Կարո Խաչատրյան

Վիքիպեդիայից՝ ազատ հանրագիտարանից
Jump to navigation Jump to search
Կարո Խաչատրյան
Ծնվել է1899
Կարմիր-Վանք, Կարսի մարզ, Ռուսական կայսրություն
ՔաղաքացիությունFlag of Russia.svg Ռուսական կայսրություն
Flag of the Soviet Union.svg ԽՍՀՄ
Ազգությունհայ
Մասնագիտությունհասարակական գործիչ
Հաստատություն(ներ)Երևանի պետական համալսարան

Կարո Հակոբի Խաչատրյան (1899, Կարմիր-Վանք, Կարսի մարզ, Ռուսական կայսրություն), հայ հասարակական գործիչ: 1932-1933 թվականներին՝ ԵԿՏԻ-ի ռեկտոր[1]։

Կենսագրություն[խմբագրել | խմբագրել կոդը]

Կարո Խաչատրյանը ծնվել է 1899 Կարսի մարզի Կարմիր վանք գյուղում։ 1912-1914 թվականներին սովորել և ավարտել է Ալեքսանդրապոլի ուսումնարանը, իսկ 1923-1926 թվականներին` Անդրկովկասի կոմունիստական համալսարանի տնտեսագիտական ֆակուլտետը։

Աշխատանքային գործունեություն[խմբագրել | խմբագրել կոդը]

Կարո Խաչատրյանը մինչև 1932 թվականը Լենինականում (այժմ` Գյումրի) վարել է խորհրդային և կուսակցական ղեկավար պաշտոններ։ 1932-1933 թվականներին եղել է Երևանի կոոպերատիվ-տնտեսագիտական ինստիտուտի ռեկտոր: 1933 թվականին նշանակվել է Երևանի պետական համալսարանի ուսումնական աշխատանքների գծով պրոռեկտոր և տնտեսագիտական ֆակուլտետի դեկան: 1937 թվականից Կարո Խաչատրյանը իրեն փորձել է տարբեր ոլորտներում. 1937-1941 թվականներին եղել է ՀԽՍՀ գլխավոր դատախազի օգնական, 1941-1943 թվականներին` զինվորական դատախազ, 1943-1949 թվականներին` արդարադատության նախարարի տեղակալ, այնուհետև` փաստաբանների հանրապետական կոլեգիայի նախագահ: 1944-1954 թվականներին համատեղությամբ աշխատել է ԵՊՀ հեռակա իրավաբանական ֆակուլտետում՝ որպես քաղաքատնտեսության դասախոս[2]:

Ծանոթագրություններ[խմբագրել | խմբագրել կոդը]

  1. «ՀՊՏՀ»։ asue.am (ամհարերեն)։ Վերցված է 2019-03-20 
  2. Ով ով է. Հայեր. Կենսագրական հանրագիտարան, հատոր առաջին, Երևան, 2005