Ռուբեն Աբրահամյան

Վիքիպեդիայից՝ ազատ հանրագիտարանից
Jump to navigation Jump to search
Ռուբեն Աբրահամյան
Ծնվել էփետրվարի 3, 1881(1881-02-03)
Գնիշիկ, Վայոց Ձորի մարզ, Հայաստան
Մահացել էհոկտեմբերի 26, 1951(1951-10-26) (70 տարեկան)
Երևան, Հայկական ԽՍՀ, ԽՍՀՄ
Բնակության վայր(եր)Հայկական ԽՍՀ
ՔաղաքացիությունFlag of Russia.svg Ռուսական կայսրություն և Flag of the Soviet Union (1924–1955).svg ԽՍՀՄ
Ազգությունհայ
Մասնագիտությունլեզվաբան, իրանագետ, ուսուցիչ և թարգմանիչ
Հաստատություն(ներ)Թեհրանի համալսարան
Գործունեության ոլորտԻրանագիտություն
Ալմա մատերԳևորգյան Հոգևոր Ճեմարան (1899), Փարիզի համալսարան, Լայպցիգի համալսարան, Սանկտ Պետերբուրգի համալսարան և Շևչենկոյի անվան համալսարան
Գիտական աստիճանբանասիրական գիտությունների դոկտոր և պրոֆեսոր (1935)
Տիրապետում է լեզուներինհայերեն

Ռուբեն Թադեոսի Աբրահամյան (1881, փետրվարի 3, Գնիշիկ, Վայոց ձոր – 1951, հոկտեմբերի 26, Երևան), հայ իրանագետ-լեզվաբան, բանասիրական գիտությունների դոկտոր, պրոֆեսոր (1935)։

Կենսագրություն[խմբագրել | խմբագրել կոդը]

Ծնվել է փետրվարի 3-ին, Վայոց ձորի Գնիշիկ գյուղում։ Ավարտել է Էջմիածնի Գևորգյան ճեմարանը (1899), Երևանի գիմնազիան (1906), սովորել Կիևում (1907), Լայպցիգում (1909), Պետերբուրգի համալսարանում (1911)։

Զբաղվել է մանկավարժությամբ Թիֆլիսում (1912-1920), Իրանում (1921-1946)։ 1935 թվականին Թեհրանի համալսարանում հիմնադրել է հին պարսկերենի և պահլավերենի ամբիոնը։ 1946 թվականին վերադարձել է Հայաստան։ Գիտական գործունեությունն սկսել է 1911 թվականից։ Զբաղվել է պարսկերենի պատմության պարբերացման հարցերով։ Հիմնական աշխատությունն է «Պահլավերեն-պարսկերեն-հայերեն-ռուսերեն-անգլերեն բառարան»-ը (1965), որտեղ պահլավական համարժեքների դիմաց տրված են հայկական փոխառյալ բառերը։ Թարգմանել է պարսկերենից՝ Բաբա Թահեր Օրիան Համադանիի, Ֆիրդուսիի ստեղծագործություններից, պահլավերենից՝ «Արտա Վիրապ նամակ» և «Յուշտի Ֆրիան» երկերը։ Մահացել է հոկտեմբերի 26-ին, Երևանում[1][2]։

Երկեր[խմբագրել | խմբագրել կոդը]

  • Ֆերղովսին և իր Շահնամեն, հ. 1, Թեհրան, 1934
  • Սայաթ-Նովայի տաղերը, ներածական հոդվածով, լեզվի ուսումնասիրությամբ, բառարանով և այլ հոդվածներով ու դիտողություններով, Թեհրան, 1943
  • Dialectes des Israélites de Hamadan et d'Ispahan et dialecte de Baba Tahir, Tehran, 1936

Ծանոթագրություններ[խմբագրել | խմբագրել կոդը]

  1. ↑ «ABRAHAMIAN, ROUBEN – Encyclopaedia Iranica»։ www.iranicaonline.org։ Վերցված է 2019-02-03 
  2. ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005:
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 43)։ CC-BY-SA-icon-80x15.png
Ստացված է «https://hy.wikipedia.org/w/index.php?title=Ռուբեն_Աբրահամյան&oldid=6950955» էջից