Կլաուդիո Անդրես Բրավո Մունոսը «Բարսելոնա» է եկել 2014 թվականի ամռանը Ռեալ Սոսյեդադից։ Բրավոն ծնվել է 1983 թվականի ապրիլի 13-ին Չիլիի Բուին քաղաքում։ Բրավոն դեռ վաղ հասակից սկսել է ֆուտբոլ խաղալ, սակայն իր կարիերայի սկզբում եղել է հարձակվող, այնուհետև պաշտպան և վերջում նոր միայն դարպասապահ։ Բրավոյի առաջին ակումբը եղել է չիլիական Կոլո-կոլոն, որին նա միացել է 11 տարեկան հասակում։ Մարզումները սկսվելուն պես Բրավոն խնդրել է իր մարզչին իրեն փորձել դարպասապահի դիրքում և այդ օրվանից նա այլևս չի ցանկացել փոխել իր դիրքը։ Կլաուդիո Բրավոն Կոլո-կոլոյի առաջին թիմի կազմում առաջին անգամ դաշտ է դուրս եկել 2002 թվականին՝ 19 տարեկան հասակում։ 2006 թվականին Բրավոն տեղափոխվել է իսպանական Ռեալ Սոսյեդադ, որտեղ իր դեբյուտը նշել է 2006 թվականի հոկտեմբերի 22-ին՝ Մալյորկայի հետ խաղում (0-0)։ Կլաուդիո Բրավոն իր բարձր հասակի (185 սմ.) շնորհիվ հիմնականում հաղթող է դուրս գալիս 2-րդ հարկում։ Բրավոն սթափ մտածող, ճկուն և փորձառու դարպասապահ է, ով նաև հիանալի է խաղում ոտքերով։ Բացի այդ, Բրավոն կարողանում է վստահություն հաղորդել թիմի պաշտպանությանը, ինչը շատ կարևոր գործոն է ժամանակակից ֆուտբոլում։