Շողակն (համույթ)

Շողակն ժողովրդական համույթ, հայկական երաժշտական համույթ։ Հանդես է գալիս աշուղական ու ժողովրդական կատարումներով, ներկայացնում է ժողովրդական երգը և նվագարանները` դուդուկ, զուռնա, դհոլ, քանոն, քամանչա, շվի, բլուլ, ուդ և դափ։ Համույթի հիմնադիրն է ՀՀ վաստակավոր արտիստ Հասմիկ Հարությունյանը։

Պատմություն

Համույթը հիմնադրվել է Երևանում, 1995 թվականին։ Անսամբլի առաքելությունն է ժողովրդական արվեստում կոմիտասյան ավանդույթները պահպանելն ու դրանք սերունդներին փոխանցելը։

Համույթը մենահամերգներով հանդես է եկել ԱՊՀ երկրներում, Եվրոպայում, Շվեյցարիայում, Պորտուգալիայում, Լեհաստանում, Մերձավոր Արևելքում, ԱՄՆ-ում։ «Շողակն» անսամբլի երաժշտությունը հնչում է Ատոմ Էգոյանի «Արարատ» ֆիլմում։

Անդամներ

• Հասմիկ Հարությունյան, երգչուհի
• Գրիգոր Թաքուշյան, դուդուկ
• Ալեքսան Հարությունյան, երգիչ
• Վարդան Բաղդասարյան, քամանչա
• Գևորգ Դաբաղյան, դուդուկ, զուռնա
• Կարինե Հովհաննիսյան, քանոն
• Կամո Խաչատուրյան, դհոլ
• Լևոն Թևանյան, շվի, բլուլ, պկու և պարկապզուկ

Ձայնասկավառակներ

• Հայկական երաժշտություն, 1995 թ.
• «Հայկական անթոլոգիա», 2002 թ.
• «Գորանի. Հայկական ժողովրդական պարեր», 2002 թ.
• «Հայկական ավանդական պարեր», 2004 թ.
• «Հայկական օրորոցայիններ», 2004 թ. («Նյու Յորք Թայմս» պարբերականի կողմից ճանաչվել է «Համաշխարհային երաժշտության լավագույն ձայնասկավառակ», 2004 թ.)
• «Երաժշտություն Հայաստանից», 2008 թ.

Արտաքին հղումներ

• Համույթի էջը youtube կայքում
• Traditional Crossroads
• Road to Armenia Archived 2018-10-07 at the Wayback Machine.