Վլադիմիր Ներկարարյան (տնտեսագետ)

Վլադիմիր Ներկարարյան
Ծնվել է	դեկտեմբերի 18, 1928; Կուրթան, Բորչալուի գավառ, Վրացական Սոցիալիստական Խորհրդային Հանրապետություն, ԱԽՖՍՀ, ԽՍՀՄ
Մահացել է	հուլիսի 11, 1993 (64 տարեկան); Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Մասնագիտություն	տնտեսագետ և դասախոս
Հաստատություն(ներ)	Հայկական պետական մանկավարժական համալսարան, ՀԱՊՀ և Երևանի պետական համալսարան
Ալմա մատեր	ԵՊՀ տնտեսագիտության և կառավարման ֆակուլտետ
Կոչում	պրոֆեսոր
Գիտական աստիճան	տնտեսագիտության դոկտոր (1973)
Կուսակցություն	ԽՄԿԿ

Անվան այլ կիրառումների համար տե՛ս՝ Վլադիմիր Ներկարարյան (այլ կիրառումներ)

Վլադիմիր Սմբատի Ներկարարյան (դեկտեմբերի 18, 1928(1928-12-18)^[1], Կուրթան, Բորչալուի գավառ, Վրացական Սոցիալիստական Խորհրդային Հանրապետություն, ԱԽՖՍՀ, ԽՍՀՄ^[1] - հուլիսի 11, 1993(1993-07-11), Երևան, Հայաստան^[2]), հայ խորհրդային տնտեսագետ։ Տնտեսագիտական գիտությունների դոկտոր (1973), պրոֆեսոր (1975)։

Կենսագրություն

1953 թվականին ավարտել է Երևանի պետական համալսարանի տնտեսագիտության ֆակուլտետը։ 1957 թվականից քաղաքատնտեսություն է դասավանդել Երևանի Խաչատուր Աբովյանի անվան հայկական մանկավարժական և Կարլ Մարքսի անվան պոլիտեխնիկական համալսարանում, 1966 թվականից՝ Երևանի պետական համալսարանում։

1960 թվականին պաշտպանել է թեկնածուական, 1972 թվականին՝ դոկտորական ատենախոսություն «Արտադրողական և անարտադրողական աշխատանք» թեմայով։ 1964 թվականին նրան շնորհվել է դոցենտի, 1975 թվականին՝ պրոֆեսորի կոչում։ 1975-1979 թվականներին եղել է Երևանի ժողովրդական տնտեսության ինստիտուտի ռեկտոր, 1979 թվականից՝ նույն համալսարանի, իսկ 1981 թվականից՝ Երևանի պետական ճարտարագիտական համալսարանի քաղաքատնտեսության ամբիոնի պրոֆեսոր։ Գիտական աշխատությունները վերաբերում են աշխատանքի արտադրողականության, արտադրողական ու անարտադրողական աշխատանքի, ինչպես նաև սոցիալիզմի ու կապիտալիզմի քաղաքատնտեսության խնդիրներին։

Պարգևներ և մրցանակներ

ՀԽՍՀ ԳԽ պատվոգիր

Երկեր

Աշխատանքի արտադրողականության անշեղ աճման օրենքը, 1959,
Կապիտալիզմի ընդհանուր ճգնաժամի նոր էտապը, 1962,
Արտադրողական և անարտադրողական աշխատանք, 1970,
Ոչ նյութական արտադրության ոլորտի զարգացման սոցիալ-տնտեսական խնդիրները, 1981։

Ծանոթագրություններ

1 2 3 4 5 6 7 8 9 10 11 Հայկական սովետական հանրագիտարան, հատոր 8 (հայ.) — հատոր 8. — էջ 248.
↑ Վլադիմիր Սմբատի Ներկարարյան

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 248)։

Վիքիդարանն ունի նյութեր, որոնք վերաբերում են «Վլադիմիր Ներկարարյան (տնտեսագետ)» հոդվածին։

[_c56f61334186bf71-1] 1 2 3 4 5 6 7 8 9 10 11 Հայկական սովետական հանրագիտարան, հատոր 8 (հայ.) — հատոր 8. — էջ 248.

[2] Վլադիմիր Սմբատի Ներկարարյան

[1]

[2]