Նիկոլ Ֆարիդանի

Վիքիպեդիայից՝ ազատ հանրագիտարանից
Jump to navigation Jump to search
Նիկոլ Ֆարիդանի
Ծնվել է դեկտեմբերի 28, 1935(1935-12-28)
Ծննդավայր Շիրազ, Իրան
Մահացել է փետրվարի 6, 2008(2008-02-06)[1] (72 տարեկանում)
Մահվան վայր Թեհրան, Իրան
Քաղաքացիություն Flag of Iran.svg Իրան
Մասնագիտություն լուսանկարիչ

Նիկոլ Թադևոսի Ֆարիդանի (Նժդեհ Ֆարիդանի, (պարս․՝ نیکول فریدنی, դեկտեմբերի 28, 1935(1935-12-28), Շիրազ, Իրան - փետրվարի 6, 2008(2008-02-06)[1], Թեհրան, Իրան[2]), իրանահայ լուսանկարիչ:

Կենսագրություն[խմբագրել | խմբագրել կոդը]

Նիկոլ Ֆարիդանին ծնվել է 1935 թվականին Շիրազում` Թադևոսի և Շալեթի ընտանիքում: Երբ Նիկոլն երկու տարեկան էր, ընտանիքը տեղափոխվել է Սպահան, որտեղ Նիկոլը սովորել է Նոր Ջուղայի Շահ Աբասի դպրոցում: Այնուհետև տեղափոխվել են Թեհրան, ավելի ուշ` Կերման, 1955 թվականին վերջնականապես հաստատվել են Թեհրանում: Իրանի նավթային ընկերությունում Նիկոլը չորս տարի աշխատել է որպես լուսանկարիչ[3], այնուհետև տեղափոխվել է նավթային կոնսորցիում, որտեղ աշխատել է 15 տարի` փորձելով երկրաբանական լուսանկարչություն, ֆոտոմիկոգրաֆիա և օդալուսանկարչություն: Օդում լուսանկարել է ավելի քան 300 ժամ: 1975 թվականից զբաղվել է իր բիզնեսով:

Ֆարիդանին հայտնի էր որպես բնության լուսանկարիչ` հատկապես անապատների: Ճամփորդել է Հնդկաստանում, Պակիստանում, Նեպալում և Աֆղանստանում[4]:

Aquote1.png Նիկոլը բանաստեղծ է, և նրա յուրաքանչյուր նկար մի գազել է, մի ռուբայի, երբեմն` մեծածավալ պոեմ` նվիրված Իրանին:
- Մոչթաբա Քաշանի[3]
Aquote2.png


Մահ[խմբագրել | խմբագրել կոդը]

Մահացել է 2008 թվականի փետրվարի 6-ին շագանակագեղձի քաղցկեղից, թոքաբորբից և պարկինսոնյան հիվանդությունից[5]:

Ցուցահանդեսներ[խմբագրել | խմբագրել կոդը]

Անհատական ցուցահանդեսներ է ունեցել Ֆրանսիայում, Կանադայում: Շվեդիայում արժանացել է առաջին մրցանակի[3]:

Ընտանիք[խմբագրել | խմբագրել կոդը]

Առաջին ամուսնությունից ունեցել է երկու դուստր: Դուստրերից Կատրինը նույնպես լուսանկարչուհի է[6]:

Հրատարակություններ[խմբագրել | խմբագրել կոդը]

  • «Իրան» վերտառությամբ բնապատկերների և Յազդ քաղաքի շենքերի ու տեսարանների ֆոտոալբոմներ:
  • 2001 թվականին «Յասավոլի» հրատարակչությունը տպագրել է Ֆարիդանիի հիսուն տարիների ընթացքում նկարած բնանկարների ընտրանին գունավոր ֆոտոալբոմով` «Իրանյան բնանկարներ» վերտառությամբ:

Ծանոթագրություններ[խմբագրել | խմբագրել կոդը]

  1. 1,0 1,1 1,2 http://web.archive.org/web/20080207102010/http://www.tehrantimes.com:80/index_View.asp?code=162884
  2. «Iran: Photographer of dessert terrains Nikol Faridani dies»։ www.payvand.com։ Վերցված է 2017-09-23 
  3. 3,0 3,1 3,2 Վահան Քոչար, «Հայ լուսանկարիչներ», Երևան, Հեղինակային հրատարակություն, 2007:
  4. «برای عکاسی که 20 سال دست‌هایش لرزید»։ ایسنا (fa-IR)։ 2014-01-19։ Վերցված է 2017-09-23 
  5. Photographer of dessert [sic] terrains Nikol Faridani dies, Tehran Times, 7 February 2008.
  6. «KATRIN FARIDANI» 

Արտաքին հղումներ[խմբագրել | խմբագրել կոդը]