Վիկտոր Բառնա
| Վիկտոր Բառնա | |
|---|---|
| Անձնական տեղեկություն | |
| Սեռ՝ | արական |
| Մասնագիտացում | սեղանի թենիսիստ, գրող և մարզիկ |
| Երկիր |  Հունգարիա |
| Ծննդյան ամսաթիվ | օգոստոսի 24, 1911[1] |
| Ծննդավայր | Բուդապեշտ, Հունգարիա[1] |
| Մահվան ամսաթիվ | փետրվարի 28, 1972[1] (60 տարեկան) |
| Մահվան վայր | Լիմա, Պերու[1] |
Դյոզյո Բրաուն (հունգարերեն՝ Braun Győző)[2], անուն-ազգանունը փոխել, դարձրել է Վիկտոր Բառնա (հունգարերեն՝ Barna Viktor, անգլերեն՝ Victor Barna, օգոստոսի 24, 1911[1], Բուդապեշտ, Հունգարիա[1] - փետրվարի 28, 1972[1], Լիմա, Պերու[1]), հունգարացի և բրիտանացի սեղանի թենիսիստ, աշխարհի, Հունգարիայի, ինչպես նաև՝ Անգլիայի բաց առաջնության բազմակի չեմպիոն։ Մենախաղերում աշխարհի չեմպիոն է դարձել ռեկորդային՝ հինգ անգամ, աշխարհի առաջնություններում ընդհանուր առմամբ նվաճել 41, Անգլիայի բաց առաջնություններում՝ 20 մեդալ։
Կենսագրություն
[խմբագրել | խմբագրել կոդը]Ծնվել է 1911 թվականին, Հունգարիայի մայրաքաղաք Բուդապեշտում, հրեական ընտանիքում։ Հասարակության մեջ այն տարիներին իշխող հակասեմական տրամադրությունների պատճառով անուն-ազգանունը փոփոխել, նմանեցրել է հունգարականի։ Սեղանի թենիսով սկսել է զբաղվել 1925 թվականից, 1929-32 թվականներին անընդմեջ հաղթել է Հունգարիայի առաջնություններում, հետագայում՝ մինչև 1939 թվականը, դարձյալ գրեթե անընդմեջ դարձել է Անգլիայի բաց առաջնությունների հաղթող։ Բացի այդ, բազմիցս նվաճել է աշխարհի չեմպիոնի տիտղոսը։ 1932-37 թվականներին մշտապես առաջին տեղն է գրավել ITTF-ի վարկանիշային աղյուսակում։
1939 թվականի ապրիլի 27-ին Մեծ Բրիտանիայում ամուսնացել է հունգարուհի Սյուզաննա Արանի հետ, միջազգային մրցասպարեզներում սկսել է հանդես գալ որպես Բրիտանիայի ներկայացուցիչ։ 1939 թվականի աշնանը, երբ սկսվել է Երկրորդ համաշխարհային պատերազմը, Ամերիկայի Միացյալ Նահանգներից կնոջ հետ վերադարձել է Եվրոպա, որպեսզի մասնակցի ֆաշիստների դեմ մղվող մարտերին։ Բրիտանական զորամասում ծառայել է որպես պարաշյուտիստ, կռվել Հարավսլավիայում։ Պատերազմից հետո բնակություն է հաստատել Լոնդոնում, ընդունել բրիտանական քաղաքացիություն։ Դարձել է Dunlop Sports ընկերության ներկայացուցիչը և այդ կարգավիճակով շարունակել է շրջել աշխարհում։ Մահացել է 1972 թվականին, Պերուի մայրաքաղաք Լիմայում, ինֆարկտից։
Ի դեպ, Վիկտորի եղբայր Տիբոր Բառնան նույնպես դարձել է սեղանի թենիսի Հունգարիայի առաջնության հաղթող (1940 թվականին)[3]։
Գրքերը
[խմբագրել | խմբագրել կոդը]Վիկտոր Բառնան սեղանի թենիսի մասին գրել ու հրատարակել է երեք գիրք. 1957 թվականին՝ «How to win at Table Tennis (London: Pitman) 978-0-273-41699-9[4]», 1962 թվականին՝ «Table Tennis Today» (London: Arthur Barker) և 1971-ին՝ Your Book of Table Tennis 978-0-571-09345-8 վերնագրով։
Փառքի սրահում
[խմբագրել | խմբագրել կոդը]Վիկտոր Բառնայի անունը 1981 թվականին ընդգրկվել է Միջազգային սպորտի հրեական փառքի սրահում[5], 1993 թվականին էլ՝ սեղանի թենիսի վարպետների փառքի սրահում[6]։
2012 թվականի ապրիլի 10-ին Գվինեա-Բիսաուում թողարկվել է սեղանի թենիսի պատմությանը նվիրված դրոշմանիշերի շարք՝ Վիկտոր Բառնայի դիմապատկերով։ Մինչ այդ՝ 1996 թվականի ապրիլի 10-ին հատուկ Վիկտոր Բառնային նվիրված դրոշմանիշ էր թողարկվել Ռումինիայի Կլուժ քաղաքում։
Արդյունքները՝ ITTF-ի տվյալների բազայից
[խմբագրել | խմբագրել կոդը]| Ներկայաց. | Մրցումն. մակարդակը | Տարին | Մրցավայրը | Երկիրը | Մենախաղ | Զուգախաղl | Խառը զուգ. | Թիմ. |
|---|---|---|---|---|---|---|---|---|
| Անգլիա | Աշխարհի առաջն. | 1954 | Ուեմբլի | Անգլ. | - | արծաթե | կիսաեզր. | |
| Անգլիա | Աշխարհի առաջն. | 1953 | Բուխարեստ | Ռում. | - | քառ. եզր. | քառ. եզր. | |
