Գևորգ Դաբաղյան

Գևորգ Դաբաղյան
Ծնվել է	փետրվարի 12, 1965 (59 տարեկան); Երևան, Հայկական ԽՍՀ, ԽՍՀՄ
Երկիր	ԽՍՀՄ և Հայաստան
Մասնագիտություն	երաժիշտ և երաժշտության ուսուցիչ
Գործիքներ	դուդուկ
Աշխատավայր	Ակունք ազգագրական համույթ, Շողակն և Երևանի Կոմիտասի անվան պետական կոնսերվատորիա
Կրթություն	Ռոմանոս Մելիքյանի անվան պետական երաժշտական քոլեջ (1984) և Երևանի Կոմիտասի անվան պետական կոնսերվատորիա (1989)
Պարգևներ	Հայաստանի ժողովրդական արտիստ

Գևորգ Գուրգենի Դաբաղյան (փետրվարի 12, 1965(1965-02-12)^[1], Երևան, Հայկական ԽՍՀ, ԽՍՀՄ), հայ դուդուկահար։ ՀՀ ժողովրդական արտիստ (2017)։

Կենսագրություն

Գևորգ Դաբաղյանը ծնվել է 1965 թվականին Երևանում^[2]։ 1984 թվականին ավարտել է Երևանի Ռոմանոս Մելիքյանի անվան երաժշտական ուսումնարանը, 1989 թվականին՝ Երևանի Կոմիտասի անվան պետական կոնսերվատորիայի դուդուկի դասարանը, 1992 թվականին՝ ասպիրանտուրան (ղեկավար` Խաչատուր Ավետիսյան)։ 1980-1992 թվականներին եղել է «Ակունք» անսամբլի մենակատար։ 1992 թվականին ստեղծել է «Շողակն» ժողովրդական անսամբլը^[3]։ 1988 թվականից դասավանդում է Երևանի Կոմիտասի անվան պետական կոնսերվատորիայում^[4]։

Հայաստանի հեռուստատեսության և ռադիոյի ֆոնդում ունի բազմաթիվ ձայնագրություններ։ Կատարել է հայ միջնադարյան, գուսանական և հոգևոր երաժշտություն։ Թողարկել է լազերային սկավառակներ, սկավառակ է թողարկել նաև Կոմիտասի անվան քառյակի (2004), Հայաստանի կամերային նվագախմբի (2004), արաբ դուդուկահար Ռաբի Աբուլ-Խալիլի (2004) հետ^[4]։

Դաբաղյանի կատարումները հնչում են Ատոմ Էգոյանի «Արարատ», Տավիանի եղբայրների «Արտույտների ագարակը» ֆիլմերում։ Հյուրախաղերով հանդես է եկել ԱՄՆ-ում, Ֆրանսիայում, Գերմանիայում, Ֆինլանդիայում, Լեհաստանում, Շվեյցարիայում, Կանադայում, Չինաստանում, Հարավային Ամերիկայի երկրներում և այլուր^[4]։

Պարգևներ

Դուշանբեի Արևելքի ժողովրդական նվագարանների միջազգային մրցույթի գլխավոր մրցանակ, 1990
Երևանի Սայաթ-Նովայի անվան մրցանակաբաշխության մրցանակ, 1991-1992
Մրցանակներ ԱՄՆ-ում, 1994-1995, 2002-2003
Հայաստանի վաստակավոր արտիստ, 2004
ՀՀ ժողովրդական արտիստ, 2017^[5]
ՀՀ մշակույթի նախարարության շնորհակալագիր, 2017^[6]

Ծանոթագրություններ

↑ ^1,0 ^1,1 http://am.hayazg.info/index.php?curid=1119
↑ Afrique magazine , Issues 269-274. Groupe Jeune Afrique. 2008. էջ 53.
↑ Jenkins, Mark (2008 թ․ փետրվարի 8). «Rev. of Shoghaken Ensemble, Music From Armenia». The Washington Post. Վերցված է 2010 թ․ դեկտեմբերի 7-ին.
↑ ^4,0 ^4,1 ^4,2 «Գևորգ Դաբաղյանի կենսագրությունը zarkfoundation.com կայքում».
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 22-ին.
↑ «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ». mincult.am. Վերցված է 2018 թ․ հունվարի 6-ին.

[_33f83aeee92d07f3-1] 1,0 ^1,1 http://am.hayazg.info/index.php?curid=1119

[2] Afrique magazine , Issues 269-274. Groupe Jeune Afrique. 2008. էջ 53.

[3] Jenkins, Mark (2008 թ․ փետրվարի 8). «Rev. of Shoghaken Ensemble, Music From Armenia». The Washington Post. Վերցված է 2010 թ․ դեկտեմբերի 7-ին.

[zarkfoundation.com-4] 4,0 ^4,1 ^4,2 «Գևորգ Դաբաղյանի կենսագրությունը zarkfoundation.com կայքում».

[5] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ սեպտեմբերի 22-ին.

[6] «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ». mincult.am. Վերցված է 2018 թ․ հունվարի 6-ին.

[1]

[2]

[3]

[4]

[5]

[6]