Հենրի Հիլ

Վիքիպեդիայից՝ ազատ հանրագիտարանից
Jump to navigation Jump to search
Հենրի Հիլ
անգլ.՝ Henry Hill Jr.
Դիմանկար
Ծնվել էհունիսի 11, 1943(1943-06-11)
ԾննդավայրԲրուքլին, Նյու Յորք, Նյու Յորք, ԱՄՆ
Մահացել էհունիսի 12, 2012(2012-06-12) (69 տարեկան)
Մահվան վայրԼոս Անջելես, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ
Մասնագիտությունվերականգնող, նկարիչ, ռեստորատոր, գանգստեր և Թմրավաճառ
ԱմուսինKaren Friedman Hill?
Commons-logo.svg Henry Hill Վիքիպահեստում

Հենրի Հիլ կրտսեր (անգլ.՝ Henry Hill Jr., հունիսի 11, 1943(1943-06-11), Բրուքլին, Նյու Յորք, Նյու Յորք, ԱՄՆ - հունիսի 12, 2012(2012-06-12), Լոս Անջելես, Կալիֆոռնիա, ԱՄՆ), ամերիկացի գանգստեր, սերտորեն համագործակցել է Լուկեզեի ընտանիքի հետ։

Լինելով ընտանիքի համախոհներից մեկը՝ Հիլը մասնակցել է Ջոն Քենեդիի անվան միջազգային օդանավակայանի երկու կողոպուտներներին՝ ԱՄՆ պատմության մեջ ամենախոշոր իրադարձություններին, 1967 թվականի ապրիլին և 1978 թվականի դեկտեմբերին[1]։ Ընտանիքի հետ վերջնականապես խզելով կապերը՝ Հիլը դարձել է ՀԴԲ-ի իրազեկիչը և պատմել Լուկեզեի ընտանիքի գործերի մասին, ընդհուպ մինչև մանրամասնություններ[1]։

Հենրի Հիլը մահացել է 2012 թվականի հունիսի 12-ին Լոս Անջելեսում։ Նրա կյանքի պատմությունը հիմք է ծառայել Նիկոլաս Պիլեջիի «Խելացին» գրքի համար, որը էկրանավորել Է Մարտին Սկորսեզեն՝ «Փառավոր տղաներ» անվանումով։ Հիլի դերակատարը եղել է Ռեյ Լիոտան։

Հենրի Հիլը դարձել է «Mafia: The City of Lost Heaven» խաղի գլխավոր կերպարի`Թոմաս Անջելոյի նախատիպը[2]։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Հենրի Հիլ կրտսերը ծնվել է 1943 թվականի հունիսի 11-ին Նյու Յորք նահանգի Բրուքլին քաղաքում։ Հայրը՝ Հենրի Հիլ ավագն իռլանդացի էր, իսկ մայրը՝ Կարմելա Հիլը՝ սիցիլիացի[1]։ Տղան ունեցել է մի քանի եղբայրներ և քույրեր[3]։ Հիլի տնից ոչ հեռու գտնվել է տաքսու կայանատեղին, որտեղ սովորաբար հավաքվել են շրջանի բոլոր գանգստերները[3]։ Հենրին սիրում էր այցելել այդ վայրը և շփվել հանցագործների հետ։ Ավտոկայանատեղիի սեփականատերը Փոլ Վարիոն էր, որը և Հիլին տրամադրել է նրա կյանքի առաջին աշխատանքը[3]։

1955 թվականին Հիլը լքել է դպրոցը և սկսել ավելի հաճախ հանդիպել գանգստերների հետ[3]։ Տղայի մոտ հանցագործների հետ նման կապվածություն է առաջացել այն պատճառով, որ նրանք պարկեշտորեն են վարվել նրա հետ, ի տարբերություն հոր, որը ցանկացած հնարավորության դեպքում Հենրիին ծեծի էր ենթարկում[3]։ Ըստ ճակատագրի հեգնանքի՝ Հիլն իր կիսաիռլանդական արմատների պատճառով իրավունք չի ունեցել ընտանիքում պաշտոնապես դառնալ ընտանիքի գլուխը[3]։ Սակայն մաֆիայի օրենքների համաձայն՝ հանցավոր խմբավորումը կարող էր նրան իր մոտ ընդունել, սակայն միայն «երկրորդ պլանում»[3]։

