Մերի Շելլի

Վիքիպեդիայից՝ ազատ հանրագիտարանից
MaryShelley.jpg

Մերի Շելլի (անգլ.՝ Mary Shelley; ի ծնե՝ մերի Ուոլսթոնքրաֆթ Գոդվին, անգլ.՝ Mary Wollstonecraft Godwin) (1797թ. օգոստոսի 30, Լոնդոն - փետրվարի 1 1851թ., Լոնդոն), անգլիական գրող, Պերսի Բիշի Շելլիի կինը, «Ֆրանկենշթեյն կամ Ժամանակակից Պրոմեթևս» (Frankenstein։ or, The Modern Prometheus, 1818) վեպի հեղինակ։ Նրա հայրը քաղաքական փիլիսոփա Վիլիամ Գոդվինն էր, մայրը ֆեմինիստ Մարի Վոլստոնքրաֆտը: Մերիի մայրը մահանում է, երբ նա տասնմեկ տարեկան էր։ Նրան ու խորթ քրոջը մեծացրել է հայրը։ Գոդվինը աղջկան ապահովում է բարձր և խրախուսում նրա ազատ քաղաքական հայացքները։ 1814 թվականին Մերի Գոդվինը ռոմանտիկ հարաբերություններ է սկսում հոր քաղաքական հետևորդներից մեկի Փերսի Շելլիի հետ, ում հետ էլ հետագայում ամուսնանում է։ Նրանք միասին Մերիի քրոջ հետ մեկնում են Ֆրանսիա: Այնտեղից ճամփորդում են ամբողջ Եվոպայով։ Անգլիա վերադառնալու ժամանակ նա արդեն Փերսիի երեխային էր սպասում։ Հաջորդ երկու տարիների ընթացքում նա ու Փերսին բազմաթիվ խնդիրների են բախվում. շարունականան, պարտքեր, բնակության վատ պայմաններ, մահանում է նրանց վաղաժամ ծնված դուստրը։ Նրանք ամուսնացել էին 1816 թվականին, Փերսիի առաջին կնոջ ինքնասպանությունից հետո։ 1816 թվականի ամառը զույգը անցկացնում է Բայրոնի ու Ջոն Վիլիամ Պոլիդերի հետ Ջենովայի մոտ, Շվեցարիայում, որտեղ էլ Մերի Շելլին հղանում է «Ֆրանկենշտեյն» վեպի գաղափարը։ 1818 թվականին Շեյլիները մեկնում են Իտալիա, որտեղ մահանում են նրանց երկրորդ և երրորդ երեխաները և ծնվում Փերսի Ֆլորենս Շելլին, չորրորդ երեխան։ 1822 թվականին մահանում է նրա ամուսինը, խողդվելով փոթորկի ժամանակ։ Մի տարի անց Մերի Շելլին վերադառնում է Անգլիա և ամբողջովին նվիրվում տղայի դաստիարակությանն ու գրական կյանքին։ Կյանքի վերջին տարիներին տառապում էր ուղեղի ուռուցքով, ինչն էլ դառնում է հիսուներեք տարեկանում մահվան պատճառ։ «Ֆրանկենշտեյն» վեպը գրելիս Մերի Շեյլին ընդամենը տասնութ տարեկան էր։ Մերի Շելլին մահացել է 1851 թվականի փետրվարի մեկին։ Ջեյն Շելլիի հավաստմամբ Մերի Շելլին ուզում էր որ իրեն թաղեն մոր ու հոր կողքին, բայց Ջեյնն ու Փերսին որոշում են նրան հուղարկավորել իրենց տան մոտ Բոսկոմբում։ Մերի Շելլիի մահվան հինգերորդ տարելիցի ժամանակ որդին ու հարսը բացում են նրա անձնական իրերի արկղը, որտեղ գտնում են մահացած երեխաների մազափնջերը, իր և ամուսնունոթատետրը։