Շիրակացու ճեմարան

Շիրակացու ճեմարան;
Տեսակ	դպրոց
Հիմնադրված է	1990
Անվանված է	Անանիա Շիրակացի
Երկիր	Հայաստան
Տեղագրություն	Երևան
Կայք	shirakatsy.am(հայ.)(անգլ.)

Երևանի Անանիա Շիրակացու անվան ճեմարանը ստեղծվել է 1990 թվականին Հայաստանի կառավարության որոշմամբ։

Ճեմարանի մասին[խմբագրել | խմբագրել կոդը]

Ճեմարանը հանրակրթական ուսումնական հաստատություն է, որը հնարավորություն է ընձեռում Հայաստանի, Սփյուռքի և արտասահմանյան երկրների շնորհաշատ երեխաներին ստանալ լիարժեք ու բարձրակարգ կրթություն։

Ճեմարանը իրականացնում է շնորհալի երեխաների կրթության կազմակերպման և օժտվածության խնդիրների ուսումնասիրման հեղինակային ծրագիրը։

Ճեմարանը 2007 թ.-ից անդամակցել և համագործակցում է տարբեր միջազգային կառույցներ հետ և իր որդեգրած սկզբունքների ոգով կրթական ծրագրերը համատեղում է համամարդկային և կամային բարձր որակներ ձևավորող ծրագրերի իրականացման հետ։

Մենք ապահովում ենք[խմբագրել | խմբագրել կոդը]

հայ ժողովրդի ազգային առաջադեմ ավանդույթների ոգով սովորողների դաստիարակություն
քաղաքացիական և համամարդկային արժեքների ձևավորում
անձի բազմակողմանի և ներդաշնակ զարգացում
հանրակրթական խոր գիտելիքներ
լիարժեք և բարձրակարգ միջնակարգ կրթություն

Ընդունելություն[խմբագրել | խմբագրել կոդը]

Առաջին դասարանի ընդունելությունը իրականացվում է դիմորդի բժշկահոգեբանական պատրաստվածության հիման վրա համապատասխան հանձնաժողովի երաշխավորությամբ։

Համալիրի կրտսեր, միջին և ավագ դպրոցների վճարովի համակարգ կարող են ընդունվել քննությունների արդյունքների հիման վրա՝ մրցութային ընտրությամբ։

Պետպատվերով ուսուցման տեղեր կարող են ընդունվել 7-րդ դասարանն ավարտած աշակերտները մրցութային ընտրությամբ։

Ուսուցում[խմբագրել | խմբագրել կոդը]

Ուսումնական տարին սկսվում է սեպտեմբերի 1-ից։
Ուսումնական խմբերում սովորողների թիվը 12-18 է։
Ճեմարանի կրթական գործընթացը կազմակերպվում է նաև երկարացված օրվա և շուրջօրյա աշխատակարգերով։

Արտասահմանյան երկրներից ժամանած, ինչպես նաև նախորդ դպրոցում օտար լեզվով կրթություն ստացած սաների համար ճեմարանում կազմակերպվում է անհատական ուսուցում։ Նման սաների ուսուցման լեզուն ժամանակավորապես կարող է լինել ոչ հայերեն, մինչև ինտենսիվ ուսուցմամբ հայերենի անհրաժեշտ իմացության ձեռք բերումը։

Ճեմարանում սովորել և սովորում են հայ և օտարազգի աշակերտներ ԱՄՆ-ից, Կանադայից, Անգլիայից, Իտալիայից, Մեքսիկայից, Կիպրոսից, Իսրայելից, Իրանից, Լիբանանից, Ավստրիայից, Լեհաստանից, Հնդկաստանից, Սիրիայից, Շվեդիայից, Ռուսաստանից, Ուկրաինայից և ԱՊՀ այլ երկրներից։
11-րդ և 12-րդ դասարաններում սաների նախընտրած առարկաներից կազմակերպվում է տարբերակված խորացված ուսուցում։
Համալիրի սովորողներին տրվում է սնունդ, անհրաժեշտության դեպքում՝ հանրակացարան։
Սովորողների տեղափոխումը իրականացվում է 50-ից ավելի երթուղիներով։
Պետպատվերով սովորող սաներին տրվում է կրթաթոշակ։
Գերազանց առաջադիմությամբ, միաժամանակ հանրապետական կամ միջազգային օլիմպիադաների հաղթող սաներին տրվում է անվանական կրթաթոշակ։
Ուսման մեջ չառաջադիմող, ինչպես նաև ճեմարանի վարքականոնի պահանջներին չհամապատասխանող սովորողներն ազատվում են ճեմարանից։

Արտաուսումնական առօրյա[խմբագրել | խմբագրել կոդը]

Արտաուսումնական ժամերին կազմակերպվում է ինքնուրույն դասապատրաստում, գործում են երգչախումբ, կերպարվեստի, պարի և թատերական ստուդիաներ, առարկայական ֆակուլտատիվներ, սպորտային սեկցիաներ և այլն։

Մեր կառույցները և համակարգը[խմբագրել | խմբագրել կոդը]

