Արիանոս

Արիանոս; լատիներեն՝ Lucius Flavius Arrianus, հունարեն՝ Αρρτανός
Ծնվել է	մոտ 89 կամ 95; Նիկոմեդիա
Մահացել է	մոտ 175 կամ 180; Աթենք, Achaea, Հին Հռոմ
Քաղաքացիություն	Հին Հռոմ
Ուղղություն	Ստոիցիզմ
Մասնագիտություն	պատմաբան, քաղաքական գործիչ, փիլիսոփա, ռազմական գործիչ և գրող
Պաշտոն(ներ)	հինհռոմեացի սենատոր, Աթենքի արխոնտ և կոնսուլ
Տիրապետում է լեզուներին	հին հունարեն
	Flavius Arrianus Վիքիպահեստում

Լուցիոս Փլաբիոս Արիանոս (լատիներեն՝ Lucius Flavius Arrianus, հունարեն՝ Αρρτανός, մոտ 89 կամ 95^[1], Նիկոմեդիա - մոտ 175^[2]^[3] կամ 180^[1], Աթենք, Achaea, Հին Հռոմ), հին հույն պատմիչ և աշխարհագիր, զբաղեցրել է մի շարք բարձր պաշտոններ Հռոմեական կայսրությունում։ Ծնվել է Բունիաթիայի Նիկոմեդիա քաղաքում։ Աշակերտել է հույն ստոիկ փիլիսոփա Եպիկտետոսին։ Հռոմում ստացել է ռազմական գիտելիքներ։ Քաղաքական հայացքներով եղել է կայսրության ջատագով։ Հռոմեական ծերակույտի անդամ էր, հյուպատոս, արքոնտ, 131-137 թթ.՝ Կապադովկիայի կուսակալ։ Գրել է պատմական, փիլիսոփայական, ռազմական, աշխարհագրական և այլ բնույթի երկեր։

Արիանոսի «Ալեքսանդրի Անաբասիս» աշխատությունը (7 գրքից) Ալեքսանդր Մակեդոնացու արշավանքների պատմության արժեքավոր աղբյուր է։ Գիրքը շարադրելիս հեղինակն օգտագործել է Ալեքսանդրի նամակները, նրա զորավարների աշխատությունները, արքունի հիշատակարանը։ «Ալեքսանդրի Անաբասիս»-ում կարևոր տեղեկություններ են պահպանված նաև Աքեմենյանների բանակում կռվող հայկական ռազմական ուժերի մասին։

«Հուշեր Եպիկտետոսի մասին» փիլիսոփայական երկը լավագույն աղբյուր է ստոիկների ուսմունքի մասին։ Արիանոսի «Հնդկաստան», «Շրջագայություն Եվքսինյան Պոնտոսում», «Նեարքոսի արշավանքների նկարագրությունը» աշխատություններն ունեն տեղագրական, աշխարհագրական բնույթ։ «Գործերը Ալեքսանդրից հետո» երկում Արիանոսը ներկայացրել է դիադոքոսների պատմությունը, որից պահպանվել են պատառիկներ։ Մեզ հասել են նրա «Պարթևաստանի պատմությունը», «Ալանների պատմությունը», «Բութանիայի պատմությունը» և այլ աշխատությունների միայն վերնագրերը։ Կյանքի վերջին տարիներին նվիրվել է քրմության։

Ծանոթագրություններ

1 2 3 4 Library of the World's Best Literature / C. D. Warner — 1897.
1 2 Brockhaus Enzyklopädie (գերմ.) — F.A. Brockhaus, 1796.
1 2 Պորտուգալիայի ազգային գրադարան — 1796.
↑ CONOR.Sl

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 59)։

Վիքիպահեստն ունի նյութեր, որոնք վերաբերում են «Արիանոս» հոդվածին։

[_4fe196e8c779a2e8-1] 1 2 3 4 Library of the World's Best Literature / C. D. Warner — 1897.

[_9851352d20010bd6-2] 1 2 Brockhaus Enzyklopädie (գերմ.) — F.A. Brockhaus, 1796.

[_df11a3d776c42c51-3] 1 2 Պորտուգալիայի ազգային գրադարան — 1796.

[_ab91ca6b647a6e0a-4] CONOR.Sl

[1]

[2]

[3]

[4]