| Անգլիա | Աշխարհի առաջն. | 1952 | Բոմբեյ | Հնդկ. | - | կիսաեզր. | կիսաեզր. | |
| Անգլիա | Աշխարհի առաջն. | 1951 | Վիեննա | Ավստր. | - | - | - | |
| Անգլիա | Աշխարհի առաջն. | 1950 | Բուդապեշտ | Հունգ. | - | քառ. եզր. | քառ. եզր. | |
| Անգլիա | Աշխարհի առաջն. | 1949 | Ստոկհոլմ | Շվեդ. | - | քառ. եզր. | - | 3 |
| Անգլիա | Աշխարհի առաջն. | 1948 | Ուեմբլի | Անգլ. | քառ. եզր. | կիսաեզր. | քառ. եզր. | 5 |
| Անգլիա | Աշխարհի առաջն. | 1947 | Փարիզ | Ֆրանս. | - | կիսաեզր. | կիսաեզր. | |
| Անգլիա | Աշխարհի առաջն. | 1939 | Կահիրե | Եգիպտ. | քառ. եզր. | ոսկե | քառ. եզր. | |
| Հունգարիա | Աշխարհի առաջն. | 1938 | Ուեմբլի | Անգլ. | կիսաեզր. | արծաթե | - | 1 |
| Հունգարիա | Աշխարհի առաջն. | 1937 | Բադեն | Ավստր. | - | քառ. եզր. | - | 2 |
| Հունգարիա | Աշխարհի առաջն. | 1936 | Պրահա | Չեխ. | - | - | քառ. եզր. | 3 |
| Հունգարիա | Աշխարհի առաջն. | 1935 | Ուեմբլի | Անգլ. | ոսկե | ոսկե | ոսկե | 1 |
| Հունգարիա | Աշխարհի առաջն. | 1934 | Փարիզ | Ֆրանս. | ոսկե | ոսկե | արծաթե | 1 |
| Հունգարիա | Աշխարհի առաջն. | 1933 | Բադեն | Ավստր. | ոսկե | ոսկե | կիսաեզր. | 1 |
| Հունգարիա | Աշխարհի առաջն. | 1932 | Պրահա | Չեխ. | ոսկե | ոսկե | ոսկե | 2 |
| Հունգարիա | Աշխարհի առաջն. | 1931 | Բուդապեշտ | Հունգ. | արծաթե | ոսկե | արծաթե | 1 |
| Հունգարիա | Աշխարհի առաջն. | 1930 | Բեռլին | ԳՖՀ | ոսկե | ոսկե | կիսաեզր. | 1 |
| Հունգարիա | Աշխարհի առաջն. | 1929 | Բուդապեշտ | Հունգ. | - | ոսկե | - | 1 |
Գրականություն
[խմբագրել | խմբագրել կոդը]- Ossi Brucker: Tischtennis-König Viktor Barna wird 60 Jahre. In: Zeitschrift DTS. 1971/16, S. 8–9.
- Winfried Stöckmann: Barnalitäten. In: DTS. 1986/9, S. 4–6.
- Ervin C. Brody: Victor Barna In The Hall Of Fame. In: The Table Tennis Collector. Ausgabe 2, S. 13–15. (englisch)
- Robert Slater: Great Jews Sport. Jonathan David Publishers, 2004, ISBN 0-8246-0453-9, S. 29–31. (englisch)
- David John Hughes: Victor Barna and the Barna Table Tennis Racket. In: The Table Tennis Collector. Ausgabe 62 Արխիվացված 2013-01-02 Wayback Machine (PDF; 6,9 MB), S. 10–15. (englisch)
- Laszlo Polgar: Barna Viktor Pályafutásom. 2013, ISBN 978-963-9807-79-2. (ungarisch)
- Alan Duke: Viktor Barna (Part 1). In: The Table Tennis Collector. Ausgabe 75 Արխիվացված 2015-02-15 Wayback Machine, S. 32–35. (englisch)
Ծանոթագրություններ
[խմբագրել | խմբագրել կոդը]- 1 2 3 4 5 6 7 8 Deutsche Nationalbibliothek Record #1023189909 // Gemeinsame Normdatei (գերմ.) — 2012—2016.
- ↑ Table Tennis Արխիվացված 2013-08-13 Wayback Machine. Time Magazine. 4 February 1935
- ↑ «The History of Sport and Physical Education among the Jewish People in Hungary in the Last 120 Years». ISOH.
- ↑ Amazon
- ↑ http://www.jewishsports.net/BioPages/ViktorGyozoBarna.htm Արխիվացված 2020-07-28 Wayback Machine |título=Viktor Gyozo Barna (Braun) |editorial=International Jewish Sports Hall of Fame |fechaacceso=24 de abril de 2015 |idioma=inglés}}
- ↑ http://www.ittf.com/museum/HallofFame.pdf |title=Archived copy |accessdate=2008-12-29 |url-status=dead |archiveurl=https://web.archive.org/web/20110617005939/http://www.ittf.com/museum/HallofFame.pdf |archivedate=17 June 2011 |df=dmy-all }}
- ↑ Կաղապար:ITTF-Ergebnistabelle (abgerufen am 3. September 2011)
Արտաքին հղումներ
[խմբագրել | խմբագրել կոդը]- «Bio, October 2003». Արխիվացված է օրիգինալից 2004 թ․ հուլիսի 8-ին. Վերցված է 2013 թ․ սեպտեմբերի 24-ին.
- Cigarette card bio
- Jewish Sports bio Արխիվացված 2020-07-28 Wayback Machine
- "The Magnificent Magyar", October 2005
| ||||||||||
