Պենչո Սլավեյկով

Պենչո Սլավեյկով
Ծնվել է	ապրիլի 27, 1866
Ծննդավայր	Տրյավնա, Գաբրովոյի մարզ, Բուլղարիա
Վախճանվել է	մայիսի 28 (հունիսի 10), 1912 (46 տարեկան)
Վախճանի վայր	Բրունատե, Կոմո, Լոմբարդիա, Իտալիայի թագավորություն
Գերեզման	Սոֆիայի կենտրոնական գերեզմանատուն
Մասնագիտություն	բանաստեղծ, թարգմանիչ, լրագրող, գրադարանավար և գրող
Ազգություն	բուլղարացի
Քաղաքացիություն	Բուլղարիա
Անդամակցություն	Բուլղարիայի գիտությունների ակադեմիա
Աշխատավայր	Կյուրեղի և Մեթոդիոսի անվան Բուլղարիայի ազգային գրադարան
Համատեղ ապրող	Mara Belcheva?
	Pencho Slaveykov Վիքիպահեստում

Պենչո Սլավեյկով (բուլղար․՝ Пенчо Петков Славейков, ապրիլի 27, 1866(1866-04-27)^[1]^[2]^[3], Տրյավնա, Գաբրովոյի մարզ, Բուլղարիա^[4]^[5] - մայիսի 28 (հունիսի 10), 1912^[1]^[2]^[3], Բրունատե, Կոմո, Լոմբարդիա, Իտալիայի թագավորություն), բուլղարացի գրող, Misal («Միտք»)շրջանակի մասնակիցներից։

Գրող Պետկո Ռաչև Սլավեյկովի կրտսեր որդին։

Կենսագրություն

Ծնվել է Տրյավնայում, Բուլղարիայի ազգային զարթոնքի ժամանակահատվածում, Պետկո Սլավեյկովի և Իրինա Ռայկովայի ընտանիքում։ Կրթություն ստացել է Տրավնյայում, Ստարա Զագորայում, Պլովդիվում։ 1883 թվականին նա դառնում է Պլովդիվի ռեալական գիմնազիայի լավագույն սաներից մեկը։

1884 թվականի հունվարին դժբախտ պատահար է տեղի ունենում։ 18-ամյա Պենչոն ձյան տակ քնում է նստարանի վրա, որի հետևանքով հիվանդանում է թոքաբորբով, և չնայած Պլովդիվում, Սոֆիայում, Լայպցիգում, Բեռլինում ու Փարիզում երկարմյա բուժումից հետո նրա մոտ լուրջ խանգարումներ են ի հայտ գալիս, առանց ձեռնափայտի չի կարողանում քայլել, խոսում և գրում է դժվարությամբ։ Նրա մոտ ի հայտ է գալիս մելանխոլիա և նա միակ բուժումը գտնում է գրականության մեջ։

Սլավեյկովի աշխատանքները ներառում են բանաստեղծություններ, մտերմիկ զրույցներ։ Համագործակցել է մի շարք ամսագրերի հետ, որոնք տպագրել են նրա գործերը։ Կյանքի մի մասն անց է կացրել Լայպցիգում, որտեղ սովորել է փիլիսոփայություն, ծանոթացել գերմանական գրականության, մտքի և արվեստի ստեղծագործությունների հետ։

1898 թվականին, վերադառնալով Բուլղարիա, մի շարք ակնառու գրողների հետ, ինչպիսիք են Կրեսյու Կրեստևը, Պետկո Թոդորովը, Պեյո Յավորով, միացել է Միսալ գրական շրջանակին, 1901–1909 թվականներին եղել է Բուլղարիայի ազգային գրադարանի տնօրենի օգնական, 1909–1911 թվականներին՝ տնօրեն, 1908–1909 թվականներին՝ Իվան Վազովի անվան ազգային թատրոնի տնօրեն։

1909 թվականին ուղարկվել է Մոսկվա, Ստամբուլ, Աթենք, Նեապոլ, Սորենտո, Հռոմ (1911), որտեղ ուսումնասիրել է գրադարանների զարգացումները։

