Տիգրան Խաչատուրով

Անվան այլ կիրառումների համար տես՝ Խաչատուրյան (այլ կիրառումներ)

Տիգրան Խաչատուրով
Ծնվել է	հոկտեմբերի 6 (19), 1906 Մոսկվա, Ռուսական կայսրություն
Մահացել է	սեպտեմբերի 14, 1989(1989-09-14) (82 տարեկանում) Մոսկվա, ԽՍՀՄ
Գերեզման	Հայկական գերեզմանատուն
Քաղաքացիություն	ԽՍՀՄ
Ազգություն	հայ
Մասնագիտություն	տնտեսագետ
Հաստատություն(ներ)	ՄՊՀ տնտեսագիտության ֆակուլտետ
Անդամակցություն	ԽՍՀՄ գիտությունների ակադեմիա և Հունգարիայի գիտությունների ակադեմիա
Ալմա մատեր	Q4533069?
Գիտական աստիճան	տնտեսագիտության դոկտոր
Եղել է գիտական ղեկավար	Աբել Աղանբեկյան
Պարգևներ	Կարմիր Աստղի շքանշան Հոկտեմբերյան հեղափոխության շքանշան Աշխատանքային Կարմիր դրոշի շքանշան «Հայրենական մեծ պատերազմի ժամանակ Անձնվեր աշխատանքի համար» մեդալ և Լոմոնոսովի անվան մրցանակ
Կուսակցություն	ԽՄԿԿ

Տիգրան Սարգսի Խաչատուրով (ծն. սեպտեմբերի 23 (հոկտեմբերի 6) 1906, Մոսկվա - սեպտեմբերի 14, 1989, Մոսկվա), խորհրդային տնտեսագետ։ Տնտեսագիտության դոկտոր (1940), պրոֆեսոր (1940), ԽՍՀՄ ԳԱ ակադեմիկոս (1966)։

Կենսագրություն

1928 թվականին ավարտել է Մոսկվայի համալսարանի հասարակական գիտությունների ֆակուլտետը։ Տրանսպորտի էկոնոմիկա է դասավանդել Մոսկվայի համալսարանում (1930 - 1931), տրանսպորտային ինժեներների ինստիտուտում (1931 - 1954), երկաթուղային տրանսպորտի ակադեմիայում (1947 - 1954), Տրանսպորտա-տնտեսագիտական ինստիտուտում (1952 - 1963) և այլ բուհերում։ Եղել է Երկաթուղային տրանսպորտի համամիութենական գիտահետազոտական ինստիտուտի տնօրեն, «Տեխնիկա ժելեզնիխ դորոգ» («Texника железных дорог») ամսագրի խմբագիր (1945 - 1949)։ Կազմակերպել և ղեկավարել է ԽՍՀՄ ԳԱ տրանսպորտային համալիր պրոբլեմների ինստիտուտը (1955-1959)։ 1957 թվականից ԽՍՀՄ Պետպլանի էքսպերտ հանձնաժողովի անդամ է, ԽՍՀՄ ԳԱ կապիտալ ներդրումների արդյունավետության և նոր տեխնիկայի գիտական խորհրդի նախագահ, «Վոպրոսի էկոնոմիկի» («Bonpосы экономики») ամսագրի խմբագրական կոլեգիայի անդամ, 1966 թվականից՝ գլխավոր խմբագիր։ 1967-1971 թվականներին եղել է ԽՍՀՄ ԳԱ Նախագահության անդամ՝ էկոնոմիկայի բաժանմունքի ակադեմիկոս քարտուղար։ 1970 թվականից՝ Հունգարիայի ԳԱ պատվավոր անդամ։ Հեղինակ է տրանսպորտի էկոնոմիկայի, կապիտալ ներդրումների արդյունավետության, վերարտադրության տեսության, սովետական էկոնոմիկայի զարգացման հարցերին նվիրված շուրջ 20 մենագրության, գրքույկի և 300 հոդվածի, որոնցից շատերը հրատարակվել են աշխարհի տարբեր լեզուներով (անգլերեն, ֆրանսերեն, ճապոներեն, բուլղարերեն են)։

Երկեր

• Размещение транспорта в капиталистических странах и в СССР, М., 1939.
• Пути развития транспорта СССР, М., 1941.
• Основы экономики железнодорожного транспорта, ч. 1, М., 1946.
• Экономика транспорта, М., 1959.
• Экономическая эффективность капитальных вложений, М., 1964.
• Социалистическое расширенное воспроизводство, М., 1971.
• Советская экономика на современном этапе, М., 1975.
• Интенсификация и эффективность в условиях развитого социализма , 352 с. 21 см., М. Наука 1978.
• Эффективность капитальных вложений , 335 с. 22 см., М. Экономика 1979.
• Экономика природопользования, 2-е изд. М. Наука 1987.
• Современная экономика Советского Союза , 485 с. 18 см., М. Прогресс 1979.
• Избранные труды. В 2 т. / Т. С. Хачатуров, 590 с., 23 см, М. Вольное экон. о-во России: ООО "Дедал Арт" 1996.

Գրականություն

• Tигран Сергеевич Хачатуров, Биобиблиография, M., 1969.

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 24)։