17 տարեկան հասակում Հիլն անցել է բանակային ծառայություն, որտեղ անցկացրել է երեք տարի։ Բայց այդ շրջանում էլ նա չի դադարեցրել մաֆիայի հետ իր կապերը և շարունակել է հանցավոր գործունեությունը։ Մասնավորապես, նա բանակային խոհանոցից անօրինական կերպով վաճառել է պարենի ավելցուկները[4]։

Առաջին խոշոր հանցագործություններն ու համագործակցությունը Ջիմի Բերքի հետ[խմբագրել | խմբագրել կոդը]

1960-ական թվականների սկզբին բանակում ծառայելուց հետո Հիլը վերադարձել է Նյու Յորք, որտեղ սկսել է սերտորեն համագործակցել հեղինակավոր գանգստերներ Ջիմի Բերքի և Թոմի Դեսիմոնեի հետ[3]։ Նրա մասին խոսել են բոլորը, մասնավորապես այն, որ նա ծայրահեղ դաժան և հոգեկան անհավասարակշիռ հանցագործ էր[3]։ Մի քանի այլ հանցակիցների հետ ավազակախմբում նրանք բազմաթիվ խոշոր գործեր են արել, այդ թվում՝ վաշխառություն, կրկնակի հաշվապահության ստեղծում և գողացված ապրանքների առևտուր[3]։ Բերքի հիմնական մասնագիտացումը բեռնատար մեքենաների առևանգումն էր[3]։ Հատկանշական է, որ մեքենայի առևանգման ժամանակ Բերքը վարորդին իր խնդրի համար 50 դոլար է տվել, ինչի համար նույնիսկ ստացել է «Ջիմի ջենթլմեն» մականունը[3]։

1960-ական թվականների կեսերին Հիլը ծանոթացել է Կարեն Ֆրիդման անունով հրեա աղջկա հետ, որի հետ շուտով ամուսնացել է[3]։ 1967 թվականին Հենրի Հիլը մասնակցել է Ջոն Քենեդիի անվան միջազգային օդանավակայանի հայտնի կողոպուտին, որի ժամանակ մոտ կես միլիոն դոլար գողացվել էր պահեստից[3]։ Այս իրադարձությունը կտրուկ բարձրացրել է Հիլի հեղինակությունը հատկապես նյույորքյան քրեական շրջանակներում[3]։

Հիլը շարունակել է սերտ համագործակցությունը Ջիմի Բերքի հետ[5]։ Նրանք միասին մեկնել են Ֆլորիդա, որպեսզի մեծ պարտք վերցնեն քարտայինի խաղացողից[5]։ Սակայն նա չէր պատրաստվում այդքան գումար տալ, ինչի պատճառով դաժան ծեծի էր ենթարկվել[5]։ Միջադեպը հետաքրքրել է ոստիկանությանը, և Հիլը անմիջապես կալանավորվել է և ուղարկվել դաշնային դատարան[5]։ Դատարանի վճռով Հիլը դատապարտվել է 10 տարվա ազատազրկման, սակայն անազատության մեջ է եղել ընդամենը 4 տարի[5]։ Նա բանտում թմրանյութեր էր վաճառում և ազատ ժամանակն անցկացնում էր մաֆիայի մյուս անդամների հետ[5]։ 1978 թվականի հուլիսին Հիլը Փոլ Վարիոյի շնորհիվ ժամանակից շուտ լքել է բանտը[5]։

Օդանավակայանի երկրորդ կողոպուտ[խմբագրել | խմբագրել կոդը]

Բանտից դուրս գալուց անմիջապես հետո Վարիոն Հիլին աշխատանքի է տեղավորել իր գիշերային ակումբում[5]։ Դրանից երկու օր անց Հիլը մեկնել է Փիթսբուրգ, ինչն ամբողջությամբ խախտել է վաղաժամկետ ազատման պայմանները[5]։ Այնտեղ նա հանդիպել է Փոլ Մազեյ անունով մի մարդու հետ, որը նրան մեծ գումար էր պարտք[5]։ Դոլարի փոխարեն Մազեյը Հիլին տվել է մարիխուանայով լցված երկու ճամպրուկ[5]։ Վախենալով ինքնաթիռով վերադառնալ՝ Հիլը նստել է ավտոբուս և հենց այնտեղ սկսել է թմրադեղեր վաճառել՝ դրանով իսկ խախտելով իր ընտանիքի վաղաժամկետ ազատման պայմաններից մեկը, ըստ որի՝ «ընտանիքի հանցակիցներից ոչ մեկը չի կարող թմրանյութեր վաճառել»[5]։ Չնայած դրան՝ շուտով Հիլը սկսել է թմրանյութերի առևտրի խոշորագույն գործունեություն[5]։ Նա գործ է ունեցել մարիխուանայի, կոկաինի, հերոինի և մետակվալոնի հետ[5]։