Կառույց	Տարիք/դասարան	Ուսուցման տևողություն	Համակարգ
նախակրթարան	3-5 տարեկանից	3-1 տարի	վճարովի
կրտսեր դպրոց	1-4-րդ դասարան	4 տարի	վճարովի
միջին դպրոց	5-9-րդ դասարան	5 տարի	պետպատվերի և վճարովի
ավագ դպրոց	10-12-րդ դասարան	3 տարի	պետպատվերի և վճարովի
հիմնական կիրակնօրյա նախապատրաստական դպրոց	7-րդ դասարան	1 տարի	վճարովի

Համալիրում գործում են[խմբագրել | խմբագրել կոդը]

առարկայական ամբիոններ և լաբորատորիաներ
գրադարան
տեղեկատվական հաղորդակցման տեխնոլոգիաների կենտրոն
ժամանակակից համակարգչային կաբինետներ
բուժական և կենցաղային սպասարկման ծառայություններ
հոգեբանական ծառայություն
հոգեբանության գիտահետազոտական լաբորատորիա
լոգոպեդական ծառայություն
ծնողական համալսարան
մարզաառողջարարական համալիր
հանրակացարան
«Հեքիաթ» ամառանոցը Հանքավանում
Համալիրի կառավարման համակարգում իրենց կարևոր դերն ունեն ծնողական խորհուրդը և «Ճեմարանականների միություն» հասարակական կազմակերպությունը։

Աշխատակիցներ[խմբագրել | խմբագրել կոդը]

Ճեմարանի մանկավարժական աշխատակազմի ընդունելությունը կատարվում է մրցութային ընտրությամբ, որն իրականացվում է համապատասխան բնագավառում հանրապետության ճանաչված մասնագետների, ինչպես նաև հոգեբանության և մանկավարժության ոլորտի հայտնի ներկայացուցիչների կողմից։ Ներկայումս ճեմարանում աշխատող ուսուցիչների գերակշռող մասը հանրապետությունում իրենց գործի հմուտ մասնագետներ են, որոնցից 15-ը գիտությունների թեկնածուներ են։

Ճեմարանի գիտախորհրդատվական աշխատանքներում ներգրավված են հանրապետությունում ճանաչված անվանի գիտնականներ։ Նրանց թվում են 10 գիտությունների թեկնածուներ, 7 դոկտոր-պրոֆեսորներ և ԳԱԱ 2 թղթակից անդամներ։

Մեր շրջանավարտները[խմբագրել | խմբագրել կոդը]

Ճեմարանի բոլոր 1179 շրջանավարտները ընդունվել են բուհ իրենց նախընտրած մասնագիտություններով։ Տասնյակ ճեմարանականներ սովորել և սովորում են արտասահմանյան երկրներում (Ռուսաստան, ԱՄՆ, Գերմանիա, Իսրայել, Հունաստան, Անգլիա, Չինաստան, Ֆրանսիա, Թայլանդ, Կիպրոս, Իտալիա, ԱՊՀ երկրներ)։

Ճեմարանը կրթության համահայկական կենտրոնի և միջազգային դպրոցի ճանապարհին[խմբագրել | խմբագրել կոդը]

2008 թ. - ճեմարանը ԱՊՀ երկրների միջազգային բակալավրիատի դպրոցների ասոցիացիայի անդամ։ 2011 թ.-ի օգոստոսից ճեմարանի կրտսեր դպրոցը, իսկ 2012 թ. սեպտեմբերից՝ միջին դպրոցը, ճանաչվել են միջազգային բակալավրիատի թեկնածու դպրոցներ։ Ճեմարանը շարունակում է իր աշխատանքները կրտսեր դպրոցի (PYP)և միջին դպրոցի ծրագրի (MYP) իրականացման ավտորիզացիայի ուղղությամբ։ 2009 թ. - ճեմարանը «Ռաունդ Սքվեր» (ՌՍ) միջազգային դպրոցների համաշխարհային ասոցիացիայի տարածաշրջանային անդամ դպրոց, իսկ 2010 թ.՝ լիիրավ անդամ։ 2009 թ.-ից սկսված ճեմարանը ակտիվորեն մասնակցում է ՌՍ-ի շրջանակներում աշակերտների փոխանակման, հանրությանը ծառայությունների մատուցման և այլ ծրագրերի՝ աշխարհի տարբեր երկրներում։ 2010 թ. սեպտեմբերին ճեմարանը «Մայքրոսոֆթ» ընկերության համաշխարհային գրասենյակի կողմից ճանաչվել է աշխարհի ամենաառաջավոր նորարար դպրոցներից մեկը, և հոկտեմբերին ճեմարանի պատվիրակությունը մասնակցել է Քեյփթաունում Մայքրոսոֆթի կազմակերպած «Նորարար կրթություն» համաժողովին։ 2010 թ. նոյեմբերին Երևանի Անանիա Շիրակացու անվան ճեմարանը հանդիսավոր կերպով նշեց իր 20-ամյա հոբելյանը։ 2010 թ.-ից ճեմարանի կրտսեր դպրոցում իրականացվում է միջազգային բակալավրիատի (ՄԲ) ինտեգրված ծրագիրը՝ հետագայում ՄԲ անդամ դպրոց դառնալու նպատակով։ 2012 թ.-ի մայիսից ճեմարանը հանդիսանում է Ինֆորմացիոն Տեխնոլոգիաների Ձեռնարկությունների Միության /ԻՏՁՄ/ ասոցիացված անդամ^[1]։

Ճեմարանի ստեղծման գաղափարակիրը և հիմնադիր տնօրենը Աշոտ Ալիխանյանն է։