Գուստավ Կաֆկա

Վիքիպեդիայից՝ ազատ հանրագիտարանից
Jump to navigation Jump to search
Գուստավ Կաֆկա
Gustav Kafka
Ծնվել էհուլիսի 23, 1883(1883-07-23)[1]
Վիեննա, Ավստրո-Հունգարիա[1]
Մահացել էփետրվարի 12, 1953(1953-02-12) (69 տարեկանում)
Ֆայտսհյոխհայմ, Վյուրցբուրգ, Ստորին Ֆրանկոնիա, Բավարիա, Գերմանիայի Ֆեդերատիվ Հանրապետություն
ՔաղաքացիությունFlag of Austria.svg Ավստրիա
Մասնագիտությունհոգեբան, փիլիսոփա և համալսարանի պրոֆեսոր
Հաստատություն(ներ)Լյուդվիգ Մաքսիմիլիանի Մյունխենի համալսարան, Դրեզդենի տեխնիկական համալսարան և Վյուրցբուրգի համալսարան
Ալմա մատերԼայպցիգի համալսարան
Տիրապետում է լեզուներինգերմաներեն[2]
Ինչով է հայտնիԽմբագրել է փիլիսոփայության և հոգեբանության պատմության 36 հատոր


Գուստավ Կաֆկա (գերմ.՝ Gustav Kafka, հուլիսի 23, 1883 թվական - փետրվարի 12, 1953 թվական), ավստրիացի հոգեբան և փիլիսոփա, կաթոլիկական գործիչ։

Կենսագրություն[խմբագրել | խմբագրել կոդը]

Գուստավ Կաֆկան ծնվել է 1883 թվականի հուլիսի 23-ին Վիեննայում։ Դաստիարակվել է հոգեհոր և հոգեմոր կողմից Բոնո քաղաքում (նախկին անվանումը՝ Բրյուն)։

Կաֆկան սովորել է Վիեննայում` Գյոթինգենում (Հ. Է. Մյուլլերի և Է. Գուսսերլի մոտ), Լայպցիգում (Թ. Լիպսի մոտ) և Մյունխենում: Աշխատել է որպես Թ. Լիպսի և Է. Բեխերի օգնական (ասիստենտ): Վիլհելմ Վունդտի ղեկավարությամբ պատրաստվել է դոկտորական դիսերտացիայի:

1910 թվականից Գուստավ Կաֆկան եղել է փիլիսոփայության պրիվատ-դոցենտ, իսկ 1915 թվականից` պրոֆեսոր։

Զինվորական ծառայության տարիներին (1914-1918) Կաֆկան հոգետեխնիկական ծառայություն է կազմակերպել ավստրիական բանակի համար։ Ծառայությունից հետո դասավանդել է Մյունխենի համալսարանում (կիրառական հոգեբանության ամբիոնում)։ 1923 թվականից եղել է Դրեզդենի բարձրագույն տեխնիկական դպրոցի փիլիսոփայության և մանկավարժության պրոֆեսոր։ 1929 - 1933 թվականներին եղել է հոգեբանների գերմանական ընկերության անդամ։ Պատերազմի տարիներին արտագաղթել է։ 1947 թվականից ղեկավարել է Վյուրցբուրգյան համալսարանի փիլիսոփայության և հոգեբանության ամբիոնը, 1950 - 1951 թվականներից եղել է ֆակուլտետի դեկանը, ինչից հետո պաշտոնաթող է եղել։

Գործունեություն[խմբագրել | խմբագրել կոդը]

Գուստավ Կաֆկան հայտնի է որպես փիլիսոփայության և հոգեբանության պատմության երեսունվեց հատորների խմբագիր։ Կաֆկայի հոգեբանական հետազոտությունների ոլորտն ընդգրկուն է՝ կենդանիների վարքագիծ, էքսպրեսիվ ռեակցիայի, շփման, խոսքի, արվեստի, մասնագիտական կայացման, կենսական տարիքի հոգեբանություն, իրավաբանական հոգեբանություն, պարահոգեբանություն։ Կաֆկան տվել է նաև հիմնական աֆեկտների տիպաբանություն։ Բացի այդ, Կաֆկան եղել է մի շարք ընկերությունների անդամ՝ Կանտյան ընկերություն, գերմանական կենդանաբանական ընկերություն և փորձարարական հոգեբանության ընկերություն։ 1948 թվականին ղեկավարել է հոգեբանների գերմանական ընկերությունը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]