Հենրի Հիլի կենսագրության առանցքային դրվագը Ջոն Քենեդիի անվան միջազգային օդանավակայանի երկրորդ կողոպուտն էր, որը տեղի է ունեցել 1978 թվականի դեկտեմբերին[5]։ 1978 թվականի դեկտեմբերի 11-ին վեց կամ յոթ դիմակավորված զինված անձինք ներխուժել են Lufthansa ավիափոխադրողի բաժանմունք, որը գտնվում է Քենեդիի անվան օդանավակայանում, կապկպել են թիկնապահներին և փախել 5 միլիոն դոլարով լի պարկերով[5]։ Հիլն օգնում էր պլանավորել այս ամենը[5]։ Կողոպուտից մի քանի ամիս անց շատերը, ովքեր մասնակցել են դրան, կամ անհետ կորել են կամ մահացած են հայտնաբերվել[5][6]։

Վկաների պաշտպանության ծրագրին մասնակցություն և հետագա կյանք[խմբագրել | խմբագրել կոդը]

1980 թվականի ապրիլին Հենրի Հիլը ձերբակալվել է Նյու Յորք նահանգի Նասաու շրջանում[6]։ Դրա պատճառը Հիլի համար սովորական դարձած թմրավաճառության գործարքներն էր[6]։ Նա չի ցանկացել վերստին կալանավորվել և գրավ է մուծել[6]։ Դրանից կարճ ժամանակ անց Հիլը հասկացել է, որ իր հանցավոր գործընկերները ցանկանում են վերացնել նրան մաֆիայի կանոնադրությունները խախտելու համար[6]։ Նա, իր կինը և երեխաները հուսահատ քայլի են դիմել՝ մասնակցել վկաների պաշտպանության դաշնային ծրագրին[6]։ Իր նախկին համախոհների դեմ ցուցմունքների համար Հիլին խոստացել են բնակության նոր վայր և անուն, ամսավճար և բացարձակ մաքուր դոսյե[6]։

Դրա արդյունքը դարձել է Ջիմի Բյորքի դատավճիռը, որը 20 տարվա ազատազրկում է նախատեսել[6]։ Երկու տարի անց դաշնայինները պարզել են, որ Բյորքը մի անգամ դաժան սպանություն է կատարել և ցմահ ազատազրկման է դատապարտվել[6]։ Բյորքը մահացել է իր բանտախցում 1996 թվականին[6]։ Հիլն «օգնել է» նաև իր վաղեմի ընկերոջը՝ Փոլ Վարիոյին, որին դատապարտել են չորս տարի ազատազրկման[6]։ Հիլն ու իր ընտանիքը երկար ժամանակ բնակության նոր վայր են փնտրել և, ի վերջո, գտել են Վաշինգտոն նահանգում[6]։

1981 թվականի սեպտեմբերին Հիլը ծանոթացել է քրեական գրող Նիկոլաս Փիլեջիի հետ, որը հետագայում նրա մասին գիրք է գրել, իսկ ինը տարի անց կինոթատրոնների էկրաններին հայտնվել է Մարտին Սկորսեզեի «Փառավոր տղաներ» դրաման, որը հիմնված էր Հենրի Հիլի կյանքի վրա[6]։ Հիլի դերը կատարել է Ռեյ Լիոտան, իսկ նրա մտերիմ ընկերների՝ Ջիմի Բյորքի և Թոմի Դեսիմոնեի դերերը՝ համապատասխանաբար Ռոբերտ դե Նիրոն և Ջո Պեշին։ Իր հետագա ողջ կյանքը Հիլն անցկացրել է այնպես, ինչպես սովոր էր՝ թմրանյութեր է վաճառել, խարդախություններ արել և, ի վերջո, կորցրել էր այն ամենն, ինչ ուներ[6]։ 1980-ական թվականների վերջին նրանից հեռացել է կինը[6]։

Վերջին տարիներ և մահ[խմբագրել | խմբագրել կոդը]

