հիլեմարկը խփել է իր առաջին գոլը ազգային հավաքականի կազմում:

2015 թվականին Հիլեմարկն ընդգրկվել է Շվեդիայի երիտասարդական հավաքականի կազմում՝ մասնակցելու Չեխիայում անցկացվող Եվրոպայի երիտասարդական առաջնությանը: Միցաշարի ընթացքում նա մասնակցել է Դանիայի[14], Իտալիայի[15], Անգլիայի[16] և երկու անգամ Պորտուգալիայի[17][18] հավաքականնների դեմ խաղերին: Դանիայի երիտասարդական հավաքականի դեմ խաղի ժամանակ Հիլեմարկը դարձել է գոլի հեղինակ:

2016 թվականի ամռանը Հիլեմարկն ընդգրկվել է հավաքականի հայտացուցակում՝ մասնակցելու Ֆրանսիայում անցկացվող Եվրոպայի առաջնությանը: Մրցաշարի ընթացքում նա եղել է պահեստայինների նստարանին:

2016 թվականի օգոստոսի 10-ին 2018 թվականի աշխարհի առաջնության որակավորման փուլի՝ Բոլիվիայի դեմ խաղի ժամանակ Հիլեմարկը խփել է իր առաջին գոլը պաշտոնական խաղում հօգուտ ազգային հավաքականի[19]:

2018 թվականին Հիլեմարկն ընդգրկվել է հավաքականի հայտացուցակում՝ մասնակցելու Ռուսաստանում անցկացվող [[Ֆուտբոլի աշխարհի առաջնություն 2018|աշխարհի առաջնությանը]: Մրցաշարի ընթացքում նա մասնակցել է Հարավային Կորեայի[20] և Մեքսիկայի[21] հավաքականների դեմ խաղերին:

Ձեռքբերումներ[խմբագրել | խմբագրել կոդը]

Թիմային

Հունաստան «Էլֆսբորգ»

  • 1st Շվեդիայի չեմպիոն — 2012

Նիդերլանդներ ՊՍՎ

  • 1st Նիդերլանդների չեմպիոն — 2014/2015

Միջազգային

Շվեդիա Շվեդիա (մինչև 21)

  • 1st Եվրոպայի երիտասարդական առաջնություն — 2015

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com — 2000.
  2. «Բրոմապոյկառնա VS. Էլֆսբորգ 2:2» (անգլերեն)։ soccerway.com։ 2010—09—26 
  3. «Էլֆսբորգ VS. Սյուրիանսկա 2:1» (անգլերեն)։ soccerway.com։ 2011—06—27 
  4. «Խերակլես VS. ՊՍՎ 1:5» (անգլերեն)։ soccerway.com։ 2013—01—26 
  5. «ՊՍՎ VS. Գոու Էհեդ Իգլզ 3:0» (անգլերեն)։ soccerway.com։ 2013—08—17 
  6. «Hiljemark è del Palermo: Quadriennale per lo svedese.» (իտալերեն)։ palermocalcio.it։ Վերցված է 14.7.2015 
  7. «Պալերմո VS. Ջենոա 1:0» (անգլերեն)։ soccerway.com։ 2015—08—23 
  8. «Պալերմո VS. Կարպի 2:2» (անգլերեն)։ soccerway.com։ 2015—09—13 
  9. «Միլան VS. Պալերմո 3:2» (անգլերեն)։ soccerway.com։ 2015—09—19 
  10. «Ֆիորենտինա VS. Ջենոա 3:3» (անգլերեն)։ soccerway.com։ 2017—01—29 
  11. «Կերկիրա VS. Պանաթինաիկոս 1:0» (անգլերեն)։ soccerway.com։ 2017—09—10 
  12. «Պանաթինաիկոս VS. Լարիսա 2:1» (անգլերեն)։ soccerway.com։ 2017—10—16 
  13. «Կիպրոս VS. Շվեդիա 0:2» (անգլերեն)։ soccerway.com։ 2011—02—08 
  14. «Դանիա (մինչև 21) VS. Շվեդիա (մինչև 21) 1:4» (ռուսերեն)։ soccerway.com։ 2015-06-27 
  15. «Իտալիա (մինչև 21) VS. Շվեդիա (մինչև 21) 1:2» (ռուսերեն)։ soccerway.com։ 2015-06-18 
  16. «Շվեդիա (մինչև 21) VS. Անգլիա (մինչև 21) 0:1» (ռուսերեն)։ soccerway.com։ 2015-06-21 
  17. «Պորտուգալիա (մինչև 21) VS. Շվեդիա (մինչև 21) 1:1» (ռուսերեն)։ soccerway.com։ 2015-06-24 
  18. «Շվեդիա (մինչև 21) VS. Պորտուգալիա (մինչև 21) 0:0» (ռուսերեն)։ soccerway.com։ 2015-06-30 
  19. «Շվեդիա VS. Բուլղարիա 3:0» (ռուսերեն)։ soccerway.com։ 2016-10-10 
  20. «Շվեդիա VS. Հարավային Կորեա 1:0» (անգլերեն)։ soccerway.com։ 2018-06-18 
  21. «Մեքսիկա VS. Շվեդիա 0:3» (անգլերեն)։ soccerway.com։ 2018-06-27 

Արտաքին հղումներ[խմբագրել | խմբագրել կոդը]