Սպարտակ Խաչիկյան

Անվան այլ կիրառումների համար տե՛ս՝ Խաչիկյան (այլ կիրառումներ)

Սպարտակ Խաչիկյան
Ծնվել է	հունիսի 12, 1932(1932-06-12)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	մարտի 26, 2005(2005-03-26) (72 տարեկան)
Վախճանի վայր	Երևան, Հայաստան
Ազգություն	հայ
Կրթություն	Մոսկվայի ճարտարապետության ինստիտուտ (1955)
Աշխատավայր	Ճարտարապետության և շինարարարության Հայաստանի ազգային համալսարան
Ուշագրավ աշխատանքներ	Ռոսիա կինոթատրոն, Երիտասարդական պալատ, Զվարթնոց և Կարեն Դեմիրճյանի անվան մարզահամերգային համալիր
Պարգևներ	ՀԽՍՀ վաստակավոր ճարտարապետ

Սպարտակ Երեմի Խաչիկյան (հունիսի 12, 1932(1932-06-12), Երևան, Հայկական ԽՍՀ, ԱԽՖՍՀ, ԽՍՀՄ - մարտի 26, 2005(2005-03-26), Երևան, Հայաստան), հայ ճարտարապետ, ՀԽՍՀ վաստակավոր ճարտարապետ (1972)։

Ճարտարապետ Լիա Սաֆարյանի ամուսինն է, աստղագետ, ֆիզմաթ գիտությունների դոկտոր (1975), պրոֆեսոր (1982), ՀՀ ԳԱԱ ակադեմիկոս (1996) Էդուարդ Խաչիկյանի եղբայրն է։

Կենսագրություն

1955 թվականին ավարտել է Մոսկվայի ճարտարապետական ինստիտուտը։ Աշխատել է Հայպետնախագիծ ինստիտուտում (1964 թվականից՝ արվեստանոցի ղեկավար), 1984-1991 թթ.՝ ՀՀ պետշինի բնակելի և քաղաքացիական շինության վարչության պետ, 1991-1993 թթ.՝ մասն. ճարտ. արվեստանոցի («Խաչիկյանի արվեստանոց») ղեկավար։ 1991-2005 թթ. դասավանդել է ԵՊՃՇՀ-ում։

Համահեղինակ է՝

• Աբովյան (1961-1970) և Սևան (1962-1970) քաղաքների գլխավոր հատակագծեր (Արթուր Թարխանյանի, Հրաչյա Պողոսյանի, Է. Չերքեզյանի հետ)
• Երևանի «Այրարատ» կինոթատրոն (1970-1974, ԽՍՀՄ Նախարարների խորհրդի մրցանակ՝ 1979)
• Երիտասարդության պալատ (1970-1985, ՀամԼԿԵՄ մրցանակ՝ 1981)
• «Զվարթնոց» օդանավակայան (1981, ՀԽՍՀ Պետական մրցանակ՝ 1985)
• Կարեն Դեմիրճյանի անվան մարզահամերգային համալիր (1984, ԽՍՀՄ Պետական մրցանակ՝ 1987)
• Դիլիջանում՝ կինեմատոգրաֆիստների ստեղծագործական տուն (համահեղինակներ՝ Հրաչյա Պողոսյան, Լիա Սաֆարյան), 1984
• Տուապսեում պիոներական ճամբար 720 տեղով, (հեղինակային խմբի հետ)

Երիտասարդ ճարտարապետների ստեղծագործության (1962), խորհրդային ճարտարապետության 1973-1977 թթ. նվաճումների, 1982 թվականի «Տարվա լավագույն կառույց» համամիութենական ստուգատեսների դափնեկիր է։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 28)։