Մշակույթի նախարար Ստեֆան Բոբչևի հետ քաղաքական թյուրիմացությունների պատճառով 1911 թվականի հուլիսի 10-ին ազատվել է Ազգային գրադարանի տնօրենի պաշտոնից, հեռացել է Բուլղարիայից, բնակվել Ցյուրիխում, Լյուցերնում, Գյոշենենում, Անդերմատում, Լուգանոյում, Շվեյցարիայի այլ վայրերում նախքան Իտալիայում հաստատվելը, որտեղ երեք ամիս մնալուց հետո, 1912 թվականի մայիսին մեկնում է Ֆլորենցիա, Էնգադին՝ բուժման փնտրտուքներով։ Մայիսի վերջում մեկնում է Բրունատե՝ Կոմո լճի մոտ, որտեղ էլ մահանում է 1912 թվականի հունիսի 10-ին։

Սլավեյկովը թաղված է Բրունատեի գերեզմանատանը, մասունքները տեղափոխվել են Բուլղարիա 1921 թվականին։

Հիշատակ

Սլավեյկովը պատկերված է 1999 և 2006 թվականներին թողարկված բուլղարական 50 լևի հակառակ կողմում^[6]։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)
↑ ^4,0 ^4,1 ^4,2 http://www.delcampe.net/page/item/id,218631875,var,A689-Tryavna-Trjawna--children-sanatorium--Bulgaria-Bulgarie-Bulgarien-Bulgarije,language,E.html
↑ ^5,0 ^5,1 ^5,2 http://wikitravel.org/en/Tryavna
↑ Bulgarian National Bank. Notes and Coins in Circulation: 50 levs (1999 issue) & 50 levs (2006 issue). – Retrieved on 26 March 2009.

Գրականություն

«Пенчо Славейков Биографични бележки» (Bulgarian). Словото. Վերցված է 2006 թ․ նոյեմբերի 26-ին.{{cite web}}: CS1 սպաս․ չճանաչված լեզու (link)
«Пенчо Славейков — биография» (Bulgarian). Public Library Varna. Արխիվացված է օրիգինալից 2007 թ․ սեպտեմբերի 27-ին. Վերցված է 2006 թ․ նոյեմբերի 26-ին.{{cite web}}: CS1 սպաս․ չճանաչված լեզու (link)
Марков Д. Ф. Пенчо П. Славейков. — М.: Издательство АН СССР, 1959.
Славейкова, Светослава. Пенчо Славейков. Биографичен очерк. — София: Български писател, 1955.
Янакиева, Миряна. От родния кът до гроба. Пенчо Славейков — «Сън за щастие». — Пловдив: Контекст, 2011.

Արտաքին հղումներ

Slaveikoff, Pencho (1904), «The Folk-Songs of the Bulgars», in Bernard, Henry (ed.), The Shade of the Balkans: Being a Collection of Bulgarian Folk-Songs and Proverbs, Here for the First Time Rendered into English, Together with an Essay on Bulgarian Popular Poetry, and Another on the Origin of the Bulgars (First ed.), London: David Nutt, էջեր 23–87, Վերցված է 2012-12-21-ին

Վիքիպահեստն ունի նյութեր, որոնք վերաբերում են «Պենչո Սլավեյկով» հոդվածին։

[_e7a4dcef87b4000e-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_5dcf6112119ddfba-2] 2,0 ^2,1 ^2,2 ^2,3 ^2,4 Encyclopædia Britannica

[_2f917caff69c55a1-3] 3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.)

[_e165f324e83cb46b-4] 4,0 ^4,1 ^4,2 http://www.delcampe.net/page/item/id,218631875,var,A689-Tryavna-Trjawna--children-sanatorium--Bulgaria-Bulgarie-Bulgarien-Bulgarije,language,E.html

[_879eb28f44aec2df-5] 5,0 ^5,1 ^5,2 http://wikitravel.org/en/Tryavna

[6] Bulgarian National Bank. Notes and Coins in Circulation: 50 levs (1999 issue) & 50 levs (2006 issue). – Retrieved on 26 March 2009.

[1]

[2]

[3]

[4]

[5]

[6]