Հրանտ Միրզոյան
- Վիքիպեդիայում կան հոդվածներ Միրզոյան ազգանունով այլ մարդկանց մասին։
Հրանտ Միրզոյան | |
|---|---|
| Ի ծնե | Հրանտ Սերյոժայի Միրզոյան |
| Ծնվել է | 1962, հուլիսի 26 |
| Ծննդավայր | Գյումրի, Շիրակի մարզ |
| Ազգություն | հայ |
| Մասնագիտություն | նկարիչ |
| Ակտիվ շրջան | նկարիչ |
| Անդամակցություն | Հայաստանի նկարիչների միություն |
Հրանտ Սերյոժայի Միրզոյան (1962, հուլիսի 26, Գյումրի), հայ նկարիչ։
Կենսագրություն[խմբագրել | խմբագրել կոդը]
- 1977-1981 թթ. սովորել է Երևանի Փանոս Թերլեմեզյանի անվան գեղարվեստի ուսումնարանում
- 1981-1987 թթ.` Երևանի գեղարվեստի ինստիտուտում
- 1988 Հայաստանի նկարիչների միության անդամ է
- 1997 թվականից` նկարիչների միջազգային միության (ՅՈՒՆԵՍԿՕ) անդամ
Ցուցահանդեսներ[խմբագրել | խմբագրել կոդը]
- 2007 Անհատական ցուցահանդես, "Art" պատկերասրահ, Ալմա Աթա, Ղազախստան
- 1994 Անհատական ցուցահանդես "Bilo Roge" պատկերասրահ, Պրահա, Չեխիա
- 1989 Անհատական ցուցահանդես Երևանի ժամանակակից արվեստի թանգարանում
- 2004 Artexpo, Արտ Կովկաս
Խմբակային ցուցահանդեսներ է ունեցել Հայաստանում, Օսլոյում, Վիեննայում, Մոսկվայում, Տորոնտոյում, Աբու Դաբիում, Փարիզում, Գերմանիայում, Ֆլորենցիայում, Նյու-Յորքում, Բոստոնում, Լոս Անջելեսում, Թուրքիայում, Թեհրանում, Անգլիայում, Շվեդիայում, Արգենտինայում, Բեյրութում, Սիրիայում։
Մեջբերումներ Հրանտ Միրզոյանից[խմբագրել | խմբագրել կոդը]
- Գույները մատների նման են, չես կարող ընտրել մեկնումեկն ու ասես՝ սա իմ սիրելին է։ Ավելի լավ է ինձ տարբեր գույների շրջաններով բնութագրեմ։ Մի ժամանակահատված ես կանաչի երանգներն էի, հետո՝ մուգ, այժմ էլ՝ բաց, եթերային գույներն են ինձ բնութագրում։
- Գույները պետք է ներդաշնակության մեջ լինեն թե միմյանց, թե ինձ հետ։ Գույներն ինձ համար իմաստակիր չեն, բայց արտահայտում են զգացմունքներս։ Կան գույներ, որ միայնակ չեն նայվում, բայց երբ սկսում են զրուցել միմյանց հետ, էմոցիա են արտահայտում՝ իմաստ ձեռք բերելով։
- Ագրեսիվ գույներ չկան։ Նկարչությունն ազատություն է, գույները չեն կարող բնորոշումներ ունենալ։ Համադրության մեջ նրանք տարբեր ինֆորմացիայի իմաստակիրներ են։ Գույները չեն կարող գոյություն ունենալ առանց ֆորմաների։ Դրանք անզոր են կենդանանալ, եթե ֆորման անհետաքրքիր է։ Երևանը վառ գույներով եմ տեսնում' իր կոլորիտը բազմերանգ է։
- Հիմնականում մաքուր գույներով չեմ աշխատում, խառնում եմ ու ստանում անհրաժեշտ երանգները։ Կտավին գույները հանձնելուց հետո անպայման պետք է զարմանաս։ Իմաստը հենց դա է, այլապես նոր նկար չես կարող նկարել։ Գույներին ինչ-որ բան համոզելը դժվար է։ Նրանց հետ դու-ով եմ խոսում։
- Առանց ներդաշնակության ցանկացած գույնը կարող է փչացնել պատկերը։ Իսկ իմ գույների ներդաշնակությունը կոնտրաստի մեջ է[1]։
Ծանոթագրություններ[խմբագրել | խմբագրել կոդը]
- ↑ Հրանտ Միրզոյան(չաշխատող հղում)