Իզաբելլա Ռոսսելլինի

Իզաբելլա Ռոսսելլինի
Ծննդյան թիվ՝	հունիսի 18, 1952(1952-06-18)[…] (71 տարեկան)
Ծննդավայր՝	Հռոմ, Իտալիա
Քաղաքացիություն՝	Իտալիա  ԱՄՆ  Շվեդիա
Մասնագիտություն՝	մոդել, կինոռեժիսոր, ինքնակենսագիր, կինոդերասանուհի, հեռուստատեսային դերասանուհի և սցենարիստ
Պարգևներ՝	Ռեյչել Կարսոնի մրցանակ (2010) և Սատուրն մրցանակ երկրորդ պլանի լավագույն դերասանուհուն
IMDb։	ID 0000618

Իզաբելլա Ֆյորելլա Էլետտրա Ջովաննա Ռոսսելլինի (իտալ.՝ Isabella Fiorella Elettra Giovanna Rossellini, հունիսի 18, 1952(1952-06-18)^[…], Հռոմ, Իտալիա), իտալացի կինոդերասանուհի և մոդել։

Կենսագրություն

Ծնվել է 1952 թվականի հունիսի 18-ին շվեդական հայտնի դերասանուհի Ինգրիդ Բերգմանի և իտալացի կինոռեժիսոր Ռոբերտո Ռոսսելլինիի ընտանիքում։ Նա ունի երկվորյակ քույր՝ Իզոտտա։ Նրա ճանաչված դերերից մեկը խաղացել է Դեյվիդ Լինչի «Կապույտ թավիշ» (1986) ֆիլմում։

1979-1983 թվականներին ամուսնացած էր ռեժիսոր Մարտին Սկորսեզեի հետ։ Վերջինիս հետ ամուսնալուծվելուց հետո Իզաբելլան ամուսնացավ Ջոն Վիդեմաննի հետ, նրանք ունեցան դուստր՝ Էլետտրային։ Ավելի ուշ հանդիպում էր Դեյվիդ Լինչի, Գարի Օլդմենի և Գրեգորի Մոշերի հետ։

Ռոսսելլինին հաճախ էր հայտնվում՝ Vogue, Marie Claire, Harper's Bazaar, Vanity Fair ամսագրերի շապիկներին։ 1982 թվականից նա դառնում է Lancome կոսմետիկ ընկերության գովազդային դեմք։ Նրա դուստր Էլետտրա Վիդեմանն-Ռոսսելլինին նույնպես ներկայացնում է այդ ընկերության արտադրանքը։

Իզաբելլա Ռոսսելլինին հանդիսանում է երեք գրքերի հեղինակ։ 1997 թվականին հրատարակվեցին մեմուարները՝ «Some of Me»: 2002 թվականին լույս տեսավ դերասանուհու երկրորդ գիրքը՝ «Looking at Me», նվիրված լուսանկարներին ու լուսանկարիչներին։ 2006 թվականին Իզաբելլան հրատարակեց իր հորը նվիրված վեպ՝ «Remembering Roberto Rossellini»: Իզաբելլան հանդիսանում է վայրի բնության պաշտպանության շարժման ակտիվիստ։ Նա «Seduce me» մինի-սերիալի հեղինակն է, որը նվիրված են կենդանիների որոշ տեսակների բազմացման յուրահատկություններին։

Ֆիլմագրություն

Դերասանական աշխատանքներ.

• 1985 - Սպիտակ գիշերները/ White Nights-Դարյա Գրինվուդ
• 1986 - Կապույտ թավիշ/ Blue Velvet-Դարոտի Վալլենս
• 1987 - Լավ տղաները չեն պարում/ Tough Guys Don’t Dance-Մեդելին Ռեջենսի
• 1987 - Սիեստա/ Siesta-Մերի
• 1989 - Բարեկամները/ Cousins-Մարիա Խարդի
• 1990 - Սրտով Վայրենիներ/ Wild At Heart-Պերդիտա Դուրանգո
• 1991 - Վենետիկի պաշարումը/ Caccia alla vedova- Ռոզաննա
• 1992 - Մահը սազում է նրան / Death Becomes Her- Լիզլ ֆոն Րումեն
• 1993 - Անմեղքը/ The Innocent- Մարիա Տեմպիո
• 1996 - Ընկերներ/ Friends- Կամեո
• 1997 - Օդիսսեյա/ The Odyssey-Աֆինա
• 1998 - Թողված ուղեբեռը/ Left Luggage- Տիկին Կալման
• 1998 - Ինքնակոչը/ The Impostors- Շղարշով թագուհին
• 1998 - Վեհափառ Մեռլինը/ Merlin-Նիմուեյ
• 2002 - Վերջին ասպետը/ Don Quixote-Դքսուհի
• 2002 - Կայսրություն/ Empire- Կոլումբիացին
• 2002 - Նապոլեոն/ Napoléon-Ժոզեֆինա
• 2004 - Կանանց սիրելին/ Roger Dodger- Ջոյս
• 2004 - Երկրածովի կախարդը/ Legend of Earthsea- Գերագույն քրմուհի Տար
• 2005 - Այծի տոնը/ Fiesta del chivo-Ուրանիա
• 2008 - Պատահական ամուսին/ The Accidental Husband- Գրետա Բոլենբեքքեր
• 2008 - Սիրեկաններ/ Two Lovers-Ռուտ Քրեդիտոր
• 2010 - Կենտ թվերի միայնությունը/ La solitudine dei numeri primi
• 2011 - Ուշացած ծաղիկները/ Late Bloomers
• 2011 - Սալորաչիչով ճուտիկ/ Poulet aux prunes
• 2012 - Համր Կյանք/ Silent Life
• 2012 - Նոնո - խուզարկու-տղա/ Nono, het Zigzag Kind-Լոլա Չիպերոլա
• 2013 - Թշնամի/ Enemy-Ադամի մայրը
• 2013 - Սև Ցուցակ/ The Blacklist/ Ֆլորիանա Կամպո
• 2015 - Ջոյ/ Joy/Տրուդի