Դիլիջանի պետական թատրոն
 | |
|---|---|
| Տեսակ | թատրոն |
| Գտնվելու վայրը | Դիլիջան |
| Հիմնադրման ամսաթիվ | 1881 |
| Նախկին անվանումներ | Հասմիկի անվան ժողովրդական թատրոն |
Դիլիջանի պետական թատրոն, սկզբնավորվել է 1881 թվականին, Սրապիոն Հեքիմյանի «Սամվել» պիեսի բեմադրությամբ։ 20-րդ դարի սկզբից տեղի խմբերի հետ հանդես են եկել Վարդան Միրզոյանը, Անդրանիկը, Ազնիվ Հրաչյան և ուրիշներ։
1910-ական թվականներին գործել է Թատերասերների ընկերությունը։
Հայաստանում խորհրդային իշխանության հաստատման առաջին օրերից թատերասերների խումբը Հասմիկի ղեկավարությամբ բեմադրել է Գաբրիել Սունդուկյանի «Պեպո»[1] և այլ ներկայացումներ։ 1926-1927 թվականներին տեղի թատերական կյանքի զարգացմանը նպաստել է Ա․ Գուլակյանը, Վաղարշակ Նորենցը՝ «Կապույտ բլուզ» թատերախմբի ուժերով տալով մի շարք ագիտացիոն բնույթի բեմադրություններ։
1932 թվականին Յանովսկու «Ցասում» ներկայացումով բացվել է Դիլիջանի 26 կոմիսարների անվան պետական թատրոնը, խաղացանկում՝ Դերենիկ Դեմիրճյանի «Քաջ Նազար», Հակոբ Պարոնյանի «Պաղտասար աղբար» և այլն։ 1934-1948 թվականներին գործել է կոլխոզ-սովխոզային թատրոնի իրավունքներով։
Բեմադրություններ[խմբագրել | խմբագրել կոդը]
Բեմադրություններից են՝ Վաղարշ Վաղարշյանի «Օղակում», Լյուդվիգ Միքայելյանի «Գոշ», Նաիրի Զարյանի «Աղբյուրի մոտ», Շիրվանզադեի «Պատվի համար», Ա․ Օստրովսկու «Անմեղ մեղավորներ»։ Դիլիջանի թատրոնի գործունեությանը նպաստել են ռեժիսորներ Աշ-Մաթը, Բ․ Շաքարյանը, Ց․ Սողոմոնյանը, Հովհաննես Կարապետյանը, Արշակ Կայծունին, նկարիչներ Ռ․ Նալբանդյանը, Հովհաննես Շարամբեյանը, դերասան-դերասանուհիներ Մ․ Գալոյանը, Ս․ Ղազարյանը, Գ․ Դավթյանը, Ժան Էլոյանը, Նվարդ Աբալյանը, Գրիգոր Յաղջյանը, Լ․ Ալվարյանը և ուրիշներ։
1949 թվականին Դիլիջանի պետական թատրոնը գործել է որպես մշակույթի տան թատերախումբ, 1959 թվականից՝ Հասմիկի անվան ժողովրդական թատրոն[2]։
Ծանոթագրություններ[խմբագրել | խմբագրել կոդը]
- ↑ «ԹԱՏՐՈՆԸ ԴԻԼԻՋԱՆՈՒՄ | Պատմամշակութային արգելոց-թանգարանների և պատմական միջավայրի պահպանության ծառայության». hushardzan.am. Արխիվացված է օրիգինալից 2017 թ․ մարտի 13-ին. Վերցված է 2016 թ․ հոկտեմբերի 21-ին.
- ↑ ՀՀ խմբ․ հանձնաժողով՝ Կ․ Ս․ Խուդավերդյան (գլխ․ խմբ) և ուրիշ, Հայկական համառոտ հանրագիտարան, հ. 2 (ՀՀ գլխ․ խմբ․), Երևան, «Հայկական հանրագիտարանի գլխավոր խմբագրություն», 1995, էջ 46 — 768 էջ. — 10000 հատ, ISBN 5-89700-003-5։