Փոշոտ մշուշ

Վիքիպեդիայից՝ ազատ հանրագիտարանից
Jump to navigation Jump to search
Թել Ավիվի փոշոտ մշուշը 2014 թվականի մարտին

Փոշոտ մշուշ (օդում կախված փոշի)՝ մթնոլորտային երևույթ, մթնոլորտի քիչ, թե շատ համատարած, միատարր պղտորում, որի առկայության դեպքում հորիզոնային տեսանելիության մակարդակը 2 մետրի վրա կազմում է 1-ից 9 կմ (երբեմն տեսանելիությունն իջնում է մի քանի հարյուրի և նույնիսկ մի քանի տասնյակ մետրի)՝ օդում փոշու և բնահողի մասունքների հաշվին։ Դասվում է լիտոասուպների շարքին։

Կարող է նկատվել փոշոտ փոթորկից առաջ կամ դրանից հետո (քամու թուլացման դեպքում), ինչպես նաև հեռվում առաջացած փոշոտ փոթորկի դեպքում, երբ օդ բարձրացած փոշեհատիկները քամին տարածում է մեծ հեռավորության վրա։ Ի դեպ, այդ ժամանակ տեսանելի մերձակայքում չի նկատվում գետնից քամով փոշու բարձրացում։ Կախված տվյալ տարածքի բնահողի գույնի, շպրտած առարկաները ձեռք են բերում համապատասխան մոխրագույն, դեխնավուն և կարմրավուն գույներ։

Պետք չէ փոշոտ մշուշը շփոթել փոշոտ փոթորկի հետ։

Հայտնի փոշոտ մշուշներ[խմբագրել | խմբագրել կոդը]

  • 2015 թվականի մայիսի 6-ին, Չինաստանի և Մոնղոլիայի սահմանային տարածաշրջանից Վլադիվոստոկ էր հասել փոշոտ մշուշ, որը բնորոշ չէր նման կլիմայական պայմաններ ունեցող շրջանին։ Մթնոլորտային երևույթը դիտվել էր նաև ծովամերձ այլ մարզերում նույնպես[1]։
  • 2015 թվականի սեպտեմբերի 7-ին, Իսրայելում առաջացած փոշոտ մշուշն ամենահզորն ու առղջության համար ամենավտանգավորն էր վերջին 75 տարվա մեջ։ Օդերևութաբանական ծառայությունների տվյալներով, օդում ավազեհատիկների այդքան ուժեղ կենտրոնացումը տարվա այդ եղանակին աննախադեպ էր։ Սովորաբար մշուշները Իսրայել հասնում Հյուսիսային Աֆրիկայից և Սինայի թերակղզուց։ Այդ անգամ այն եկել էր Սիրիայի անապատից՝ հյուսիսարևելյան քամով։ Երկրի շատ տարածքներում տեսանելիությունը չէր գերազանցում մեկ կիլոմետրը։ Հարյուրավոր մարդիկ դիմել են բժշկական օգնության, որոնցից 30-ը կորցրել էին գիտակցությունը, իսկ 80-ը զգացել էին սրտային հիվանդությունների ցավերի ուժեղացում[2]։

Տե՛ս նաև[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]