Ծոբ

Գյուղ
Ծոբ
վրաց.՝ წოფი
Ծոբոփորի ամրոցի ավերակները
Երկիր	Վրաստան
Մարզ	Քվեմո ՔարթլիՔվեմո Քարթլի
Շրջան	Մառնեուլի
ԲԾՄ	760 մ
Բնակչություն	596 մարդ (2014)
Ազգային կազմ	հայեր (34%), ադրբեջանցիներ (62%)
Ժամային գոտի	UTC+4
Հեռախոսային կոդ	+995
Ծոբ (Վրաստան)

Ծոբ կամ Ծոփ (վրացերեն՝ წოფი), գյուղ Վրաստանի Քվեմո Քարթլիի մարզի Մառնեուլի շրջանում, վարչական կենտրոն Մառնեուլ քաղաքից 37 կմ հեռավորության և ծովի մակարդակից 760 մ բարձրության վրա։

Բնակչությունը

Համաձայն 2002 թվականի տվյալների, գյուղն ուներ 746 բնակիչ, հիմնականում ադրբեջանցիներ և հայեր, որից 351 տղամարդ և 395 կին։ 2014 թվականի տվյալներով, գյուղում ապրում էր 596 մարդ, որից 306 տղամարդ և 290 կին։ Ներկայումս գերակշռում են ադրբեջանցիները (62%)։

Բնակիչներն զբաղվում են անասնապահությամբ և երկրագործությամբ։ Գյուղն ունի միջնակարգ դպրոց։

Պատմական հուշարձաններ

Ծոբից հյուսիս գտնվում է Մեծ Հայքի Գուգարք նահանգի Ծոբոփոր գավառի կենտրոնը, միջնադարյան Հայաստանի նշանավոր Ծոբոփորի ամրոցը (10-11-րդ դարեր), որը պահպանվել է ավերակների տեսքով։ Այնտեղ է գտնվում նաև հայտնի եկեղեցին` Ծոփքի բազիլիկը (5-րդ դար)։