Մյունխենի համալսարան

Մյունխենի համալսարան
Տեսակ	հանրային հետազոտությունների համալսարան
Հիմնադրված է	1472
Անվանված է	Louis IX? և Մաքսիմիլիան I Ժոզեֆ Բավարացի
Ռեկտոր	Karl Gayer?, Friedrich Thiersch?, Joseph Franz von Allioli?, Hieronymus Bayer?, Johann Adam Oberndorfer?, Johann Nepomuk von Ringseis? և Thaddäus Siber?
Ընդհանուր անձնակազմ	14 083 մարդ (2015)
Անդամակցություն	Գերմանիայի հետազոտական ցանց, Գերմանիայի համալսարանների գերազանցության նախաձեռնություն, ORCID, Գերմանացի ռեկտորների կոնֆերանս, Գերմանիայի համալսարանական սպորտային ֆեդերացիա, Եվրոպայի համալսարանների միություն և Informationsdienst Wissenschaft e.V.?
Երկիր	Գերմանիա
Տեղագրություն	Մյունխեն
Պարգևներ	Մեծ եղբոր մրցանակ
Կայք	uni-muenchen.de
Ludwig-Maximilians-Universität München Վիքիպահեստում

Մյունխենի համալսարան (գերմ.՝ Ludwig-Maximilians-Universität München (LMU)), բարձրագույն ուսումնական հաստատություն Մյունխենում: Հիմնադրվել է 1472 թվականին հերցոգ Լյուդվիգ IX-ի ջանքերով և անվանվել նրա և կուրֆյուրստ Մաքսիմիլիան I Իոսիֆի պատվին:

Փաստեր ու թվեր

Մյունխենի համալսարանում 2009-2010 թվականների տվյալներով սովորում էր 45.539 ուսանող: Համալսարանն ունի 18 ֆակուլտետ, որոնցում դասավանդում է ավելի քան 700 պրոֆեսոր: Համալսարանի տարեկան բյուջեն կազմում է մեկ միլիարդ եվրո, որի մեկ երրորդ մասը բաժին է ընկնում համալսարանական կլինիկային:

Մյունխենի համալսարանում սովորողները կարող են կրթություն ստանալ 160 մասնագիտացումներով:

Բացի Մաքսֆորշտադտ շրջանի Գեշվիստեր Շոլլ Պլաց (գերմ.՝ Geschwister-Scholl-Platz) հրապարակում գտնվող գլխավոր մասնաշենքից` համալսարանն ունի նաև այլ մասնաշենքեր Մյունխենի տարբեր շրջաններում:

Ֆալուլտետներ

• 01 Կաթոլիկ աստվածաբանություն
• 02 Ավետարանչական աստվածաբանություն
• 03 Իրավաբանություն
• 04 Տնտեսություն և արտադրության կազմակերպում
• 05 Ժողովրդական տնտեսություն
• 06 Բժշկություն
• 07 Անասնաբուժություն
• 08 Պատմություն և արվեստագիտություն
• 09 Փիլիսոփայություն, գիտության տեսություն, կրոն
• 10 Հոգեբանություն և մանկավարժություն
• 11 Մշակութաբանություն
• 12 Լեզվաբանություն և գրականագիտություն
• 13 Հասարակագիտություն
• 14 Մաթեմատիկա, ինֆորմատիկա, վիճակագրություն
• 15 Ֆիզիկա
• 16 Քիմիա և դեղագործություն
• 17 Կենսաբանություն
• 18 Գիտություններ Երկրի մասին

Մասնաշենքեր

Շվայնխենբաու` մանկավարժության և հոգեբանության ֆակուլտետ

• Գեշվիստեր Շոլլ Պլաց (գերմ.՝ Geschwister-Scholl-Platz) հրապարակում գտնվող գլխավոր մասնաշենք
• Բարձր տեխնոլոգիաների մասնաշենք (գերմ.՝ High-Tech-Campus) Գրոսհադերն (գերմ.՝ Großhadern) շրջանում
• Համալսարանական կլինիկաներ
• Շվայնխենբաու (գերմ.՝ Schweinchenbau, բառացի` խոզային շենք) - մանկավարժության ու հոգեբանության ֆակուլտետ: Շենքն իր անվանումը ստացել է իր վարդագույն երանգի շնորհիվ:
• Մաթեմատիկայի ինստիտուտ (գերմ.՝ Mathematik-Bau): Այստեղ կազմակերպվում են դասախոսություններ մաթեմատիկայից, ֆիզիկայից, ինֆորմատիկայից, երկրաբանությունից: Գտնվում է Պինակոտեկից ոչ հեռու:
• Ինստիտուտներ Մյունխենի անգլիական այգում: Այստեղ գործում են Քաղաքագիտության ինստիտուտը (գերմ.՝ Geschwister-Scholl-Platz), արևելագիտության, ինֆորմատիկայի ամբիոնները, Բիոմոլեկուլյար օպտիկայի ինստիտուտը և համակարգչային լեզվաբանության ամբիոնը (գերմ.՝ Centrum für Informations- und Sprachverarbeitung):
• Միջուկային ֆիզիկայի և տարրական մասնիկների ֆիզիկայի բաժանմունքները գտնվում են Գարխինգ գիտական քաղաքում:

Համալսարանական կլինիկաներ

• Գրոսխադերն կինիկա (գերմ.՝ Klinikum Großhadern)
• Ինենշտադտ կլինիկա (գերմ.՝ Klinikum Innenstadt)

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մյունխենի համալսարան կատեգորիայում։