Աղքյորփի (վրացերեն՝ ახქერფი - Ախքերփի), հայաբնակ գյուղ Վրաստանի Քվեմո Քարթլիի մարզի Մառնեուլի շրջանում, Վիրահայոց լեռների հյուսիսային լանջին, Լալվարից սկիզբ առնող Աղքյորփի գետակի ափին, վարչական կենտրոն Մառնեուլ քաղաքից 60 կմ հեռավորության և ծովի մակարդակից 1019 մետր բարձրության վրա։
Համաձայն 2002 թվականի տվյալների, գյուղն ուներ 742 բնակիչ, հիմնականում հայեր, որից 352 տղամարդ և 390 կին, իսկ 2014 թվականի տվյալների համաձայն, գյուղում ապրում էր 610 մարդ, որից 286 տղամարդ և 324 կին։
Գյուղի մոտակայքում է գտնվում Մեծ Հայքի Գուգարք նահանգի Բողնոփոր գավառի հայտնի Խուճապի վանքը (13-րդ դար), որը սակայն տարածքային առումով պատկանում է Հայաստանին։