Շիլիոն (անգլ.՝ Shillon), ամրոց Շվեյցարիայում, Ժնև լճի ափին։ Առաջին անգամ հիշատակվում է 1150 թվականին։ Միջնադարում եղել է Սավոյական կոմսերի (ապա՝ դուքսերի) նստավայրը։ 1530-1536 թվականներին Շիլիոնի ներքնահարկում կալանավորված է եղել շվեյցարական քաղաքական գործիչ Ֆ․ Բոնիվարը (Ջորջ Բայրոնի «Շիլիոնի կալանավոր»-ի նախատիպը)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 495)։
