Ուիլյամ Հորնբեկ

Վիքիպեդիայից՝ ազատ հանրագիտարանից
Ուիլյամ Հորնբեկ
Լուսանկար
Ի ծնե անուն՝ William Hornbeck
Ծննդյան թիվ՝ օգոստոսի 23, 1901
Ծննդավայր՝ Լոս Անջելես, Կալիֆորնիա, ԱՄՆ
Վախճանի թիվ՝ հոկտեմբերի 19, 1983
Երկիր՝ Ամերիկայի Միացյալ Նահանգներ ԱՄՆ
Մասնագիտություն՝ մոնտաժող
Կարիերա՝ 1925-1959
IMDb։ ID 0394962

Ուիլյամ Հորնբեկ (օգոստոսի 23, 1901 - հոկտեմբերի 19, 1983) ամերիկացի ֆիլմերի մոնտաժող, իր ժամանակների լավագույն մոնտաժողներից մեկը։ Աշխատել է 280-ից ավելի կարճամետրաժ և լիամետրաժ ֆիլմերում
4 անգամ ներկայացվել է Օսկարի լավագույն մոնտաժող անվանակարգում, ստացել մեկ Օսկար։

Կենսագրություն և կարիերա[խմբագրել]

Ուիլյամը Հորնբեկը սկսել է իր կարիերան արդեն տասնչորս տարեկանում, աշխատելով ֆիլմերում տարբեր մասնագիտություններով Բրոդվեյում գտնվող New York Motion Picture Company ընկերությունում։ 1916 թվականին աշխատանքի է ընդունվում է Մակ Սենետի Keystone Film Company ընկերությունում, որտեղ 12 տարի աշխատում է և աշխատել է տասներկու տարի աշխատում է որպես գլխավոր խմբագիր-մոնտաժող, հիմնականում կատակերգական ֆիլմեր մոնտաժելով։

1934 թվականին Հորնբեկը տեղափոխվում է Անգլիա՝ Լոնդոն և աշխատում ռեժիսոր Ալեքսանդր Կորդայի հետ։ Նրանց առավել հայտնի ֆիլմերից են՝ «Սկառլետ Պիմպեռնալ» (1934), «Ապագայի կերպարը» (1936) և «Բաղդադի գողը» (1940)։

1941 թվականին վերադառնում է ԱՄՆ և սկսում համագործակցել Ֆրենկ Կապրայի հետ «Ինչու ենք մենք կռվում» Երկրորդ համաշխարհային պատերազմի մասին պատմող վավերագրական ժապավենում։ 1946 թվականին մոնտաժել է Կապրայի հայտնի «Այս հրաշալի կյանքը» ֆիլմը։ 1949-1953 թթ. սկսում է աշխատել Paramount Pictures-ում և Օսկար է ստանում Ջորջ Սթիվենսի 1951 թվականին նկարահանած «Տեղ արևի տակ» ֆիլմի համար։ Նրա մյուս նշանավոր ֆիլմերից են՝ «Շեյն» (1953), «Ոտաբոբիկ կոմսուհին» (1954) և «Հսկան» (1956)։

Կարճ ժամանակ անց՝ 1960 թվականին, Հորնբեկին նշանակում են Paramount Pictures վերահսկող մոնտաժողի պաշտոնում, ուր նա աշխատում է մինև 1976 թվականը, կենսաթոշակի անցնելը։

Ուիլյամ Հորնբեկը հայտնի էր որպես բծախնդիր վարպետ՝ աշխատանքի ժամանակ միշտ սպիտակ ձեռնոցներ հագած։

3 անգամ ամուսնացած է եղել, առաջին կինը դերասանուհի Մարջորիե Քեյնն էր, երկրոդ կինը՝ Ռութ Հորնբեկ։ Իսկ երրորդ կնոջ՝ Ռոզմարի Շիի հետ ամուսնացել է 1945 թվականին և ապրել մինչև մահանալը՝ 1980 թվականը։

Մրցանակներ[խմբագրել]

4 անգամ առաջադրվել է Օսկար հեղինակավոր մրցանակին, ստացել մեկ Օսկար։

տարի ֆիլմ Օսկար ռեժիսոր դերասաններ
1946 «Այս հրաշալի կյանքը» ներկայացվել է Ֆրենկ Կապրա Ջեյմս Ստյուարտ
Դոննա Ռիդ
Լայոնել Բերիմոր
Թոմաս Միտչել
Հենրի Տրևերս
Ուորդ Բոնդ
Ֆրենկ Ֆայլեն
Սեմուել Հինդս
Գլորիա Գրեհեմ
Բելա Բոնդի
1952 «Տեղ արևի տակ» ստացել է Ջորջ Սթիվենս Մոնտգոմերի Կլիֆթ
Էլիզաբեթ Թեյլոր
Շելլի Ուինտերս
1957 «Հսկան» ներկայացվել է Ջորջ Սթիվենս Էլիզաբեթ Թեյլոր
Դենիս Հոփեր
Ջեյմս Դին
Ռոք Հադսոն
Քերոլ Բեյքեր
1958 «Ես ուզում եմ ապրել» ներկայացվել է Ռոբերտ Ուայզ Սյուզան Հեյվորդ

Աղբյուրներ[խմբագրել]

  • IMDb կայքում Ուիլյամ Հորնբեկի էջ

Արտաքին հղումներ[խմբագրել]