Կյանքի վերջին տարիներին Հենրի Հիլն ապրում էր հարավային Կալիֆորնիայում, զբաղվում էր նկարչությամբ, իսկ իր նկարները վաճառում էր eBay կայքում[7]։ Բացի այդ, նա մի քանի տարի աշխատել է Firefly իտալական խոհանոցի ռեստորանում որպես խոհարար[7]։

2012 թվականի հունիսի 12-ին՝ ծննդյան 69-րդ տարեդարձից մեկ օր անց, Հիլը մահացել է Լոս Անջելեսի հիվանդանոցներից մեկում[8]։ Մահվան պատճառ է դարձել երկար ու անբուժելի հիվանդությունը՝ հավանաբար սրտի հետ կապված խնդիրները[8][9]։

Ռեյ Լիոտան, որը «Փառահեղ տղաներ» ֆիլմի մեջ կատարել է Հիլլի դերը, ասաել է․ «Ես նրա հետ հանդիպել եմ ընդամենը մի քանի անգամ և չեմ կարող ասել, որ լավ եմ ճանաչել նրան, բայց գիտեմ, որ նա բարդ կյանք է ապրել։ Իմ սիրտը նրա ընտանիքի հետ է։ Թող նրա հոգին հանգստանա»[10]։

Անձնական կյանք[խմբագրել | խմբագրել կոդը]

1965-1989 թվականը Հենրի Հիլը ամուսնացած էր հրեա աղջկա՝ Կարեն Ֆրիդմանի հետ։ Ամուսինները երկու երեխա ունեին՝ որդին՝ Գրեգը և դուստրը՝ Ջինան։ Ըստ Հիլլի խոստովանության՝ երեխաները երբեք չեն սիրել իրեն։ Իր տված հարցազրույցում Գրեգը հայտարարել է․

Aquote1.png Իմ հայրը եղել է կնոջը ծեծող, գող, մոլի հարբեցող, դավաճան և թմրամաճառ։ Ես նրա մասին չեմ կարող ասել ոչ մի լավ բան։
- [7]
Aquote2.png


Սկզբում Ջինան ավելի բարյացակամ է եղել իր հայրիկի հանդեպ, սակայն հետագայում փոխել է իր կարծիքը նրա մասին[7]։ Ե՛վ Գրեգը, և՛ Ջինան հաճախել են սովորական դպրոցներ, որտեղ նրանք ստիպված են եղել բացատրել, թե ինչու է իրենց հայրն իրեն այդպես պահում[7]։ Կնոջ հետ հարաբերությունները նույնպես միանշանակ չէին՝ միմյանց ծայրահեղ երկրպագությունից մինչև սարսափելի զայրույթ և կոնֆլիկտ[7]։

Կյանքի վերջին տարիներին Հիլը ռոմանտիկ հարաբերություններ է ունեցել Լիզա Կազերտայի հետ[8]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Hendley, 2010, էջ 97
  2. «Славные парни: к десятилетию Mafia»։ Gmbox.ru։ Արխիվացված է օրիգինալից 2016-08-28-ին։ Վերցված է 2016-06-18 
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 Hendley, 2010, էջ 98
  4. Fox Margalit (2012-06-13)։ «Henry Hill, Mobster of ‘Goodfellas,’ Dies at 69»։ The New York Times (անգլերեն)։ 0362-4331։ Վերցված է 2019-04-20 
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 5,15 5,16 5,17 Hendley, 2010, էջ 99
  6. 6,00 6,01 6,02 6,03 6,04 6,05 6,06 6,07 6,08 6,09 6,10 6,11 6,12 6,13 6,14 Hendley, 2010, էջ 100
  7. 7,0 7,1 7,2 7,3 7,4 7,5 Hendley, 2010, էջ 101
  8. 8,0 8,1 8,2 «HENRY HILL 'Goodfellas' Mobster DEAD AT 69» (անգլերեն)։ TMZ։ 12 июня 2012։ Վերցված է 2012-6-13 
  9. «Goodfellas mobster Henry Hill dies aged 69» (անգլերեն)։ BBC։ 13 июня 2012։ Վերցված է 2012-6-15 
  10. «RAY LIOTTA TO HENRY HILL R.I.P. My Gangster Friend… I Hardly Knew Ye» (անգլերեն)։ TMZ։ 13 июня 2012։ Վերցված է 2012-6-15