Նորայր Դավիդյան

Նորայր Դավիդյան;
Ծնվել է	հունվարի 24, 1950
Ծննդավայր	Երևան, Հայկական ԽՍՀ, ԽՍՀՄ
Մահացել է	սեպտեմբերի 20, 2020 (70 տարեկան)
Քաղաքացիություն	Հայաստան
Ազգություն	հայ
Գիտական աստիճան	բժշկական գիտությունների դոկտոր
Մասնագիտություն	այրվածքաբան
Աշխատանք	ՀՀ առողջապահության նախարար (2003-2007)
Կուսակցություն	ՀՅԴ

Նորայր Դավիդյան (հունվարի 24, 1950(1950-01-24), Երևան, Հայկական ԽՍՀ, ԽՍՀՄ - սեպտեմբերի 20, 2020(2020-09-20)^[1]), այրվածքաբան։ Բժշկական գիտությունների դոկտոր։ ՀՀ առողջապահության նախարար (2003-2007)։

Կենսագրություն

1966-1972 թթ. սովորել է Երևանի պետական բժշկական ինստիտուտի բուժական ֆակուլտետում, 1972-1973 թթ.՝ Երևանի պետական բժշկական ինստիտուտի ինտերնատուրայում։1976-1980 թթ. այրվածքային վիրաբուժության գծով վերապատրաստվել է Մոսկվայի Վիշնևսկու անվան վիրաբուժական ինստիտուտում։ Միջազգային գիտատեխնիկական կենտրոնի ներկայացրած ծրագրի «A-948» գիտական թեմայի ղեկավար-մենեջեր^[2]։

Գործունեություն

1973-1995 թթ. եղել է Երևանի թիվ 6 կլինիկական հիվանդանոցի այրվածքային բաժանմունք՝ վիրաբույժ, 1982 թվականից՝ ՀՀ առողջապահության նախարարության գլխավոր մասնագետ այրվածքային վիրաբուժության գծով, 1985-1991 թթ. ՝ Մանկական այրվածքաբանության բաժանմունքի վարիչ, 1991-1995 թթ. ՝ Այրվածքների կենտրոնի ղեկավար, 1995-2003 թթ. ՝ ՀՀ առողջապահության նախարարության ճառագայթային բժշկության և այրվածքային գիտական կենտրոնի ղեկավար։ 1996 թվականին այրվածքային վիրաբուժության գծով վերապատրաստվել է Նյու Յորքի Կոռնելի անվան համալսարանում։ 1996 թվականին ղեկավարել է ՀՀ ԳԱԱ «Ծանր այրվածքների բուժումը» գիտական թեման։ 2003 -2007 թթ. եղել է ՀՀ առողջապահության նախարար։

Անդամակցություն

ՀՅԴ անդամ
Ռուսաստանի Դաշնության Բնական գիտությունների ակադեմիայի /հայկական մասնաճյուղ/ իսկական անդամ, ակադեմիկոս, 2003
Ռուսաստանի Դաշնության բժշկատեխնիկիական գիտությունների ակադեմիայի իսկական անդամ, ակադեմիկոս, 2003
Բնապահպանության և կենսաապահովման անվտանգության միջազգային գիտությունների ակադեմիայի իսկական անդամ, ակադեմիկոս, 2004

Պարգևներ, մրցանակներ

Հանովերի բնական գիտությունների Եվրոպական ակադեմիայի կողմից «Ռոբերտ Կոխի» շքանշան, 2005
«Ռենտգենի անվան մեդալ», 2003
«Ռուդոլֆ Վիրխովի անվան մեդալ», 2003
Ռուսաստանի Դաշնության բժշկատեխնիկիական գիտությունների ակադեմիայի «Ոսկե մեդալ», 2004
Մխիթար Հերացու անվան Երևանի պետական բժշկական համալսարանի «Ոսկե մեդալ», 2005
ԼՂՀ ինքնապաշտպանության կոմիտեի նախագահի կողմից հումանիտար օգնության կազմակերպման մեծ աշխատանքներ կատարելու համար շնորհակալագիր, 1992
Ազատամարտի վետերանների միության շնորհակալագիր, 2005
ՀՀ Պաշտպանության նախարար Սեյրան Օհանյանի կողմից «Դրաստամատ Կանայան» մեդալ, 2011

Ընտանիք

Ամուսնացած է, ունի մեկ երեխա։

Նախորդող
Արարատ Մկրտչյան

ՀՀ Առողջապահության նախարար
Նորայր Դավիդյան
15 հունիսի 2003 թ. - 10 հունիսի 2007 թ.

Հաջորդող
Հարություն Քուշկյան

Ծանոթագրություններ

[_043b00e3dc782aa8-1] 1,0 ^1,1 ^1,2 Մահացել է Նորայր Դավիդյանցը

[2] Նորայր Դավիդյան

[1]

[2]